Viṣvaksenasaṃhitā · Chapter 27

ācāryaṃ pūjayet paścāt yathāśakti samāhitaḥ //
iti śrīpāñcarātre viṣvaksenasaṃhitāyāṃ jhrdhvajārohaṇādividharnāmaṭa ṣaṅviśo 'dhyāyaḥ ||
saptaviṃśo 'dhyāyaḥ
viṣvaksenaḥ--
athātaḥ saṃpravakṣyāmi utsavasya vidhiṃ param /
sarvaśāntikaraṃ puṇyaṃ sarvayajñaphalapradam

sarvapāpaharaṃ puṃsāṃ sarvakarmaśubhāvaham /
rājarāṣṭravivṛddhyarthaṃ śrīmattrailokyabhūṣaṇam

utsavaṃ tvekarātraṃ tu trirātrikamathāpi vā /
pañcarātraṃ tu vā vipra saptarātramathāpi vā

navarātraṃ tu vā kuryāt utsavasya tu vistaram /
ekarātrotsavo brāhmaḥ triyahaḥ śaiva ucyate

pañcāhaścaindra vijñeyaḥ saptāhaścārṣako bhavet /
navāho daivikaḥ prokta utsavaḥ pañcadhocyate

daivikaṃ sarvaśāntyarthaṃ rājyavardhanamārṣakam /
aindraṃ durbhikṣanāśārthaṃ śaivaṃ rogavināśanam

brāhmaṃ tu brahmavṛddhiḥ syāt utsavaṃ pañcadhā phalam /
ekāhaṃ triyahaṃ vāpi saptāhaṃ tu navāhakam

pañcāhamādikāloyamutsavaṃ hrāsayenna tu /
vardhayettu yathākāmaṃ hrāsanaṃ rāṣṭranāśakṛt

rātavibhramakṛccāpi durbhikṣabhayakṛdbhavet /
utsavānāṃ tataḥ kuryāt kārakasyānurūpataḥ

śubhanakṣatrayoge ca tithivāranirīkṣite /
pratiṣṭhāṛkṣake vātha nagaragrāmaṛke

rājñaḥ svajanmanakṣatre yajamānecchayā kuru /
tatkramaṃ te pravakṣyāmi hareḥ suramune śṛṇu

savastvamaṅgalaṃ viddhi tannirāsāttadutsavaḥ /
pañcottaradaśāṅgaṃ ca kathyate tānanukramāt

prathamaṃ cāṅkurāvāpaḥ patākārohaṇaṃ tataḥ /
śuddhasnānaṃ tṛtīyaṃ syāt spapanaṃ tu tataḥ param

aṅkurasyotsavaṃ paścāt homaḥ syādbhūṣaṇaṃ tataḥ /
aṣṭamaṃ tu baliṃ vidyāt navamaṃ tu mahotsavam

tīrthādhivāsanaṃ paścāt tīrthasnānamanantaram /
dvādaśaṃ snapanaṃ vidyāt puṣpayāgamanantaram

dakṣiṇāsaṃpradānaṃ ca dhvajasyāpyavarohaṇam /
pañcottaradaśāṅgo 'yamutsavaḥ parikīrtitaḥ

sāyaṃprātaḥ kṛtenaiva homena ca samanvitam /
dakṣiṇa bhiśca saṃyuktaṃ vaiṣṇavānāṃ ca pūjanam

ācaṇḍālāntamannādyamutsavasyaiṣa saṃgrahaḥ /
tadbhūtapitṛyakṣābhiḥ brahmaśaivānyahāni ca (?)

vaiṣṇavāni ca śeṣāṇi sāyaṃ prātarbaliṃ haret /
saptāhe yājñikairdravyairbaliṃ kuryādvicakṣaṇaḥ

pañcāhe brahmakādiḥ syāt triyahe vaiṣṇavādayaḥ /
balibhramaṇapūrvaṃ tu homaṃ kuryādvicakṣaṇaḥ

yātrā cotsavabimbasya dvikālaṃ paścimaṃ bhavet /
ekakālamatho vāpi kārayettantravittamaḥ

pūrvāhṇe vātha madhyāhne balidānaṃ samācaret /
balibhramaṇavelāyāṃ paribhramya śanaiḥ śanaiḥ

śaṅkha dikumbhaparyantamaṣṭamaṅgalakān(!)kramāt /
brahmacārī gṛhastho vā vānaprastho 'tha bhikṣukaḥ

dhārayecchirasā vidvān vaiṣṇavān maṅgalān pṛthak /
eṣa kramo mayā prokto balidravyamathocyate

sitāḥ sumanaso rajanīparāga- lājādadhikamalaṃ sitacandanena /
ahani sasaktu mune 'tha bhūtasaṃjñe prathamadine balirāha tṛptikārī

tilakuṅkumodākṣatanīlapuṣpaṃ dvitīye payomiśritaṃ vāsare syāt /
balistṛptikārī pitṝṇāṃ tadīye mune kathyate tattṛtīye baliśca

raktaṃ puṣpaṃ sarpiṣāpūpalājāḥ śarādaṃ vā karambheṇa yuktam /
yakṣāṇāṃ tattṛptihetormunīndrai- riṣṭaiḥ prājñairahnireṣā baleḥ syāt

ekodanīlotpalanārikela- kṣīreṇa śāleratha piṣṭakaṃ ca /
kākodarāṇāṃ divase turīye saktūni cāhurbalimāryavaryāḥ

