Viṣvaksenasaṃhitā · Chapter 35

iti śrīpāñcarātre viṣvaksenasaṃhitāyāṃ (prāsādalakṣaṇādividhir-nāma) catustriṃśo 'dhyāyaḥ
pañcatriṃśo 'dhyāya:
viṣvaksenaḥ---
athātaḥ saṃpravakṣyāmi parivārasya lakṣaṇam /
śṛṇu devamuniśreṣṭha mahāpīṭhāvasānakam

tāladvayaṃ tadardhaṃ vā prāsādāt parivārakam /
visṛjya kalpayeddhīmān dvitrihasatamathāpi vā

caturhastaṃ pañcahastaṃ vyapohyante mahāmune /
kalpayet parivārāṇāṃ hastamātraṃ samantataḥ

śilābhiriṣṭakābhirvā ācāryāṅgulinā mune /
caturaṅgulamutsedhaṃ madhye padmaṃ sakarṇikam

kārayet paritaḥ pīṭhaṃ mekhalādvayasaṃyutam /
tālamātreṇa vā kuryāt balipīṭhaṃ samantataḥ

tathaiva parivārāṇāṃ prākārānmānamatra tu /
evaṃ kalpya tato pīṭhaṃ parivārasya tu sarvaśaḥ

maṇḍapādvā mahāpīṭhaṃ prākārādvā mahāmune /
hastaṃ ṣoḍaśamutsṛjya ācāryāṅgulināgrataḥ

aṣṭahastaṃ tadardhaṃ vā visṛjyānte mahāmune /
kārayedvā mahāpīṭhaṃ pūrvāpūrvā garīyasī

tallakṣaṇaṃ pravakṣyāmi bhuktimuktipradaṃ śubham /
viviktane paraṃ guhyaṃ śṛṇu nārada tattvataḥ

tricatuḥpañcahastaṃ vā vistārāyāmatādṛśam (-taḥ samam?) /
pādukādyabjaparyantamuttamādikrameṇa tu

kārayecchāstradṛṣṭena śilpinā kuśalena tu /
uttame 'pyuttamaṃ kuryāt madhyame madhyamaṃ kuru

adhame 'pyadhamaṃ kuryāt vibhavasyānu rūpataḥ /
ṣaṭsaptahastāyataṃ vāpi(?)tatsamaṃ vistṛtaṃ bhavet

evaṃ jñātvā mahāpīṭhaṃ kalpayet sumanoramam /
yuktyā yuktiviśeṣeṇa kārayedbalipīṭhakam

ekaviṃśatibhāgena tatkramaṃ śṛṇu suvrata /
aḍgena pādukaṃ (kā?) caiva pañcakairjagatī tathā

triyaṃśaṃ kumudaṃ caiva ekāṃśena tu paṭṭikā /
galaṃ caiva caturbhāgaṃ bhāgaṃ caivordhvapaṭṭikā

triyaṃśervalabhī chandaḥ triyaṃśaṃ karṇikocchrayam (-yaḥ?) /
evaṃ kṛtvā mahāpīṭhaṃ śitrpinā kuśalena tu

śilpakāryāvasāne tu prokṣayettantravittamaḥ /
athātaḥ saṃpravakṣyāmi prokṣaṇaṃ balipīṭhake

ayane cottare kuryāt pūrvapakṣe śubhe 'hani /
kalyāṇavāre sutithau pūrvedyuḥ kārayedbudhaḥ

takṣakriyāṃ samāpyātha prokṣayettantravittamaḥ /
puṇyāhaṃ kārayettatra prokṣayet pañcamantrakaiḥ

devāgrapīṭhayormadhye maṇḍapaṃ kārayet sudhīḥ /
maṇḍapasya vidhānena toraṇāni tu pūrvavat

kṛtvā tu pūrvavat samyak vediṃ kuryāttu madhyataḥ /
caturhastaṃ dvihastaṃ vā ekahastocchrayaṃ mane

susnigdhaṃ (-gdhāṃ?) kārayettatra darpaṇodarasaṃnibha (-bhā?)m /
gomayenopalipyātha prokṣayedgandhavāriṇā

tadvedipīṭhayormadhye vṛttaṃ vā caturaśrakam /
kārayettatra kuṇḍaṃ tu madhyame homamācaret

śālidroṇadvaye vedyāṃ sakūrcaṃ sāpidhānakam /
sahiraṇyaṃ savastraṃ ca saritsalilapūritam

sasūtraṃ kālarahitaṃ droṇapūrṇaṃ suśobhanam /
madhyame tu nyaseddhīmān viṣṇupāriṣadān bahūn

aindrādīśānaparyantaṃ kalaśān sthāpayet pṛthak /
kumudaṃ kumudākṣaṃ ca puṇḍarīkaṃ ca vāmanam

śaṅkukarṇaṃ sarpanetraṃ sumukhaṃ supratiṣṭhitam /
gandhādibhiḥ samabhyarcya homaṃ kuryādanandritaḥ

samidājyacarūn dadhnā madhunā payasāpi ca /
yavān siddhārthasalilān pratyakaṃ śatamāhutīḥ

mantreṇāṣṭākṣareṇaiva dvādaśākṣarameva vā /
nṛttagītasamātodyai rātriśeṣaṃ nayedbudhaḥ

sumuhūrte tu saṃprāpte brāhmaṇānāmunajñayā /
svastisūkti(-kta?)yuto gatvā vimānaṃ tu pradakṣiṇam

svasvasthāne tu saṃprokṣya tattatsthānān smaran budhaḥ /
kumbhodakādaśeṣaṃ tu mahāpīṭhe 'bhiṣecayet

viṣṇupāriṣadān sarvān saṃsmaret sādhakottamaḥ /
pāyasaṃ kṛsaraṃ gaulyaṃ haridrānnaṃ caturvidham

sājyaṃ dadhipayoyuktaṃ nārikelapayāṃsi ca /
nivedayenmahāpīṭhe cādimūrtimanusmaran

nivedya śeṣaṃ saṃgṛhya caṇḍādibhyo baliṃ kṣipet /
śaṅkhabheryādisaṃyuktaṃ geyanṛttasamanvitam

vedādhyayanasaṃyuktaṃ balikarma samāpayet /
balyante paramātmānaṃ snāpayedadhamottamam

mahāhavirnivedyātha puṇyāhaṃ punarācaret /
brāhmaṇān bhojayettatra vaiṣṇavān vedapāragān

ācāryaṃ pūjayet paścāt hemaratnāṅgulīyakaiḥ /
idaṃ dhanyaṃ yaśasyaṃ ca sarvaśāntikaraṃ bhavet