Viṣvaksenasaṃhitā · Chapter 29

tasmāt sarvaprayatnena kārayedvidhipūrvakam //
iti śrīpañcarātre viṣvaksenasaṃhitāyāṃ amāvāsyotsavavidhirnāmāṣṭāviṃśo 'dhyāyaḥ ||
ekonatriṃśo 'dhyāyaḥ
viṣvaksenaḥ---
rāghavasyaiva vakṣyāmi tathā janmadinakriyām /
ṛkṣe punarvasau kāryaṃ caitre nāvamike tithau

māghamāse 'thavā brahyan rāghavotsavamuttamam /
kṛtvāṅkurārpaṇaṃ pūrvaṃ tataścotsavamācaret

snapanaṃ vidhivat kṛtvā sāyāhne rāghavasya tu /
ācāryaṃ pūjayet paścāt vastrahemāṅgulīyakaiḥ

godānaṃ bhūmidānaṃ ca suvarṇaṃ rajataṃ tathā /
paśvājyatiladānaṃ ca gogrāsaṃ ca yathāvidhi

kautukaṃ bandhayet paścāt supuṇyāhapuraḥsaram /
homaṃ caiva vidhānena kārayet sādhakottmaḥ

samidho mūlamantreṇa praṇavenājyameva ca /
pratyekamaṣṭāviṃśaśca caruhomamathācaret

ṣoḍaśarcaṃ ca puṃsūktamato devāḥ ṣaḍarcakam /
pañcopaniṣadaṃ caiva viṣṇornukamiti tryṛcā

dvādaśākṣaramantreṇa vauṣaḍantena homayet /
etān(?)pūrṇāhutiṃ hutvā homaśeṣaṃ samāpayet

tato homāvasāne tu puṇyāhaṃ kārayet kramāt /
tatastu dāpayettatra homapuṇyāhadakṣiṇām

ātmanyāropayedagnimātmānaṃ cārpayeddharau /
rāghavaṃ pūjayet paścāt rāmamantreṇa mantravit

havirnivedayet paścāt pañcadhā parameṣṭhinā /
odanaṃ kṛsaraṃ gaulyaṃ pāyasaṃ dadhisaktukam

pānīyaṃ ca sugandhāḍhyaṃ mukhavāsaṃ ca dāpayet /
vividhāni ca bhakṣyāṇi vividhāni phalāni ca

brāhmaṇān bhojayettatra vaiṣṇavān vedapāragān /
geyanṛttavinodādyai rātriśeṣaṃ samāpeyat

prabhātāyāṃ tu śarvaryāmalaṃkāraṃ tu dāpayet /
alaṃkṛtya janān sarvān viṣṇupriyatamān samān

tailaiścandanapaṅkaiśca aṅgarāgaiśca sarvaśaḥ /
haridrācūrṇapuṣpaiśca vastrairnānāvidhaistathā

jalayuktāśca śataśo jalamiśrairitastataḥ /
anyonyaṃ cikṣu(-kṣi?)puḥ sarve nṛttagītasamanvitāḥ

citradhvajavitānaiśca cāmarastālavṛntakaiḥ /
śaṅkhadundubhinirghoṣaiḥ kṣvelitāsphoṭitairapi

nṛttageyaiśca vādyaiśca bhaktairbhāgavataistathā /
jayaśaṣdaravaiścaiva yuktaṃ kuryānmahotsavam

tailagandhajalairyuktaṃ rajanīcūrṇasaṃyutam /
grāmaṃ paribhramīkṛtya gaccheyuḥ punarālayam

snāpayeddevadevaṃ taṃ yathāvibhavavistaram /
vastrābharaṇagandhādyairalaṃkṛtya prayatnataḥ

mahāhavirnivedyātha bhaktānāṃ caiva pūjanam /
evaṃ yaḥ kārayed bhaktya cotsavaṃ rājajanmani