Viṣvaksenasaṃhitā · Chapter 36

iti śrīpāñcarātre viṣvaksenasaṃhitāyāṃ mahāpīṭha- pratiṣṭhāvidhirnāma pañcatriṃśo 'dhyāyaḥ ||
ṣaṭtriṃśo 'dhyāyaḥ
viṣvaksenaḥ--
... ... ... ... ... ... ... ... ... ... ... ... ... ... ... ...
puṇyāhaṃ vācayettatra brāhmaṇaiḥ saha mantravit /
pañcabhārapramāṇaṃ vā tadardhaṃ vārdhameva vā

tannyūnaṃ na hi kartavyaṃ śālisaṃcayamuttamam /
tatrordhve vikiredvidvān tadardhaṃ taṇḍulaṃ tathā

taṇḍulopari vinyasya cāṣṭapatrābjamuttamam /
tatra madhye likhedbījaṃ dale cāṣṭākṣaraṃ nyaset

madhyame navakumbhaṃ tu sthāpayet sādhakottamaḥ /
sūtravastrasamāyuktaṃ ratnamālyeralaṃkṛtam

gandhodakena saṃpūrṇaṃ vastragyugmena veṣṭitam /
pūrvādi cāṣṭakumbhasya vastramekaikameva vā

diṅmūrtyādīni cāṣṭānāmekavastramathāpi vā /
karṇikāyāṃ nyaset kumbhaṃ daleṣvaṣṭaghaṭān nyaset

trisaptapañcadarbhairvā kṛtvā kūrcaṃ vinikṣipet /
tasmin pūrṇaghaṭe madhye devāgāraṃ tu cintayet

sahasraśīrṣā puruṣaḥ sahasrākṣāḥ sahasrapāt(?) /
sahasrakuntalopetaṃ sahusramakuṭānvitam

sahasrādityasaṃkāśaṃ sahasrendunibhānanam /
sahasravāhanairyuktaṃ sarvadiṅnāsikānvitam

śaṅkhacakragadāpāṇiṃ sarvapraharaṇānvitam /
prāsādarūpamityāhuḥ pūrvarātre 'dhivāsayet

taddhyānenaiva devarṣe samyak snānamavāpnuyāt(?) /
mokṣārthī mokṣamāpnoti tasmāddhyānaṃ viśiṣyate

maṇḍapādiṣu sarveṣu dhyānamevaṃ prakīrtitam /
tasmin madhye nayedvidvān smaran tat parameṣṭhinā

pūrvādi cottarānte tu tanmūrtiṃ tu vicintayet /
āgneyādiṣu koṇeṣu vainateyādikān nyaset

mṛtagasyādhipatiṃ siṃhaṃ vainateyāṃśakaṃ nyaset /
tasmin pūrṇaghaṭe madhye pauruṣaṃ sūktamabhyaset

digdevādiṣu kumbheṣu tattanmūrtiṃ japet kramāt /
ṛgādīnāṃ tu vedānāṃ sāramuddhṛtya nārada

pūrvādisomaparyantamuccaret susvareṇa tu /
tataḥ pūrṇaghaṭādīni cārcayettena mantrataḥ

havirnivedayet paścāt mantreṇa parameṣṭhinā /
mukhavāsaṃ tato dadyāt rakṣāṃ kṛtvāṣṭadikkrāmat

ghaṇṭādhvanisamāyuktaṃ gandhapuṣpādibhiḥ saha /
haviṣā balidānaṃ tu kārayedaṣṭadikṣu ca

kumudādīni sarvāṇi gṛhṇanti balimuttamam /
śaṅkṣadundubhinirghoṣaṃ kṛtvāsmin munisattama

tataḥ puṣpāñjaliṃ kṛtvā sādhakaḥ paramārthavit /
namaskṛtyākhilān sarvān maṅgalānuccaretkramāt

prabhātāyāṃ tu śarvaryāmācāryaḥ snānamācaret /
sūktena puruṣeṇaiva mantraṃ vā parameṣṭhinā

kumbhasthitena deveśaṃ pūjayet puruṣottamam /
gandhādi dīpaparyantaṃ tattanmantreṇa sādhakaḥ

pūrvādīśānaparyantamarcayedaṣṭadigghaṭān /
mahāmumbhādi saṃgṛhya prāsādaṃ tu paribhramet