kamalamakṣatamutpalavāsitaṃ jalamatho kamalāsanavāsare /
balirayaṃ munibhiḥ parigīyate kanakasaṃnibhapuṣpacayaiḥ saha

pāṭalasurabhitapūtajalairvā vāsitakusumacayaiścarureṣā- /
pūpagulayuta iti ṣaṣṭhadine syāt pāvanacoditaharidinapūjā

viṣṇorutsavasaptame dinavare tattṛptikārī baliḥ puṣpaṃ śyāmalamodanaṃ ca sagulaṃ sanmallikāgandhikam /
jātīvāsitamambupāyasamapi syādaṣṭame vāsare puṣpaṃ mecakamāha nārada mahāviṣṇordine syādbaliḥ

sadāviṣṇostṛptayai kṛsaramaśilairgandhanivahaiḥ sadīpairyuktaṃ śītaṃ jalamakhilavarṇaiśca kusumaiḥ /
baliḥ saktūpetaṃ navamadivase nāradamune yathāvat kāryo 'yaṃ nṛpajanavivṛddhyai balividhiḥ

kumudādīnāṃ tu nāmāni teṣāṃ ca parivārakam /
pravakṣyāmi muniśreṣṭha samāsena yathākramam

kumudaḥ kumudākṣaśca puṇḍarīko 'tha vāmanaḥ /
śaṅkukarṇaḥ sarvanetraḥ sumukhaḥ supratiṣṭhitaḥ

devāśca teṣāṃ ripavo 'surāśca gandharvayakṣāḥ pitaro bhujaṅgāḥ /
yakṣāśca yāścāpi piśācajātiḥ ye ṣaṣṭhako devagaṇā grahākhyāḥ

baliṃ tu maṇḍale dadyādvedyādikramayogataḥ /
catuṣpatheṣu koṇeṣu tripathaikapatheṣu ca

devāgāre 'tha valmīke kūpatīre 'tha parvate /
taṭāke caityavṛkṣeṣu parvatasya samīpage (-ke?)

evamādiṣu deśeṣu toraṇāni ca kārayet /
saṃsthāpya paritaḥ samyak grāmādyaṣṭasu vāstuṣu

utthāpayitvā ketūnāṃ toraṇānte pṛthak pṛthak /
athavātra muniśreṣṭha ketūn grāmādivāstuṣu

aṣṭadikṣu yathāyogaṃ balipīṭhaṃ prakalpayet /
tāladvayapramāṇena vistārāyāmatādṛśam

mekhalādvayasaṃyuktaṃ pratyakaṃ caturaṅgulam /
tanmadhye karṇikāṃ kuryāt vṛttāṃ vā caturaśrakām

caturaṅgulamāyāmāṃ karṇikāṃ munisattama /
evaṃ pīṭhavidhiḥ prokto haripārṣadān śṛṇu

nāradaḥ---
vada mamākhila devagurorguro pratidiśaṃ haripāriṣadān kramāt /
balibhujaḥ kumudādipurohitān harimahotsavakarmaṇi vāstuṣu

