Viṣvaksenasaṃhitā · Chapter 5

iti śrīpāñcarātra viṣvaksenasaṃhitāyāṃ śilāsaṃgrahaṇavidhirnāma caturtho 'dhyāyaḥ ||
pañcamo 'dhyāyaḥ
pañcamo 'dhyāyaḥ viṣvaksenaḥ---
athātaḥsaṃpravakṣyāmi śūlasthāpanamuttamam /
sthāpayet pratimāśūlaṃ ratnanyāsasya co(statho?)pari

khadirādīni gṛhṇīyāt yājñikāni viśeṣataḥ /
tallakṣaṇaṃ pravakṣyāmi śṛṇu pūrvaṃ śacīpate

pañcottaradvipañcāśat sapādaṃ(aṅgulaṃ?)śūlamucpate /
rahitaṃ vṛkṣadoṣaistu mitamaṅgulibhiḥ kramāt

dviṣaṭkadvyaṅgulayutaṃ mukhaṃ proktaṃ pramāṇataḥ /
bhāgaḥ sapādakaṃ vā syādadhastāt saptaviṃśatiḥ

nābheradhomukhaṃ proktamardhāṅgulisamāyutam /
ūrudaṇḍasya cāyāmaḥ pañcaviṃśāṅgulo bhavet

bhāgaḥsapādaṃ jānuḥ syāt jaṅghā corusamāyutā /
golakadvayamuddiṣṭamadhastāddvyantaraṃ tathā

vakṣodaṇḍasya vistāraḥ pañcaviṃśāṅgulo bhavet /
kaṭidaṇḍasya vistāraḥ ṣoḍaśāṅgula ucyate

āyāmo bāhudaṇḍasya pañcaviṃśāṅgulo bhavet /
āyāmo 'parabāhvostu bhavet saptadaśāṅgulam

maṇibandhaḥ kalāyāmo bandhakān pratimaskaram /
āyāmo madhyamāṅgulyāṃ pañcāṅgula iti smṛtaḥ

etatpramāṇaṃ śūlaṃ syāt uktamanyannirīkṣyate(tu?) /
devīnāṃ tu śacīnātha śūlānuktān prayojayet

śilpaśāstrānusāreṇa kārayecchūlalakṣaṇam(muttamam?) /
śūlamṛtpaṭarajvādijīrṇaṃ cettu śacīpate

punaranyat samutpādya pūrvoktenaiva kārayet /
hīnādhikaṃ na kartavyaṃ jīrṇadaṇḍavadācaret

evametanmayā proktaṃ, jīrṇoddhāraṇakarmaṇi /
yuktyā yuktiviśeṣeṇa kriyate 'sminnatandritaiḥ

śūlādhivāsanādīni pravakṣyāmi śacīpate /
śṛṇuṣvaikāgracittena viviktena mayādhunā(?)

prāsādasyāgrataḥ kuryāt maṇḍapaṃ caturaśrakam /
caturdvārasamāyuktaṃ catustoraṇabhūṣitam

vitānavastrasaṃchannamalaṃkārairalaṃkṛtam /
pañcottaraśataṃ hastaṃ vistāraṃ tāvadeva tu

tanmadhye vedikāṃ kṛtvā daśatālapramāṇataḥ /
daśahastaṃ bhavedvāpi dvādaśaṃ vā śacīpate

tanmaṇḍapaṃ(dvedikāṃ?)tridhā kṛtvā madhye vediṃ tu kārayet /
daśatālavihīnena (pramāṇena) kārayedvedimuttamām

tāladvayocchritāṃ vediṃ darpaṇodarasaṃnibhām /
vedikāṃ kramaśaḥ kṛtvā samyakkuṇḍāni kalpayet

catustālaṃ tritālaṃ vā dūrībhūtāni sarvaśaḥ /
vedikāyāṃ tu paritaḥ caturaśrādi kalpayet

sthaṇḍile vā prakartavyaṃ śūlasthāpanakarmaṇi /
kṛtvaivaṃ maṇḍapaṃ samyak prapāṃ vāsmin samācaret

aṅkurārpaṇapūrvaṃ tu sthāpayecchūlamuttamam /
śulādi devadevītvāpyūhaṃ kṛtvā krameṇa tu

trirātramekarātraṃ vā jalavāsaṃ prakalpayet /
jalādhivāsanaṃ guhyaṃ śṛṇu śakra śacīpate

nadyāṃ vātha taṭāke vā nirjhare vā śacīpate /
samudragāminī nadyāṃ(?)jalavāsaṃ samācaret

tasminmanorame tīre saṃsthāpya harimavyayam /
śūlamadhye hariṃ dhyātvā sādhakaḥ paramārthavit

kevalaṃ lohabimbaṃ vā sthāpayet sādhakottamaḥ /
arghyapādyādinābhyarcya nyāsakarma samārabhet