śaṅkhabheryādinādaistu nṛttagītasamanvitam /
svastivācanasaṃyuktaṃ garbhāgāraṃ praveśayet

devasyāgre tu saṃsthāpya taṇḍulopari nārada /
mahākumbhasthadeveśaṃ vidhinādhipatiṃ param

tatpūrvapārśve saṃsthāpya taṇḍuleṣu ghaṭān kramāt /
arghyapādyādinābhyarcya mukhavāsāvasānakam

evamabhyarcya matimān kṣamyatāmiti coccaran /
mantrahīnaṃ kriyāhīnaṃ bhaktihīnaṃ janārdana

kṣantumarhasi deveśa paripūrṇaṃ tadastu me /
evaṃ kṛtvā tu mantrajño maṅgalāni samīrayet

ācāryaḥ puṣpamādāya namaskṛtya hariṃ prabhum /
kumbhasthitena deveśe mūlabere niyojayet

tathaivāṣṭaghaṭācchaktiṃ taddehe viniveśayet /
parameṣṭhyā nyaset pūrvaṃ diṅmūrtyādīn svavidyayā

mūlaberasya mūrdhneva secayettāṃstribindunā /
devapāde tu hastābhyāṃ puṣpaṃ datvā punaḥ punaḥ

tataḥ puruṣasūktaṃ tu brāhmaṇaiḥ saha saṃjapet /
tasmin kāle mahāprājña ācāryaṃ pūjayeddhanaiḥ

navavastrāṅgulīyaistu kaṭakādivibhūṣaṇaiḥ /
kumbhasthitena toyena prokṣayedgehamuttamam

atropayuktaṃ yaddravyaṃ devatālaṃkṛtaṃ (-tiḥ?) vinā /
ācāryāya pradātavyaṃ vastraṃ vrīhyādibhiḥ saha

niveditaṃ tu tatsarvaṃ sāttvatebhyo nivedayet /
śilpinaṃ pūjayettatra daivajñamanupūjayet

brāhmaṇān bhojayettatra vaiṣṇavān vedapāragān /
kriyāvasāne matimān citrakarma ca kārayet

havanaṃ maṇḍapādyeṣu evameva samācaret /
evamuktaprakāreṇa kārayedadhivāsanam

vāsādhivāsanaṃ caiva prāsādaprokṣaṇe mune /
aṅkurārpaṇakārye tu homamatra na vidyate

bālagehaṃ tu devarṣe kalpayet pūrvavat kramāt /
jagatī kumudādīni varjayettaruṇālaye

bālālayapratiṣṭhāyāṃ sthaṇḍile homamācaret /
adhivāsādikarmāṇi vāsavādīni(?) kārayet

evamuktaprakāreṇa śaktimudvāsya nārada /
jīrṇoddhāraṃ tataḥ kuryāt śilpinā kuśalena tu

anyathā kurute mohāt grāmanāśo dhanakṣayaḥ /
sthānanāśo bhavettatra saṃbhavennātra saṃśayaḥ

tasmāt sarvaprayatnena vimānastha hariṃ param /
udvāsayenmahābere kramāt pūrvaṃ yathāvidhi

tasmāt sarvaprayatnena śaktyudvāsanamārabhet /
mārgeṇaikena saṃyojya prāsādasyādhidaivatam

vinodamaṇḍapaṃ caiva vapraprākārake tathā /
parivārālayādyeṣu bahiḥ prākārake tathā

evamuktaprakāreṇa kārayedadhivāsanam /
evaṃ saṃkṣepataḥ proktaṃ jīrṇoddhāramathārabhet

ataḥ paraṃ pravakṣyāmi jīrṇoddhāravidhiṃ param /
ācāryaṃ yajamānaṃ ca takṣācāryaṃ mahāmune

mṛṇmayapratimājīrṇe śūlamṛtpaṭarajjavaḥ /
punastu mṛṇmayāḥ kāryā śilayā vāpi kārayet

śailajapratimājīrṇe lohajāḥ śailajāstathā /
ratnajapratimājīrṇe sauvarṇaṃ vāpi rājatam

dārumṛcchailalohādyā rukmaratnādikāḥ kramāt /
uttamā iti vijñeyā uttarottaramagrataḥ

rukmaṃ ratnaṃ samānaṃ ca kecidāhurmanīṣiṇaḥ /
śilālohaṃ ca sadṛśaṃ devarṣe iti kecana

hāṭakaṃ rajataṃ tāmraṃ samānamiti nārada /
lohaśabdena saṃjñātvā kārayedutsavādikam

yajamānasya vāñchā cet yathāvittānusārataḥ(!) /
asmin munivaraśreṣṭha trapukaṃ cāyasaṃ vinā