viṣvaksenaḥ---
ahaṃ khalvakhilāṇḍayoneraśeṣadhiṣaṇādhīśituraprameyasyānavaratasukhino hareḥ mahotsavādiṣu grāmādivāstuṣu aindrādidiksthitānāṃ kumudādīnāṃ varṇarūpavāhanāyudhaparivāramantrārcanādi yathāmati kathayiṣye---
kumudastu punaḥ śubhro mukundaḥ(nda?)pārṣadaḥ kundavāsāḥ tryakṣaḥ śaṅkhacakradharaḥ kṛtāñjalipuṭo grāmābhimukho hastyārūḍho devagrahagaṇamadhye sthitaḥ |
utkaṭaḥ prakaṭonmukho vimukho 'śvagrīvo 'śvavadano 'śvajihvo hastivaktro kumudo hastipādaḥ keśavavāmananarakanaramardanamandadṛṣṭikaṇḍu (kandu?) kandukalocanapaṭahākṣaviśālākṣakṣāmakakṣamapāṇḍarapāṇḍupṛṣṭhadurdinasudinavāmadevamahādevamahāgnimadhusūdanakanakakālakabhāvanabhavanabhānumadbhānuvegabhāskarābhāskaraviśvasenavisenaviṣvaksenavisārivistāranistaravidaṇḍidaṇḍakāmadakāmukakāmabhṛtkāmanāśananāmabhiḥ pañcāśadbhiḥ pārṣadaiḥ saumyaiḥ nānāvidhākāraiḥ parivṛtamena saṃsmṛtya arghyapādyācamanagandhapuṣpadhūpadīpairabhyarcyānantaraṃ taddinavihitahavyaṃ nivedya baliṃ dadyāt añjaliṃ darśayitvā hareḥ mukhādivāsaṃ vidhāya (mukhavāsaṃ datvā?) taddevatātṛptyarthaṃ śaṅkhadundubhinṛttageyādi kārayet |
kumudākṣaṃ punaḥ āgneyyāṃ sthitaṃ nīlavāsasaṃ triṇetraṃ kākavaktraṃ caturbhujaṃ muṣṭiyuddhahastaṃ khaḍgamudgaradhāriṇaṃ mahiṣārūḍhaṃ grāmābhimukhamasuragrahagaṇamadhyasthaṃ āgneyanidhanāgnijihvahutāśanāgnirūpāgnikeśāgnivarṇāgnyagnivaktramahāvaktramahāsenamahodarakarālakākajihvakākavaktrāgnivaktramaṇḍumaṇḍūkavaktradevadevalakaśarvakaśapakaśaṅkuśaṅkuśravamārīcadroṇamārīcamahiṣamāhiṣakumbhanāsavināsakumbhakarṇavikarṇavidārivikramamaskarimaskarasūkarasūkarāsyaśaśaśaśamukhasiṃhasiṃhamukhanarasiṃhanarakāladhṛkkālasūtrasūtrasūtravinālinālakarṇaiḥ parivṛtaṃ amuṃ yathāpūrvamabhyarcya taddinabalidravyaṃ nivedyācamanaṃ datvā añjalimudrāṃ darśayitvā balibare mukhavāsāntaṃ vidhāya (mukhavāsaṃ datvā?) taddigdevatṛptyarthaṃ tūryāṇi ghāṣayet |
antakāśāsthitaṃ puṇḍarīkaṃ puṇḍarīkatviṣaṃ puṇḍarīkavadanaṃ trilocanaṃ caturbhujaṃ śaṅkhacakradharaṃ kṛtāñjalipuṭaṃ grāmābhimukhamaśvārūḍhaṃ pitṛgrahagaṇamadhyastha yamadharmadharadharmadharmarājadhanurdharavinayapraśrayaniśreyanirguṇālasakuṇapakrūrabāhukuñjaraprāṃśudamananiṣkopaniranukrośanirmamavivāhā (vibhavā?) vibhavahutāśāhyū (bahūr?)dhvarakṣaṇa saṃjñaikalapākalakaṅkakaṭakāvaṭaśaṅkhīcakrīgadīkhaḍgīśārṅgīśārṅgadharavāsudevabhadraketumatketukakṣamījvalanakiṃnarāśvatthasuptasujapanajapapaścimakaikṣikasvaṃjabāḍavakṣamībhiḥparivṛtaṃ pūrvavadabhyarcya taddinabaliṃ nivedyācamanaṃ [datvā]añjaliṃ darśayitvānantaraṃ balikautuke mukhavāsaṃ vidhāya (datvā?) taddigdevatātṛptyarthaṃ śaṅkhādi ghoṣayet |
nirṛtyāśāsthitaṃ vāmanaṃ dhūmravarṇaṃ dhūmravāsasaṃ triṇayanaṃ caturbhujaṃ śūlakhaḍgamudgaradharaṃ muṣṭiyuddhahastaṃ śakaṭārūḍhaṃ grāmābhimukhaṃ yātugrahāntaḥ sthitaṃ balambirṛtiprakṛtivikṛtisukṛtidāruṇadamakarakṣakalakṣakamādhavamāṃsakaniṣṭhurakharabhāṣaṇapralambakaprāṇanapraṇayavīrasenāṅgadavibhāṣavibhīṣaṇaraktākṣalohitākṣaraktajihvavijahvakavidyutkeśaviśālākṣavikṣaravīrahākṣaraprākṣarakāmarūpīvirūpīsarvagasarvavidgaurasaṃbhavaprabhavavāruṇavasuvimardamadana (damana?)e vaikartanavikartṛkapardīpṛthukandakīkandakanākīvaruṇāruṇaiḥ parivṛtaṃ pūrvavadabhyarcya taddinabalyācamanaṃ vidhāyāñjaliṃ nirvartya[bali] kautuke mukhavāsaṃ vidhāyā (datvā?) nantaraṃ tūryāṇi ghoṣayet |
varuṇadigālayaṃ śaṅkukarṇaṃ pītavarṇaṃ trivīkṣaṇaṃ pītavāsasaṃ caturbhujaṃ śaṅkhacakradharaṃ kṛtāñjalipuṭaṃ grāmābhimukhaṃ vyāghrārūḍhaṃ pitṛgrahagaṇamadhyasthaṃ varuṇavāruṇapāśīpāśadharagurukṣepaṇakṣobhaṇanāradasarvadaravisumananāmanahaṃsavaikuṇṭhaparamaparahunamatvasumatbhadrabhadravaprabhavamahākarṇavikarṇaśaśakaśalakapikavānaranarakakārṣṇīkarṇadharāṃśumatcakrṛbhṛt [ugra] vajrīvajranābhavinābhakakarapa (-bha?) kurabhadākṣiṇadakṣiṇa suhṛddurgandhapūtigandhatārkṣyagaruḍavirodharodhakarodhakaṅkaṇavṛkodaraiḥ parivṛtaṃ pūrvavadabhyarcya taddinabalyācamanaṃ datvā añjaliṃ kṛtvā balibere mukhavāsaṃ datvā śaṅkhādīn ghoṣayet |
atha punaraniladiṅnilayaṃ atitaptahāṭakanibhaṃ sarpanetraṃ triṇetraṃ caturbhujaṃ haridrāvāsasaṃ paraśupāśadharaṃ muṣṭisaṃnaddhahastaṃ grāmābhimukhaṃ mṛgādhirūḍhaṃ nāgābharaṇabhūṣitaṃ gandharvagrahagaṇāntaṃḥ sthitaṃ marunmārutagorurvyākhuvāyusutānilagalartavartakakaṃkamārgaṇaprāṅkaṇācalabalabalanidhivīravirodharodhakavidhisi ddhavasuyavasaṃkaradhīrakamālīmālāvidhivastusamarthasamuhotsavakarkaṭakaṭakagandhagandhavahaparasiktavasi ktarogīsevakasevanasavauṣadhabheṣajarogīgabhavakāraṇakaraṇakartṛgaravīrakhala (akhala?) balavākuvāhasucārubhiḥ parivṛtaṃ yathoktamabhyarcyācamanaṃ datvā añjaliṃ darśayitvā balibimbānnavāsaḥ nirvartya (balibimbemukhavāsaṃ taddinabaliṃ ca datvā?) digdevatātṛptyarthaṃ śaṅkhādīn ghāṣayet |
anantaramamṛtakarāśāsthitaṃ śyāmacchāyaṃ śyāmāmbaradharaṃ triṇetraṃ caturbhujaṃ jalajacakradharaṃ kṛtāñjalipuṭaṃ grāmābhimukhaṃ yakṣagrahagaṇamadhyasthaṃ sumukhaṃ meṣārūḍhaṃ somasomakalasoma (somya?) sāmavitsāmanāyakasudhāsudhātādhātāsurāṣṭrakāṣṭhakakalikāladhṛkkālacakrakālakūṭaviṣabalāmṛtāmṛtanāthakeyūrīkevalībalīviṣṇukṛṣṇapiśaṅgāṅgī rekhālekhālekhapikaśukalūbakaśukaśyenaśyenamukhamārjāramarubhṛdvālagulmakaṇavakakaṇaśeṣaviśeṣoccheda (-ṣa?) kardamapūtivigrahasāmbasaṃvatsaravegīvegadharamarudbhiḥ caturai rākṣasasahasragairnāyakaiḥ parivṛtaṃ sāgaṇadhyānaṃ yathāpūrvamabhyarcya tadadvārabalidravyaṃ parivṛtaṃ sagaṇadhyānaṃ yathāpūrvamabhyarcya tadadvārabalidravyaṃ nivedyañjiliṃ darśayitvā [bali] pratimāmukhavāsaṃ vidhāyā(datvā)śādevatātṛptyarthaṃ śaṅkhādīn ghoṣayet |
atha punarīśānaśāpratiṣṭhitaṃ supratiṣṭhitaṃ siṃhārūḍhaṃ rajatavarṇaṃ rajatavāsasaṃ triṇetraṃ caturbhujaṃ khaḍgamudgadadharaṃ muṣṭiyuddhahastaṃ grāmābhimukhaṃ piśācagrahagaṇamadhyasthaṃ īśāneśvaravyāpīvyasanavinaśabudhadharabakaviśavādaśakuniśakaṭaghaṭavṛkṣakakṣakṣamīkṣāntimātṛromakapiñjalabrahmaṇyabrahmavidbrahmībrahmātmabrahmasādhanavedīvedavidudbandhaśaṅkaraśaṅkaradhīmadvisṛṣṭiriṣṭātmaduṣṭātmaduṣṭakarmakṛtvinetṛvigovindagopatigoptṛmaheśvaraiḥ parivṛtaṃ yathaṃ ktamabhyarcyācamanaṃ datvā taddinabaliṃ datvāñjaliṃ darśayitvā balibimbānanavāsaṃ nirvartya(datvā?) digdevatātṛptyarthaṃ śaṅkhādīn ghoṣayet |