aṣṭākṣaraṃ mahāmantraṃ jñātvā mantravicakṣaṇaḥ /
nyāsaṃ kṛtvā svadehe tu paścāddeve nyaset kramāt

sṛṣṭinyāsaṃ nyasettasmin saṃhāraṃ na smarediha /
ṣaḍakṣaraṃ nyaseddhīmān sthitinyāsaṃ nyaset kramāt

devāgre tu tato bhūmiṃ gomayenānulepayet /
tanmadhye śālīnāstīrya cāṣṭapatrābjakaṃ likhet

pañcagavyaṃ nyasenmadhye karṇikāyāṃ śacīpate /
pūrve gandhodakaṃ nyasya dakṣiṇe puṣpatoyakam

paścime nālikerāmbhaḥ cottare tu kuśodakam /
āgneyyāṃ dadhi vinyasya naiṛte kṣīrameva ca

vāyavye maṅgalodaṃ tu aiśāne tu yavodakam /
evaṃ tu navakaṃ cābjamadhye saṃsthāpayet kramāt

padmasya paritaścāṣṭau lokapālān prakalpayet /
pratyekaṃ kalaśasyāntaḥ toyaṃ saṃsthāpayetkramāt

navavastraiśca saṃchādya kalaśānāṃ tathopari /
pratyekaikaṃ tribhirvāpi navavastraṃ śacīpate

puṇyāhaṃ vācayitvā tu svastisūktaṃ tathoccaret /
gandhapuṣpādinābhyarcya svanāmnā mantravittamaḥ

smaran nārāyaṇaṃ paścāt snāpayet kramayogataḥ /
pañcagavyādikalaśān pūrvavat parameṣṭhinā

puṣpamālyairalaṃkṛtya citravastraistu veṣṭayet /
gandhapuṣpādinābhyarcya smaran nārāyaṇaṃ prabhum

jalamadhye prapāṃ kṛtvā vitānairupaśobhitām /
saptahastasamāṃ vāpi pañcahastasamāṃ tu vā

darbhasūtraistu saṃveṣṭya punarmālyaistu veṣṭayet /
caturhastaṃ tu devendra vistārāyāmatādṛśam(taḥ samam?)

darbhamālāsamāyuktaṃ muktādāmairalaṃkṛtam(mabhiranvitam?) /
puṣpamālyairalaṃkṛtya patākairupaśasobhitam

evaṃ prapāmalaṃkṛtya tanmadhye cāsanaṃ nyaset /
catuṣpādasamāyuktaṃ kāṣṭhāsanamanuttamam

tanmadhye devamāvāhya kṣīrārṇavamanusmaran /
śāyayettu śacīnātha mūrtimantreṇa mantravit

prākśīrṣaṃ vā[piṭadevendra dakṣiṇe vātha śāyayet /
pañcopaniṣadaṃ jñātvā ācāryastantrapāragaḥ

puruṣeṇa tato gandhapuṣpādyairarcayeddharim /
lokapālāṣṭakalaśān devasya parito nyaset

svanāmnā pūjayet sarvānindrādikramayogataḥ /
praṇavādinamontena ghaṇṭāśabdasamanvitam

gandhā(arghyā?)didīpaparyantaṃ sādhakaḥ paramārthavit /
tāṃ prapāṃ paritaścāṣṭadigbaliṃ kārayet kramāt

anena lokapālāṃstu smaraṃstantravidāṃ varaḥ /
gandhapuṣpādinābhyarcya uktamanyena (nyacca?)kārayet

śacīpate mayā prokto jalavāsavidhiḥ kramāt /
apare 'hani devendra aparāhṇe samāhitaḥ

jalāduttīrya tantrajñaḥ śaṅkhabheryādibhiḥ saha /
saṃpūjayettayo devamalaṃkṛtya sragādibhiḥ

maṇḍapeśānabhāge tu sthāpayet snānamaṇḍape /
snapanaṃ vidhivat kṛtvā gandhādyairarcayet kramāt

uttare 'smin mayā proktaṃ tantre tu snapanaṃ kramāt /
tatkramaṃ snāpayitvā tu kalpayecchayanaṃ kramāt