ātmārthe ca parārthe ca pratimākaraṇe mune /
adhamadravyasaṃpannaṃ parakāryamanuttamam(?)

sadṛśane tu yatkāryaṃ madhyamaṃ procyate budhaiḥ /
nottamaṃ tvadhamaiḥ kāryaṃ kurvan mohāt praṇaśyati

rājarāṣṭraṃ ca sakalaṃ iti śāstrasya niścayaḥ /
dravya eva visaṃvādo mānonmānapramāṇakaiḥ

na nyūnamatiriktaṃ ca yadi cetsiddhimātmanaḥ /
mūlaberādiberāṇaṃ jīrṇoddhāravidhau mune

ātmārthe vā parārthe vā tulyametaddvijottama /
ātmārthe vaṃśanāśaḥ syāt parārthe rāṣṭranāśanam

tasmāt sarvaprayatnena kārayedvidhicoditam /
vimānaṃ pratimāṃ vāpi prākāraṃ gopuraṃ tathā

maṇḍapaṃ pūrvavat kuryāt navakarmānulepane /
naṣṭālayaṃ cettadbhūmau purāṇoktaṃ cārṣaṃ tu vā

daivikaṃ mānuṣaṃ vāpi yathākāmaṃ tu kārayet /
uttamālayamatraiva uttamottamameva vā

adhamottamaṃ vā viprendra jīrṇaṃ cenmunisattama /
madhyamenādhamenaiva kārayedālayaṃ punaḥ

yajamānasya vāñchā cenmadhyame 'pyevameva tu /
adhamālayaṃ bhavettasmin adhamottamameva vā

adhamādhamamevātha jīrṇoddhāraṇakarmaṇi /
upapīṭhasamāyuktaṃ dvitalaṃ tritalaṃ tu vā

yathāvittānusāreṇa(!) kuryādekatalaṃ tu vā /
uttamādikramaṃ jñātvā yathākāmaṃ tu vardhayet

vardhanācchriyamāpnoti rājño rāṣṭrasya nārada /
tathaiva nagarādīnāmālayasya viśeṣataḥ

bhavanaṃ gopurākāraṃ śālakūṭādikaṃ mune /
jīrṇaṃ cediha loke tu kārayedvā prapākṛtim

nagarādīni saṃjñātvā grāmarājānukūlataḥ /
yathāvittānusāreṇa(!) kuryādveśma yathāparuci

grāmānukūlato vāpi dhāma kuryādanuttamama /
pratimāṃ punaratraiva kuryāt prāsādamātrataḥ

dvāramānena vā cāsmin garbhamānena vā mune /
uttamādhamamadhyena naṣṭoddhāraṇakarmaṇi

tadgehāt paścime yāmye nirgamākṛti neṣyate /
pūrvavat kārayejjīrṇasyoddhāre munisattama

saṃmohāt paściye yāmye nirgamaṃ kārayedyadi /
grāmasya kalahaṃ kuryāt dharmamārgarṃ(-go?)vinaśyati

tadrāṣṭraṃ yajamānaśca naśyatyeva na saṃśayaḥ /
tasmāt sarvaprayatnene na kuryānnirgamākṛtim

pūrvadvārasya gehasya maṇḍapādi yathākramam /
yajamānasya vāñchā cedyathākāmaṃ tu vardhayet

sarvaśaḥ pratidikṣvādi paścimaṃ neṣyate mune /
pūrvadvārasya gehasya maṇḍapādi yathākramam

jīrṇoddhāre muniśreṣṭha sarvaṃ pūrvavadācaret /
tasmāt sarvaprayatnena yathākāmaṃ tu vardhayet

vardhanācchriyamāpnoti tadgehasya dine dine /
prākārādiṣu bhūṣāṇāṃ bhedo vā doṣakāraṇam

na bhavediti bhāṣante munayo nāradādayaḥ /
gopure 'dhikabhāvaṃ ca prākāre 'pi viśeṣataḥ

evaṃ parīkṣya matimān navakarmānulepane /
naṣṭoddhāre ca vai cāsmin jīrṇoddhārādiṣu kramāt

kārayet sādhakaḥ paścāt śilpācāryasamanvitaḥ /
mūlabere muniśreṣṭha bhinnaṃ chedyaṃ bhavedyadi

sphuṭitaṃ cettu tadberaṃ tyaktvā paścānmahāmune /
śaktimudvāsayedberāt kṣipraṃ śāntiṃ samācaret

tasyāgre vidhivat kumbhe saṃsthāpya harimavyayam /
tatkumbhamadhye mūlena mūlaberānnayeddharim

