Viṣvaksenasaṃhitā · Chapter 14

saṃkṣepāt kathitaṃ guhyaṃ sādhakānāṃ hitāya vai //
iti śrīpāñcarātre viṣvaksenasaṃhitāyāṃ jhrmantrāṇāṃ ṛṣichanda- devatādikathanaṃ nāmaṭa trayodaśo 'dhyāyaḥ ||
caturdaśo 'dhyāyaḥ
caturdaśo 'dhyāyaḥ viṣvaksenaḥ---
ataḥ paraṃ pravakṣyāmi carupākavidhiṃ param /
śṛṇu nārada sarvajña vrīhikṣetrādikān kramāt

na coṣaradharāyāṃ ca caṇḍālādigṛhāntike /
na śmaśānāntike bhūmyāṃ dhānyasaṃgrahaṇaṃ bhavet

śubhakṣetrodbhavaṃ dhānyaṃ tryahābdaṃ (tryabdaṃ vā?) vatsaraṃ tu vā /
ṣaṇmāsaṃ vā trimāsaṃ vā samyak paryuṣitaṃ śubham

raktaśāliṃ tato (tu vā?) śvetaṃ kṛṣṇaśāliṃ tathaiva ca /
saṃgrahe 'smin muniśreṣṭha taṇḍulaṃ śvetamuttamam

kundendumuktāsaṃkāśaiḥ tatkṛtaiḥ (?) śālitaṇḍulaiḥ /
pācayeddhariveśmasya (-gehasya?) āgneyyāṃ pacanālaye

mantrajño vaṃśasaṃpannaḥ prātaḥsnānaparāyaṇaḥ /
haviṣāṃ pākayogyastu balavān karmatatparaḥ

mānādi cādhunā vakṣye śṛṇu guhyamanuttamam /
dviśataiḥ pañcaviṃśadbhiḥ vrīhibhiścaiva pūritam

śuktimātramiti khyātaṃ mānaṃ tenaiva kalpayet /
taddvayaṃ talamityuktaṃ prakubjaṃ (-ñcaḥ?)syāttaladvayam

taddvayaṃ prasṛtiḥ proktā kuḍumbaṃ(-baṃ?)prasṛtidvayam /
añjalistaddvayaṃ proktaṃ prasthaḥ syādañjalidvayam

pātraṃ prasthadvayaṃ proktamāḍhakaṃ taddvayaṃ bhavet /
taddvayaṃ śivamityuktaṃ droṇaṃ vidyācchivadvayam

droṇadvayaṃ bhavet khārī bhāraṃ khāritrayaṃ bhavet /
mānamevaṃ mayā proktaṃ pātraśuddhimatho śṛṇu

carupātradvayaṃ proktaṃ tāmraṃ mṛṇmayameva vā /
tāmrābhāve muniśreṣṭha mṛṇmayaṃ vātha kārayet

dine dine navaṃ gṛhyaṃ sādhayet sādhakottamaḥ /
pātrāṇi ca śarāvāṇi saṃgṛhya paricārakaḥ

śuddhatoyena saṃkṣālya viṣṇugāyatriyā punaḥ /
prokṣayedgandhatoyena pañcopaniṣadaiḥ kramāt

(...)
pātraśuddhiriha proktā haviḥsaṃkhyā(?)pracakṣate /
uttamottamamityuktamaṣṭadroṇaistu pūritam

ṣaḍdroṇaistaṇḍulaiḥsiddhaṃ bhaveduttamamadhyamam /
droṇahīnaṃ bhavettatra uttamādhamamucyate

madhyamottamamityuktaṃ khāridvayasamanvitam /
droṇadvayena naivedyaṃ bhavenmadhyamamadhyamam

madhyamādhamamityuktaṃ droṇadvayasamadvayam (?) /
droṇaṃ caiva tadardhaṃ ca tasyārdhamadhamatrayam

taṇḍulairāḍhakairhīnaṃ naivedyaṃ na prakalpayet /
caruḥprasthadvayaḥ proktaḥ havirāḍhakamucyate

tasmin (tattu?)śriyādidevīnāmāḍhakaṃ vārdhameva vā /
nivedayenmuniśreṣṭha taṇḍulānāṃ vidhiṃ śṛṇu

dvitīyāvaraṇe caiva tṛtīyāvaraṇe 'pi vā /
kuryāddhānyāvaghātasya śālāmīśānagocare

dakṣiṇe vātha vāyavye nairṛte vāntare tathā /
śālāṃ ca bhūṣayitvā tu vitānādyairmanoharaiḥ

gomayena samālipya śālipiṣṭairvicitrayet /
brāhmaṇī tu suśīlā ca brāhmaṇyena samanvitā

dhānyāvaghātaṃ tatraiva kuryādāmamanuttamam /
ulūkhalādi saṃprokṣya harirityuccaran kramāt

ghātayet sarvadhānyāni paścāttaṇḍulameva ca /
āmaṃ vāpyathavā pakvamevameva dine dine

saṃskṛtya taṇḍulān sarvān saṃgṛhya praṇavena tu /
nirīkṣya taṇḍulān paścāt śarkarādīni sarvaśaḥ

harismṛtyā krameṇaiva śucirbhūtvā samahitaḥ (tā?) /
parārthe viṣṇupūjāyāṃ sacchūdro vaiṣṇavo mune

na spṛśet pakvamāmaṃ...kuryādyathāruci /
tadabhāve muniśreṣṭha vaiṣṇavānāṃ gṛhe gṛhe

dine dine tu kartavyāstaṇḍulāḥ śūdrakairvinā /
asmin (yastu?)śudragṛhe mohāllebhādvā munisattama

taṇḍulaṃ kurute pūjā niṣphalā sā bhaviṣyati /
sarvanāśamavāpnoti tasmādyatnena varjayet

svārthārcane yathākāmaṃ bhaktyā devāya dāpayet /
abhinnāstaṇḍulā grāhyā akhinnāśca tathaiva ca

atuṣāścāpyapāṣāṇāḥ kṛmikīṭavivarjitāḥ /
akaṇāśca rajopetāḥ pāṃsusparśanavarjitā (?)