anantasthitaṃ pṛśnigarbhaṃ siddhagrahagaṇānvitaṃ taptajāmbūnadasaṃkāśaṃ caturvaktraṃ caturbhujaṃ akṣasūtrakamaṇḍaludharaṃ puṣpāñjalidharaṃ haṃsādhirūḍhaṃ paścimābhimukhaṃ kamalodbhavaṃ kamalāsanaṃ siddhadhātṛvidhātṛdhātṛprajāpatilokeśalokakṛtkartṛsraṣṭrubrahmātmabhasutāpatularītivardhanāvyaktaguṇavadgauṇaguṇabhugudgīthapraṇavahiraṇyagarbhaviriñcapuṣkarabhāsanabhāsavikarṇavijayarathantaracchandoyajuṛgatharvamarīcyaṅgirapulahakratuvasiṣṭhapracetaśalabhabhīṣmahemantaśiśirakusumākarakalahavirāhi (-gi?) amarṣaroṣaṇaśoṣaṇagatiharṣaṇavardhanaiḥ pṛśnigarbhavaśānugaiḥ bhīmarūpamahākāyairasaṃkhyaparivārakaiḥ vyāghravaktrairmeṣavavatraiḥ śaśamukheḥ svastivaktraiḥ vyālavaktraiḥ varāhavaktraiḥ kukkuṭavaktraiḥ balākavaktraiḥ haṃsavaktraiḥ mayūravaktraiḥ svastikāsyaiḥ cakravākānanaiḥ kapotāsyairekanetraiḥ dvinetraiḥ triṇetraiḥ (bahunetraiḥ?) ekapādaiḥ dvipādaiḥ bahupādaiḥ ekavaktraiḥ bahuvaktraiḥ asaṃkhyaiḥ parivṛtaṃ viṣṇupārṣadeśvaragaṇamadhyasthaṃ dhyātvārghyādibhirabhyarcya balidravyaṃ pradāyācamanāñjaliṃ darśayitvā bimbābhimukhaṃ kṛtvā puṣpāñjaliḥ sādhako namaskṛtya samastamaṅgalavādyādi mukhavāsaṃ vidhāya (datvā?) taddevatātṛptyai śaṅkhādīn ghoṣayet |
nāradaḥ---
utsaver'ghyapradānādi caṇḍādīnāṃ guro 'sti kim /
bhedaḥ sāmānyato vāpi mantraṃ kiṃ vā vidhiḥ prabho