śāntihomaṃ tataḥ kṛtvā cakramantreṇa mantravit /
sudarśanamahāmantraṃ sarvaśantikaraṃ bhavet

āvāhanavisargaṃ tu kumbhāt pūrvavadācaret /
bālasthānaṃ kramāt kalpya sthāpayedvidhicoditam

jalādhivāsanaṃ tasya neṣyate munisattama /
sadyo 'dhivāsanenaiva sthāpayeddharimavyayam

jīrṇoddhāre muniśreṣṭha kālavelādi neṣyate /
nirīkṣya bahudhā doṣān pūjākāle dine dine

paścāt saṃpūjayeddevaṃ doṣahīnaṃ bhavedyadi /
evaṃ doṣasamāyuktaṃ mohāllobhādyajeddharim

tatpūjā niṣphalā yāti kartā bhartā ca naśyati /
tadgrāmaṃ nidhanaṃ yāti rogavṛddhirbhaviṣyati

tasmāt sarvaprayatnena jīrṇoddhāraṇamācaret /
dhvaje vārohite paścāt vaiguṇyaṃ yadi dṛśyate

utsavaṃ ca muniśreṣṭha śāntihomasamanvitam /
bālasthāne samāsādya utsavaṃ tatra kārayet

anyathā cenmahādoṣo rājñaścaiva vināśakṛt /
tasmāt sarvaprayatnena śeṣakarma samācaret

nityotsavādi karmāṇi bālasthāne 'pi nārada /
pūrvavat kārayeddhīmān iti śāstrasya niścayaḥ

mantrajño vaṃśasaṃpanno kulīnaḥ śāstrapāragaḥ /
tantrajño vedapāṭhī ca sthāpanādikriyāparaḥ

sarvāvayavasaṃpūrṇaḥ sarvarogavivarjitaḥ /
suśāntaḥ kuśalo dānto yadṛcchālābhatoṣakaḥ

amatsarī jitakrodhaḥ dhūdrasaṃkaravarjitaḥ /
varjyāvarjyaḥ kṛtajñaśca pūrvakārī ca bhaktimān

tadvaṃśyo vāpi śiṣyo vā praśiṣyastantrapāragaḥ /
tantravān dīkṣito vāpi guṇavān guṇavittamaḥ

rājayakṣmā(?)ca kuṣṭhī ca gulmī ca śibi(pi?) viṣṭakaḥ /
khalvāṭaḥ cātivṛddhaśca bālo vṛṣaṇarogavān

hrasvākāro 'tidīrghaśca kṛśacibuka eva ca /
badhiro vikalāṅgaśca vipro radanadoṣayuk

varjayeddevakāryeṣu kunakhī ca viśeṣataḥ /
sthāpakācāryayoścaiva lakṣaṇaṃ viddhi nārada

saṃgrahellakṣaṇopetamācāryaṃ sthāpakaṃ tathā /
evaṃ parīkṣya matimān pratiṣṭhārādhanādiṣu

jīrṇoddhāre viśeṣeṇa lakṣayellakṣaṇān krāmat /
sumuhūrte sulagne ca sthāpakastakṣakānvitaḥ

tantreṇaikena kartavyaṃ karṣaṇādiṣu nārada /
yattantreṇa samārabdhaṃ tattantreṇa samācaret

anuktaṃ cānyatantreṣu nirīkṣyātra prayojayet /
viśeṣāṃśca muniśreṣṭha cānyathā rāṣṭranāśakṛt

cāturvarṇyasamopetaḥ(?)sadācāraparāyaṇaḥ /
sadvaṃśyaḥ sarvaśāstrajño lokajñaḥ sarvadharmavit

bhaktimān dhanavān vāgmī sarvasaṃkalpavṛddhiyuk /
suśīlaśca surūpaśca śraddhāluḥ śuddhamānasaḥ