śayanaṃ kalpayitvā tu śāyayecchūlasaṃcayam /
tanmadhye devaśūlaṃ tu devīśūlaṃ tu pārśvayoḥ

vastraiḥ saṃchādayecchūlān gandhapuṣpaiḥ samarcayet /
sūktena pu(pau?) ruṣeṇaiva sṛṣṭinyāsaṃ tato nyaset

saṃhāro neṣyate tasmin tatvāni viniyojaye /
mūlaprakṛtimahadahaṅkārākāśavāyuvahṇivārivasundharāvākpāṇipādapāyūpasthaśrotratvakcakṣurjihvāghrāṇamanaḥprāṇāpānavyānodānasamānajīvāḥ pañcaviṃśatitattvāni |
evaṃ tattvāni vinyasya tannāmāni niyojayet

tatastu vedikāyāṃ tu pūrvādikramayogataḥ /
sthāpayet pūrṇakumbhāṃstu dhānyarāśau samāhitaḥ

varāhādīn samabhyarcya svanāmnāṣṭadale(ghaṭe) ṣu ca /
neṣyate vedikāyāṃ tu brahmakumbhādhivāsanam

nyāsabhedāni sarvāṇi anuktaṃ na smarediha /
arghyapādyādinābhyarcya smarannārāyaṇaṃ harim

vāsudevādimūrtīnāṃ pūrvādikramayogataḥ /
kuṇḍe vā sthaṇḍile vāpi juhuyurmūrtipāḥ pṛthak

samidājyena caruṇā aṣṭottaraśataṃ kramāt /
madhunā payasā dadhnā hūyatena (juhuyācca?) ghṛtena ca

sūktena pauruṣaṇaiva pūrvādikramayogataḥ /
kuṇḍe kuṇḍe tu kartavyaṃ (kuryācca?) pratyekaṃ ṣoḍaśāhutīḥ

pūrṇāhutiṃ tato hutvā homamasmin samāpayet /
pāyasaṃ kṛsaraṃ gauḷyaṃ deveśāya nivedayet

śaṅkhadundubhinirghoṣaṃ tasmin kāle niyojayet /
rakṣārthaṃ haviṣāstreṇa cāṣṭadigbalimācaret

ghaṇṭāśabdasamopetaṃ śaṅkhadundubhi ghoṣayet /
tatastu navavastraiśca veṣṭayedupari kramāt

gandhapuṣpaṃ vinikṣipya praṇamyāñjalimudrayā /
rātriśeṣaṃ nayet geyanṛttavīṇādibhiḥ kramāt

prabhātāyāṃ tu śarvaryāmācāryaḥ snānamācaret /
ūrdhvapuṇḍraṃ kramāt kṛtvā vastrālaṃkārabhūṣitaḥ

mūrtipaiḥsaha cotthāya śūlamūlamanusmaran /
arghyapādyādinābhyarcya hāvirasminna (smaipra?) dāpeyat

veśvamapradakṣiṇaṃ kurvan garbhāgāraṃ praveśayet /
ācāryaḥ sthāpayecchūlaṃ tatastu parameṣṭhinā

devīśūlaṃ tu saṃsthāpya svanāmnāsmin śriyādinā /
vedān sasvaramuddhṛtya kāle tasmin samuccaret

vārāhādīni cāvāhya śūlāgre secayet kramāt /
āsanaṃ ca tataḥ puṃsā viśvena śayanaṃ tataḥ

nivṛtyā yānakaṃ cāpi siñcettanmūrdhni(rti?) dhārakaḥ /
mūrdhādipādaparyantaṃ vārāhādīnanukramāt

vinyasecchūla (laṃ?) dehe tu svanāmnā ca pṛthakpṛtham /
sahaiva sthāpayecchūlaṃ śrīpuṣṭyordevapārśvayoḥ

citrārdhaṃ śeladārubhyāṃ sāṅgopāṅgasamāyutam /
kārayet pratimāṃ tatra sthāpayecchūlavat purā

vastraṃ tatra navaṃ snigdhaṃ nīlaromādivarjitam /
saṃgṛhya praṇavenaiva chādayet pratimopari

varṇaṃ tatkārayedvidvān yadyat pūrvānurūpataḥ /
punaḥsaṃsthāpanaṃ kṛtvā sthāpanāśāstrataḥ kramāt

śūlamasthimavettasmin rajjustatra sirā bhavet /
mṛṇmāsaṃ tvakpaṭaṃ tatra śarīravadidaṃ smṛtam

yathā śarīre saṃkalpya catuṣṣaṣṭi sirāstathā /
nārikele(la?)tvacaḥsāraṃ gṛhṇīyādrajjukarmaṇi

śūle pāśāḥ prakartavyāḥ tatkarmakaśalaiḥ śubhaiḥ /
evaṃ rajjumayaṃ kṛtvā sarvāṅgeṣu suveṣṭayet

saṃkṣepāt kathitaṃ rajjubandhanaṃ paramaṃ śubham /
evaṃ kṛtvā yathānyāyaṃ śūlasthāpanamuttamam

ācāryaṃ pūjayet paścāt dhanaiḥkanakakuṇḍalaiḥ /
śilpinaṃ pūjayet paścāt tathaiva navavastrakaiḥ

daivajñaṃ pūjayet pūrvaṃ vastrahemāṅgulīyakaiḥ /
brāhmaṇān bhojayet paścāt vaiṣṇavān vedapāragān