viṣvaksenaḥ---
caṇḍādidevatādhyānaṃ kṛtvā devamukhe tataḥ /
dakṣiṇer'ghyaṃ tathācāmaṃ haste pāde ca pādyakam

lalāṭe gandhamādadyāt puṣpaṃ śirasi dhārayet /
nāsādakṣiṇapārśve tu dhūpaṃ dīpaṃ tato dṛśi

balidravyaṃ ca pānīyaṃ punarācamanaṃ tathā /
dakṣiṇe doṣṇi dadyāttu tatpramāṇamatho śṛṇu

pādyārghyācamanīyaṃ tu parimāṇamathecyate (?) /
gandhaṃ ṣaḍbindumātraṃ tu puṣpaṃ muṣṭiprapūritam

dhūpaṃ surabhiṇā vyāptaṃ śāntajvālocchritotthitam /
bahurekhamaratyagraṃ(?) daśamātraṃ pradāpeyat

dīpaṃ saptāṅgulotthānaṃ ghṛtakarpūradīpitam /
dhūpavaddīpayeddevamupacāranivartakam

trimātrakaṃ tu mudrāyā darśanaṃ dakṣiṇe dṛśi /
itthaṃ nirvartya vārāṇāṃ rājarāṣṭravivṛddhikṛt

anyathā parivārāṇāṃ arcotsavavidhau bhavet /
rājarāṣṭravināśāya durbhikṣānarthado bhavet

tataścaṇḍādimantrāṇāṃ lakṣaṇaṃ kathyate 'dhunā /
praṇavādinamo 'ntaṃ ca nāmamantramiti smṛtam

pīṭhe pīṭhe baliṃ kṣiptvā grāmamadhye samāpayet /
bhūtakṛdbhyo namaḥ sarvabhūtebhyaśca namo 'stviti

namo 'stu sarvabhūtebhya iti mantramudīrayet /
tasmin vedyādiparyantaṃ deśe mantramiti smṛtam

anugacchanti ye tvatra kautukaṃ kautukānvitāḥ /
pade pade kratuphalaṃ labhante nātra saṃśayaḥ

śuddhavāsāḥ śucirbhūtvā kṛtadantānudhāvanaḥ /
haviṣyabhug yatātmā ca ācāryo balimācaret

rātrau balipradānānte snānaṃ sadyaḥ samācaret /
pratiṣṭhotsavahomeṣu snapanādau viśeṣataḥ

ārabhya tantrānuktaṃ ca nirīkṣyānyāṃstu kārayet /
anyathā kevalaṃ tantramekaṃ vīkṣya prayojayet

tatsaṃkṣepaṃ na vismṛtya mohāt sarvavināśakṛt /
tīrthapūrvadine rātrāvadhivāsanamācaret

yāgamaṇḍapamadhye vā devasya purato 'thavā /
vediṃ kṛtvātha śālībhiraṣṭadroṇasamanvitam

tadardhaṃ taṇḍulaṃ nyasya tanmadhye 'mbujamālikhet /
kuśān saṃstīrya tanmadhye vastrāṇi parito nyaset

gandhapuṣpaiḥ samāstīrya prokṣayenmūlavidyayā /
aṣṭadigdīpasaṃyuktaṃ karpūrāgarudhūpitam

dhūpayitvā tato vediṃ tanmadhye devamānayet /
arghyapādyādinābhyarcya havirasmai tu dāpayet

devasya pūrvapārśve tu pūrṇakumbhaṃ nidhāya tu /
veṣṭitaṃ sūkṣmavastraiśca hemaratnasamanvitam

tasminnāvāhayet tīrthān saritaśca sarāṃsi ca /
pūjayitvaiva gandhādyaistato devaṃ samarcayet

prārthayettīrthayātrārthaṃ praṇipatyaiva deśikaḥ /
devadeva jagannātha namaste lokabhāvana

tīrthayātrāṃ kuruṣva tvaṃ prasīda puruṣottama /
prārthacitvaiva deveśaṃ prokṣayet kumbhavāriṇā

pañcamantraiśca sūktena pauruṣeṇa ca mantravit /
tathā nārāyaṇaṃ sūktaṃ sṛṣṭya dipratipādakam

atharvaṇamidaṃ sūktaṃ sarvakāmapradaṃ śubham /
ātmānaṃ ca tathācāryo vaiṣṇavāṃścaiva sāttvatān

gaṅgasnānaphalaṃ sarvarṃ(-ve?)labhante prokṣayettadā /
punarācamanaṃ datvā gandhapuṣpādinārcayet

havirnivedanaṃ kuryādapūpāṃśca phalāni ca /
pānīyācamanaṃ datvā mukhavāsaṃ tathaiva ca

niveditaṃ tu tatsarvaṃ ācāryāya nivedayet /
ācāryasya manaḥ prītiratisaṃpattikāriṇī

ācāryasyānurūpeṇa sāttvatebhyo nivedayet /
kiñcinmātraṃ gṛhītvā tu sadasyānāṃ tu dāpayet

puṇyāhaṃ vācayitvaiva kautukaṃ bandhayettataḥ /
darśayeddevadevasya maṅgalāni yathākramam

chatraṃ cāmaramādarśaṃ sumuharte nivedayet /
śāyayecchayane divye devaṃ mūlena vidyayā

