Viṣvaksenasaṃhitā · Chapter 33

dvāre dvāre muniśreṣṭha pūrṇaireva tu bhūṣayet /
...... ...... ...... ......
...... ...... ...... ......
...... ...... genaiva śuddhyati /
evaṃ saṃkṣepataḥ proktaṃ hetirājasya lakṣaṇam /
pratiṣṭhāyāḥ kramaṃ caiva rājarāṣṭrasukhāvaham /
dhanyaṃ yaśasyamāyuṣyaṃ samare vijayaṃ(?)tathā /
yaḥ kārayettu matimān sarvān kāmānavāpnuyāt /
iti śrīpāñcarātre viṣvaksenasaṃhritāyāṃ[hetirājalakṣaṇavidhirnāma] dvātriśo 'dhyāyaḥ ||
trayastriṃśo 'dhyāyaḥ
viṣvaksenaḥ---
athātaḥ saṃpravakṣyāmi dravyaśuddhividhiṃ param /
ratnāni hemavastāṇi bhūṣaṇādīṃśca tāmrajān

annaṃ toyaṃ dadhikṣīre ghṛtaṃ madhugulādayaḥ /
madhuparkaśca puṣpāṇi mukhavāsopahārakam

evamādīni cānyāni deveśoya nivedayet /
niveditāni vastūni śuddhāśuddhāni vai śṛṇu

annādīnupahārāṃstān varjayenmunisattama /
ratnādilohajāntāśca śuddhā eva na saṃśayaḥ

ratnāni hemavastrāṇi bhūṣaṇāni ca (-dīṃśca?) lohajān /
niveditāni śuddhyante kṣālayenmantrapūrvakam

astarājena mantreṇa kṣālayettān punastridhā /
tathaiva tāmrakalaśān vastreṇa pariveṣṭayet

mantramāhātmyamātreṇa śuddhyante nātra saṃśayaḥ /
annaṃ toyaṃ dadhikṣīraṃ ghṛtaṃ madhu gulaṃ tathā

madhuparko 'tha puṣpaṃ ca mukhavāsopahārakam /
nirmālyamiti vijñeyaṃ mama prītikaraṃ śubham

tāmbūlaṃ madhuparkaṃ ca naivedyānnaṃ tathaiva ca /
yadbhuktaṃ tadvinā brahman ācāryāya pradāpayet

turyabhāgra hi saṃgṛhya mamāgre sthāpayet kramāt /
gandhapuṣpādinābhyarcya māmuddiśya nivedayet

tannirmālyaṃ ca tadbhuktaṃ vaiṣṇavānāṃ tu dāpayet /
evaṃ saṃkṣepataḥ proktaḥ dravyaśuddhirmayā mune

athātaḥ saṃpravakṣyāmi sruksruvādyadhidaivatam /
sruksruvaṃ (-vau?) caiva darvī ca pṛthivīdevatā smṛtā

udakumbhaścandradaivatyaḥ(?) praṇītā varuṇadevatā /
jihvaśca svargadaivatyaḥ(?) antarikṣaṃ carustathā

gandharvo gandhadaivatyaḥ(?) puṣpaṃ śukrādhidaivatam /
akṣatā lakṣmīdaivatyā(?) dhūpaṃ cārghyādhidaivatam

dīpasya bhāskaraṃ vidyānmūlaṃ saścandradevatā(?) /
viharī vāsudevatyā(?) samidho brahmadevatā

ājyaṃ tu rudradaivatyaṃ(?) annaṃ rudrādhidaivatam /
idhmapravraścanaṃ (-ne?) (caiva ?) pitṛvargā yathākramam

gavyavastūni sarvāṇi gaṇeśastatra devatā /
svare sarasvatī devī praṇave sarvaśaktayaḥ

sarveṣāmeva vastūnāṃ rasarūpaṃ tu vaiṣṇavam /
smṛtaṃ cedasmṛtaṃ cettu sarvaṃ nārāyaṇātmakam

kalaśe devatā vakṣye śṛṇu nārada tattvataḥ /
vaktraṃ vāgīśvarī devī karṇaṃ lakṣmīstathaiva ca

pārśvayośca tathā śāntī pṛṣṭhe ca pṛthivī smṛtā /
tathaiva pūrṇakumbhaṃ tu saṃsmaredadhidaivatam

eva saṃkṣepataḥ proktaṃ sruksruvādyavidaivatam /
nitye naimittike cāsmin viṣṇuyāgeṣu sarvaśaḥ

jñātvā tatrādhidaivaṃ tu sādhakaḥ saṃprayojayet /
kārayedviṣṇuyāgeṣu mantrāṇāmadhidaivatam

ajñānāt kurute mohāt sā kṛtāpyakṛtā bhavet /
tasmāt sarvaprayatnena sādhakaḥ paramārthavit