ācāryaḥ takṣakaścaiva vaṃśagaḥ sumukhottamaḥ /
śāstraprāmāṇyakaścaiva dīnaḥ subahubhṛtyavān

yathoktakārī matimān kuśalaḥ sarvakarmasu /
pūrvakārī ca tadvaṃśyaḥ tacchiṣyo vā praśiṣyakaḥ

tajjātīyo 'nyajātīyaḥ pūrvāpūrvaguṇādhikaḥ /
pūrvāpalobhe tu gṛhṇīyāt uttaraṃ nānyathā mune

mohena yadi gṛhṇīyāt tasya syāt kartṛsaṃkaraḥ /
kartṛsaṃkaradoṣeṇa rājarāṣṭrasya rogakṛt

tasmāt sarvaprayatnena śāstradṛṣṭyā samācaret /
takṣakaṃ takṣasūtrajñaṃ kuśalaṃ sarvakarmasu

laghuhastaṃ surūpaṃ ca suśāntaṃ daivikaṃ tathā /
vaṃśānuvaṃśasampannaṃ kuśalaṃ satparāyaṇam

vaiṣṇavaṃ sūtrakālajñaṃ kriyājñaṃ pūrvakāriṇam /
dayāluṃ śāntamanasaṃ satīrthaṃ(?)satsamādṛtam

tadalābhe tu tadvaṃśyān tacchiśyān vā praśiṣyakān /
saṃnimantritamevaṃ tat(?)na kuryājjātisaṃkaram

anyajātisamālabdhamādikāle mahāmune /
anyajātyā kṛtaṃ mohādrājarāṣṭravināśakṛt

evaṃ lakṣaṇamālabhya karturicchāpuraḥsaram /
yo mohādanyamārgeṇa kārayenmunisattama

ācāryasya ca kartuśca takṣṇaścāpyaśubhaṃ bhavet /
iti subahu nirīkṣya buddhidṛṣṭyā satatamananyamatiḥ sa kartṛmatyā

sthapatimati ca(?)kārayīta jīrṇoddharaṇamasau jagatāṃ gururgururyaḥ /
viṣvaksenaḥ---
ataḥ paraṃ pravaṣyāmi prāsādasya viśeṣataḥ

rathādiśibikādīnāṃ prokṣaṇaṃ paramaṃ śubham /
sarvaśāntikaraṃ puṃsāṃ sarvatīrthaphalāpradam

pūrvoktamaṇḍape śuddhe sarvamaṅgalasaṃyute /
tanmadhye hastakāṃ vediṃ vṛttāṃ vā cutaraśrakām

kārayecchāstradṛṣṭena tannāma adhunocyate /
vṛttaṃ suśobhanaṃ nāma caturaśraṃ sumaṅgalam

rājarāṣṭravivṛddhyarthaṃ vṛttakāraṃ bhavet sadā /
grāmāyatanavṛddhyarthaṃ caturaśraṃ tu nārada

vṛttaṃ vākṛti vijñeyaḥ(?) caturaśraṃ tu vādhiḥ /
āmeṣṭakābhiḥ pakvābhiḥ kuryādvedimanuttamām

hastocchrāyāṃ tadardhaṃ vā darpaṇodarasaṃnibhām /
pūrvavadvedimālipya prokṣayet pūrvavat kramāt

puṇyāhaṃ vācayettatra brāhmaṇānāmanujñayā /
pūrvavat sthaṇḍilaṃ kṛtvā śālinā munisattama

tadardhaṃ taṇḍulaṃ kṛtvā śālibhirvānyameva vā /
vedikāyāṃ tadūrdhve tu pīṭhaṃ kṛtvā likhet punaḥ

vedikāyāṃ tu paritaḥ śālibhirvedimācaret /
śālimadhye muniśreṣṭha cāṣṭadigdalamālikhet

chandomūlādivacanaṃ likhettaddalamadhyame /
sūtravastraparicchannaṃ sarvalakṣaṇasaṃyutam

candramaṇḍalamadhye tu sthāpayettena mantrataḥ /
tatkumbhajalamadhye tu sitapuṣpaṃ vinikṣipet

puṣpamālyairalaṃkṛtya vastrayugmairalaṃkṛtam /
navaratnasamāyuktaṃ navakūrcayutaṃ tathā

tasminnāvāhayenmadhye prāsādasyādhidaivatam /
madhye kumbhaṃ ca paritaḥ sthāpayedaṣṭadigdale

tattanmantreṇa matimān aṣṭakumbhānanukramāt /
navavastreṇa saṃchādya sūtrapuṣpajalānvitam

kūrcadvayasamopetaṃ puṣpamālyairalaṃkṛtam /
pūrvādīśānaparyantaṃ kumbhe pūrvavadānayet