ātmānaṃ kautukaṃ baddhvā rātriśeṣaṃ samāpayet /
atha tīrthe 'hani prāpte nityakarma samāpya ca

maṇḍape madhyame bhāge someśāne tu lepayet /
tanmadhye śālinā vediṃ kuryānmadhye 'bjamuttamam

ulūkhalāna(-nya?)laṃkṛtya niśācūrṇai(-khaṇḍai?)stu pūrayet /
pūrvoktena vidhānena ghātayettattridhā punaḥ

tasya paścimabhāge tu śālimadhye mahāmune /
tīrthārthaṃ sthāpayeccūrṇān gandhādīn kramayogataḥ

gandhacūrṇaṃ tathā piṣṭaṃ cūrṇaṃ rajanimeva ca /
śālimadhye tu saṃsthāpya prāgādīśāvasānakam

navavastraistu saṃveṣṭya kalaśān(-śo?)lūkhalān(?)kramāt /
paścādrajanicūrṇaṃ tu pūrayet kalaśe mune

arghyapādyādinābhyarcya taṃ devaṃ mūlavidyayā /
snāpayeddevadevasya mūrdhni paścāt samāhitaḥ

gandhādicūrṇān saṃgṛhya tīrthadeśe samācaret /
cūrṇotsavaṃ tataḥ kuryāt curṇasnānasamanvitam

grāmaṃ pradakṣiṇaṃ kṛtvā tīrthadeśaṃ samānayet /
puṇyāhājyāropaṇaṃ snānavastraṃ pādyārghyaṃ vai dantakāṣṭhaṃ ca toyam

datvādarśaṃ tailamudvartanaṃ ca dhātrīsnānaṃ snānapūrvopacāram /
snānakramaṃ pravakṣyāmi nitye naimittike 'pi ca

kāmye tu vā prakurvīta devadevasya śāṅrgiṇaḥ /
devasya pūrvabhāge tu maṇḍalaṃ pañcahastakam

kṛtvā tanmadhyame nyasya śālidroṇadvayaṃ mune /
vistīrya vedimadhye tu tadardhaṃ taṇḍulaṃ tathā

tatra madhye nyasedvidvān kalaśān dvādaśa kramāt /
madhyame tu ghṛtaṃ nyasya tatra pūrve dadhi nyaset

dakṣiṇe vinyaset kṣīraṃ madhu vāruṇagocare /
some coṣṇodakaṃ nyasya sādhakaḥ paramārthavit

āgneyyāṃ gandhatoyaṃ tu nairṛte puṣpatoyakam /
vāyavye maṅgalodaṃ tu īśāne śuddhavāribhiḥ

hastamutsṛjya navakādaindre vā cottare 'thavā /
sthāpayet kramayogena cūrṇāni kramayogataḥ

parameṣṭyādibhirmantraiḥ snāpayet puruṣottamam /
tataśca vimṛjeccūrṇairmūlenāṅgādi daivake

punaśca kuśakūrcena mārjayedbimbamuttamam /
evaṃ vai kalaśān nyasya kūrcadravyāt nyasedbudhaḥ

cakrikāṃ sthāpayettasmin gandhapuṣpaṃ vinikṣipet /
navavastraistu saṃchādya gandhapuṣpādinārcayet

tatastu paritaḥ kuryādrakṣārthaṃ kumudādikān /
kumudaṃ pūrvadigbhāge puṇḍarīkaṃ tu dakṣiṇe

śaṅkukarṇaṃ pratīcyāṃ tu sumukhaṃ cottare nyaset /
āgneye kumudākṣaṃ tu nairṛte vāmanaṃ nyaset

sarpanetraṃ tu vāyavyāmīśāne supratiṣṭhatam /
evaṃ tu kumudādīṃstu kalaśeṣu nyasedbudhaḥ

tulasīsahadevī ca bilvamaudumbaraṃ tathā /
aśvatthaṃ plakṣavakulaṃ sadābhadrā prakīrtitāḥ

eteṣāṃ pallavān gṛhya kalaśeṣu nyaset kramāt /
puṣpādibhiḥ samabhyarcya dhūpadīpāntameva ca

evaṃ vai kalaśān nyasya dravyadevān bravīmi te /
śālinīvāramāṣāṃśca candanośīrameva ca

pañcacūrṇamiti khyātaṃ parāgāṇāmanuttamam /
candanaṃ kuṅkumośīraṃ campakotpalavāsitam

gandhatoyamiti khyātaṃ gaṅgāvārisamaprabham /
utpalaṃ mallikājātipāṭalaṃ padmameva ca

pañca puṣpodakamidaṃ pañcopaniṣadaṃ nyaset /
indravalyaṅkurāśvatthadalaikaṃ padmameva ca

etattu kathitaṃ pūrvaṃ maṅgalaṃ maṅgalodakam /
śuddhatoyaṃ samādāya mantreṇa parameṣṭhinā

kuśāgreṇa mathitvā tu deveśamabhiṣecayet /
kuṅkumośīrakuṣṭhaṃ ca rajanīcandanaṃ tathā

etattīrthamayaṃ puṇyaṃ tīrthacūrṇamiti smṛtam /
rajanīṣvekavarjyaṃ tu droṇaṃ vāpyardhameva vā

āḍhakaṃ vā tadardhaṃ vā cūrṇaṃ kuryāttu mantravit /
cūrṇānāmapyalābhe tu rajanīcūrṇamuttamam

śālibhirvātha sarveṣāṃ snāpayenmūlavidyayā /
ghṛtādisnehadravyāṇāmāḍhakaṃ vārdhameva vā

sarveṣāmapyalābhe tu pūrayedgandhavāriṇā /
tenaiva snāpayeddevaṃ yathāvittānusārataḥ(?)

yatproktaṃ cotsave puṣpaṃ tasyā (?) evaṃ tu mantravit /
tattaddoṣaṃ smaret kṣipya tulasī cotpalākṣatam

evaṃ dravyaṃ tu saṃproktaṃ daivataṃ kathayāmi te /
dāmodarāvasānāśca keśavādyāśca mūrtayaḥ

ghṛtādikalaśānāṃ tu devatāḥ parikīrtitāḥ /
rakṣārthaṃ kalaśānāṃ tu kumudādīni daivatam

uddhāraṇakramaṃ yena tatproktaṃ daivataṃ kramāt /
evaṃ saṃsthāpya vidhivat paścācchuddhiṃ samācaret

puṇyāhaṃ vācayitvā tu prokṣayet kuśavāriṇā /
evaṃ saṃprokṣya vidhivat tataḥ snapanamācaret

ghṛtena dadhnā payasā madhunoṣṇākadakena ca /
snāpayet pañcacūrṇaiśca saṃprapūjya prabhuṃ mune

aṣṭākṣareṇa gandhāmbhaḥ puṣpāmbho dvādaśākṣaraiḥ /
maṅgalaṃ viṣṇugāyatryā śuddhāmbhaḥ praṇavena tu

tīrthacūrṇaṃ tataḥ snāpya mūlamantreṇa sādhakaḥ /
snapanānte tu saṃsthāpya rajanīcūrṇamuttamam

ājyādiniśi(?)cūrṇāntaṃ evaṃ saṃsnāpayet kramāt /
gandhapuṣpādinābhyarcya dīpāntaṃ ca mahāmune

snapanānte tu mantrajñaḥ kumudādīṃśca rakṣakān /
devasya śirasi bhrāmya bhaktānāṃ tu pradāpayet

evaṃ tu snapanaṃ kṛtvā nadīsnānaṃ tu kārayet /
tīre devaṃ samānīya kuśakūrcena mārjayet

pādyādidīpaparyantaṃ arcayet kautukaṃ tataḥ /
avagāhya ca tattīrthaṃ tīrthānāvāhya sarvataḥ

kṛtvāghamarṣaṇaṃ tatra pañcamantraiḥ samāhitaḥ /
jalakeliṃ tataḥ kṛtvā tīramāsādya deśikaḥ

tatra tīrthajale snātaḥ sarvapāpaiḥ pramucyate /
alaṃkṛtya tu vastrādyairgandhapuṣpādinārcayet

havirmahāhavirvāpi datvā nṛttādi kārayet /
devasya pūrvadigdeśe baliṃ dadyāt samāhitaḥ

namo 'stu sarvadevebhya evamuccārya mantrataḥ /
pālikādyairalaṃkṛtya yānamāropayeddharim

punaḥ pradakṣiṇaṃ kuryāt grāmaṃ vā nagaraṃ tu vā /
ālayaṃ vāpyabhāve tu yathāvittānusārataḥ(!)

svastivācanasaṃyuktaṃ śaṅkhabherīravākulam /
pradīpaśatasaṃyuktaṃ nṛttagītādisaṃyutam

puṣpavṛṣṭisamāyuktamakṣatā(?) lājasaṃyutam /
sāmagītasamāyuktaṃ jayaśabdasamanvitam

pradakṣiṇaṃ parikramya nadrutaṃ navilambitam /
yāgabhūmiṃ samāsādya pūjayitvā yathākramam

snapanaṃ vidhivat kṛtvā puṣpayāgaṃ samārabhet /
kṛtvā padmaṃ cakrakaṃ maṇḍalaṃ vā tatra sthāne vāsudevādikāṃ (-kā?) śca

śaṅkhādyā vai bāhyato lokapālāḥ viṣvakseno vainateyaśca bāhye /
bhūteśā vai bāhyataḥ pūjanīyāḥ gaulyannaṃ vai bhakṣyamagneśca kāryam

puṇyāhārghyaṃ puṣpamekaṃ baliṃ ca pūjāpujye mūlabimbe sthitaṃ vai /
cakralakṣaṇamārge tu śeṣamasminniyojayet

dhvajāvarohaṇaṃ kuryāt udvāsyaiva tu devatāḥ /
datvā mahābaliṃ tābhyo mudgānnāpūpalājakaiḥ

saktubhirgrāmabāhye ca madhye caiva kṣamāpya ca /
dhvajādvisarjayeddevaṃ vainateyaṃ svamantrataḥ

ekarātridvirātre vā trirātre tu mahāmune /
dhvajāvarohaṇaṃ kuryāt adhikaṃ tu na kārayet

adhikaṃ yadi cettatra snapanaṃ kārayet kramāt /
utsavapratimāyāṃ tu snapanaṃ tvadhamottamam

pañcaviṃśatibhirvāpi kalaśairdvādaśaistu vā /
yathāvittānusāreṇa (!) snapanaṃ kārayeddharim

dhvajāvarohaṇaṃ paścāt kārayenmantravittamaḥ /
karṣaṇādiṣu pūjāyāṃ pratiṣṭhārohaṇādiṣu

dhvājārohaṇavelāyāṃ dhvajasyāpyavarohaṇe /
utsave balidāne tu śaṅkhādyaiścaiva ghoṣayet