ācāryaḥ samalaṃkṛtya hemavastrāṅgulīyakaiḥ /
kumbhasya dakṣiṇe pārśve uttarābhimukhaḥ sthitaḥ

puṇpāñjalipuṭaṃ kṛtvā imaṃ mantraṃ japedbudhaḥ /
sahasraśīrṣādīni (-di?) sūktaṃ tu puruṣeṇa tu

mulaberānnayet kumbhe devaṃ prāsādarūpiṇam /
athavā muniśārdūla cānayet parameṣṭhinā

digdalāṣṭaghaṭe vidvān tattanmantreṇa cānayet /
pūrvavadbalidānaṃ tu kāreyanmantravittamaḥ

tathaiva prokṣayedvidvān sūktena puruṣeṇa tu /
garbhagehaṃ tathā prokṣya bahirantaḥ samantataḥ

kumbhasthitena deveśaṃ vimānādiṣu yojayet /
arghyapādyādinābhyarcya havistatra na vidyate

baliṃ tu kārayettatra cāṣṭadikṣu samantataḥ /
tasmin kāle mahāprājño ācārya pūjayet kramāt

hemavastrāṅgulīyaistu pūjayeddevavattadā /
śilpinaṃ pūjayettatra navavastrāṅgulīyakaiḥ

brāhmaṇān bhojayettatra vaiṣṇavān vedapāragān /
evameva tu kartavyaṃ triradhā (?) śibikāni ca

rathādivāhanānāṃ tu khageśācchaktimānayet /
tena mantreṇa mantrajño prokṣayet pūrvavat kramāt

caṇḍālapatitodakyāniṣādyai(-dai?)stakṣakādikaiḥ /
lobhādvā yadi vā mohāt sparśanaṃ cenmunīśvara

prāsādaprokṣaṇenaiva prāsādaṃ śuddhyate 'tra vai /
athavā muniśārdūla pañcagavyaṃ samānayet

devāgre hastamātraṃ tu samālipya samāhitaḥ /
droṇaśāliṃ tu vistīrya tadardhaṃ taṇḍulaṃ tathā

tatra madhye likhet padmaṃ pūrvoktena vidhānataḥ /
pañcagavyaṃ tu saṃsthāpya tena bījena sādhakaḥ

puṇyāhaṃ vācayettatra gandhapuṣpādinārcayet /
havirnivedayet paścāt smaran devasya rūpiṇam

prokṣayedgavyakairmantraiḥ pañcopaniṣadaiḥ kramāt /
tataḥ saptadaśā bhinnān kalaśān baliberage

snapanaṃ kārayettasmin śuddhyate nātra saṃśayaḥ /
caṇḍālādyaiśca saṃspṛṣṭaṃ(-ṣṭe?) prāyaścittamidaṃ smṛtam

prāsādaprokṣaṇaṃ paścāt kārayedvidhicoditam /
ācāryaṃ pūjayettatra yathāvittānusārataḥ(!)

diṅmūrtīnāṃ tu sarveṣāṃ na śuddhiriha nārada /
atra kaścidviśeṣo 'sti diṅmūrtisthāpanāvidhau

ardhacitrapratiṣṭhāyāṃ yatproktaṃ saṃhitāntare /
tathaiva kārayettasmin diṅmūrtīnāṃ tu nārada

āyurārogyaputrādīn labhate nātra saṃśayaḥ /
utsavānte pralepānte durjanasparśane tathā

durnimittā(-tto?)daye caiva kāryaṃ saṃprokṣaṇāvidhiḥ /
diṅmūrtīnāṃ tu sarveṣāṃ utsavānte na kārayet

ardhacitrapratiṣṭhāsmin śeṣaṃ sādhāraṇaṃ bhavet /
durjanasparśanaṃ cettu prāsādaṃ munisattama

caṇḍālādyaiśca saṃspṛṣṭaṃ(-ṣṭe?) prāyaścittaṃ samācaret /
tenaiva śuddhyate tasmin nātra kāryā vicāraṇā

diṅmūrtīnāṃ tu sarveṣāmasmiṃstenaiva tuṣyati /
gehasyālepanānte ca durjanasparśane 'pi ca

diṅmūrtīnāṃ tu sarveṣāṃ viśeṣaṃ na tu kārayet /
tathaiva durnimitteṣu śeṣaṃ pūrvavadācaret

prāsādaprokṣaṇenaiva śuddhyate nātra saṃśayaḥ /
nāstikyenaiva yo mohāt anyathākurute mune

tat sthānaṃ nāśakṛdvāpi tadgrāmasya tathaiva ca /
tasmāttu vidhivat samyak kārayettantravittamaḥ