śaṅkhatūryādinirghoṣaṃ haritṛptikaraṃ mune /
rakṣovidrāvaṇaṃ caiva rājaśāntikaraṃ tathā

rāṣṭravṛddhikaraṃ samyak yajamānasukhāvaham /
snapanasthāpanādīnāṃ yā mudrā yasya kathyate

tāṃ tathāśaknuvan kartuṃ mūlamantraṃ nyaset kare /
tena kurvan kriyāḥ sarvāḥ kareṇa munipuṅgava

tṛtīyaṃ samanudhyānaṃ te cānte 'ñjalikārakāḥ /
tṛptiṃ kurvanti devasya jalasthānajaleśvarān(?)

tṛpta (tarpa) yedātmanastṛptimiti guhyopadeśakaḥ /
devotsavādikriyayā nṛpasya balāyurārogyajayaśriyaśca

rāṣṭrasya vṛddhirdhanadhānyayugvai prayojayitrādi phalaṃ sukhādi /
utsavāṅgamatho vakṣye yāgamaṇḍapamuttamam

dakṣiṇe gopurasyaiva āneyyāṃ diśi vai tathā /
yāmyāyāmuttare vātha kārayedyāgamaṇḍapam

tatpūrvabhāge kartavyaṃ kuṇḍaṃ lakṣaṇasaṃyutam /
kuṇḍapārśve muniśreṣṭha vediṃ kuryādyathāvidhi

caturhastapramāṇena kārayedvedimuttamām /
vistārāyāmatulyā syādyāgavedirmahāmune

trihastaṃ vā dvihastaṃ vā kārayedvedimuttamām /
ratnimātrasamutsedhāmathavā tālamātrakām

darpaṇodarasaṃkāśāṃ yāgavedimanuttamām /
evaṃ kṛtvā vidhānena vediṃ bhuktiśubhapradām

tatropari likhet padmamaṣṭapatradalākṛti /
gomayena samālipya dvādaśākṣaravidyayā

prokṣayettena mantreṇa kuśapūtena vāriṇā /
pālikā cāṅkuropetamaṣṭamaṅgalasaṃyutam

pūrvādikramayogena śaṅkhādīn maṅgalān(!)nyaset /
uttamādikramaṃ proktaṃ vedikālakṣaṇaṃ mune

puṇyāhaṃ vācayitvā tu prokṣayitvā kuśāmbhasā /
svastisūktaṃ tatoccārya(?)brāhmaṇaiḥ saha mantravit

tatra madhye muniśreṣṭha śālinā vedimācaret /
pañcabhārapramāṇaṃ vā tasyārdhaṃ vārdhameva vā

vistīrya vedimadhye tu raktaśālyantameva vā /
pūrvavadvilikhedraktapadmamaṣṭadalairyutam

tatra madhye tu saṃsthāpya navakumbhān yathākramam /
sūtratrayasamopetān gālitodakapūritān

vastrayugmairalaṃkṛtya gandhapuṣpasamanvitān /
pañcaratnasamopetān kūrcatrayasamanvitān

aśvatthapallavairyuktāṃścakrikābhiḥ pidhāya tu /
evaṃ lakṣaṇasaṃyuktakumbheṣvāvāhayet kramāt

mahāberānnayecchaktiṃ madhyakumbhe mahāmune /
pūrvādi caṣṭakumbheṣu vāsudevādikān yajet

arghyapādyādinābhyarcya havīṃṣi mukhavāsakam /
dāpeyat kumbhamadhyasthadevāya munisattama

pūrvādi cāṣṭakumbheṣu taccheṣeṇa baliṃ kṣipet /
vāsudevādikān jñātvā svanāmnaiva pṛthak pṛthak

tatastu kumudādīnāṃ kumbhasya paritor'cayet /
ghaṇṭāśabdasamopetaṃ kukkuṭāṇḍapramāṇataḥ

svastivācanasaṃyuktaṃ dhūpadīpasamanvitam /
svanamnā balidānaṃ tu sādhayet sādhakottamaḥ

nārikelaphalaṃ dadyāt sandhyayorevamarcayet /
tatpūjānte tu mantrajño homakarma samārabhet

aṣṭottaraśataṃ vāpi tadardhaṃ vārdhameva vā /
samidāditilāntaṃ tu juhuyāt sādhakottamaḥ

homānte balidānaṃ tu kārayedgrāmavāstuṣu /
tatastīrthasya divase pūrvāhṇe homapūjanam

kārayet pūrvavat samyak sādhakaḥ paramārthavit /
homānte cānayet kumbhāttaccakṣurmūlaberake

tatastu vāsudevādīn nayet pūrvavadāvṛte /
vatsare vatsare brahman kartavyaṃ paramaṃ śubham

nityapūjāvihīnasya prāyaścittaṃ mahotsavam /
evaṃ saṃpūjayeddevaṃ cotsave yāgamaṇḍape

tīrthasya divasaṃ yāvattāvat saṃpūjayet kramāt /
yāgamaṇḍapapūjāyāmaṅkurārpaṇapūjane

baliśeṣaṃ homaśeṣaṃ pātraśeṣaṃ tathaiva ca /
asminniveditaṃ sarvamācāryāya pradāpayet

anyathā niṣphalaṃ yāti yajamānasya rogakṛt /
tasmāt sarvaprayatnena kārayecchāstracoditam

yaḥ kārayettu matimān tatphalaṃ samavāpnuyāt /
yāgamaṇḍapapūjāṃ tu vinā cedutsavaṃ kuru

kevalaṃ homamātreṇa cāpyalaṃ tu mahotsavam /
dhanyaṃ yaśasyamāyuṣyaṃ sarvapāpanikṛntanam