apakvāstaṇḍulāścānyāḥ na nivedyāḥ kathaṃcana /
pakvameva caruṃ dadyāt apakvaṃ tu vivarjayet

varjitaṃ ca caruṃ mohāt nivedayati cenmune /
rākṣasāśca piśācāśca hṛṣṭā gṛhṇānti taccarum

kupyate(?)tu hariścāpi nātra kāryā vicāraṇā /
tasmāt sarvaprayatnena varjitaṃ varjayet sadā

uddharet sarvapātrāṇi praṇavena mahāmune /
purā pātrāṇi prakṣālya pūrvoktena vidhānataḥ

aṣṭākṣareṇa mantreṇa ājyenaiva tu lepayet /
spṛśecca taṇḍulān paścāt dvādaśākṣaravidyayā

kṣipeddvādaśamuṣṭiṃ tu kramāddvādaśanāmabhiḥ /
namaskārāntasaṃyuktaṃ dhyātvā tu hṛdaye harim

tataśca caturo muṣṭīn prakṣipenmūrtināmabhiḥ /
ṣaḍbhiḥ(?)prakṣālanaṃ kṛtvā bījena parameṣṭhinā

culyāmāropayet paścādbījena puruṣātmanā /
agniṃ samedhayet paścādviśvabījena sādhakaḥ

nivṛtyā abhighāryātha sarveṇaivāvatārayet /
mūrtimantreṇa vā sarvān mūlamantreṇa vā mune

kārayenmuniśārdūla nitye naimittike kramāt /
carupākavidhāne 'smin mantrān sarvāna mahāmune

namaskāravihīnena(-nāṃstu?) yojayenmantravittamaḥ /
havirādiṣu vakṣyāmi varjyāvarjyavidhiṃ kramāt

nīlitaṃ varjayeddhavyamatipakvaṃ tathaiva ca /
tathāpyapākasaṃpūrṇamardhataṇḍulameva ca

varṇāntaragataṃ caiva gandhaduṣṭaṃ ca dhūpitam /
dvipakvaṃ sthāpitaṃ caivāghrātaṃ niṣvitanakam(?)

apakṣutaṃ śvāsahataṃ mukhavāyuhataṃ tathā /
paraspṛṣṭaṃ śunādṛṣṭamadīkṣitanirīkṣitam

svedabinduhataṃ cāpi dhāmahastagataṃ (vāmahastahataṃ?) tathā /
laṅghitaṃ śītamatyuṣṇaṃ bhinnapātragataṃ tathā

kṛmikeśādisahitaṃ koṣṭha(kāṣṭha?)loṣṭhādipāti(saṃyu)tam /
mantrahīnaṃ kriyāhīnaṃ bhaktihīnamatoṣitam (?)

arkapātragataṃ cāpi varjayedyatnataścarum /
phalāni yatnapakvāni varjanīyāni sarvaśaḥ

kadalīphalamekaṃ tu yatnapakveṣu gṛhyate /
apakvama(-kvaṃ tva?)gnināśastaṃ phalamatra nivedayet

evamuktaṃ tu śuddhānnaṃ pāyasaṃ tvadhunocyate /
yajamānecchayā tasmiṃstaṇḍulaṃ gṛhya sādhakaḥ

taṇḍuladviguṇaṃ kṣīraṃ mudgasāraḥ samo bhavet /
pācitaṃ pāyasaṃ proktaṃ śeṣaṃ pūrvavadācaret

taṇḍulasya caturthāṃśāṃstilān prakṣipya cūrṇitān /
taccaturthaṃ ghṛtaṃ kṣiptvā pācayitvā yathāvidhi

kṛsarānnamiti proktaṃ gaulyānnaṃ tvadhunā śṛṇu /
pāyasaṃ pūrvavat kṛtvā taṇḍulena samaṃ gulam

gulārdhaṃ prakṣipedājyaṃ kadalyādiphalaṃ kṣipet /
gulānnamiti saṃproktaṃ mudgānnamadhunocyate

taṇḍulena samaṃ mudgaṃ nālikerulānvitam /
mudgānnamiti saṃproktaṃ haridrānnamihocyate

marīcirajanīyuktaṃ jīrakaiḥ sarṣapairyutam /
ucyate pācitaṃ hyetat haridrānnaṃ yathāvidhi

tadvidhiṃ cādhunā vakṣye śṛṇu bhāgottaraṃ (pākakramaṃ?) mune /
droṇataṇḍulamādāya kundendudhavalaprabham

pūrvavat pācayitvā tu marīcyādīni vinyaset /
marīcaṃ prasthapādaṃ ca triguṇaṃ(ṇāṃ?) rajanīṃ kṣipet

sarṣapaṃ dviguṇaṃ caiva tadardhaṃ jīrakaṃ kṣipet /
droṇasyaivaṃ mayā proktaṃ śeṣaṃ yuktyā prayojayet

iti bhāgottaraṃ proktaṃ haridrānnasya te mayā /
upadaṃśān pravakṣyāmi śṛṇuṣva munisattama

gandhavarṇarasopetaṃ vastrapūtaṃ ghṛtaṃ navam /
dvātriṃśadaṃśamājyaṃ syāt gṛhṇīyādatra goghṛtam

ṣoḍaśāṃśaṃ tu gulmāṣaṃ tadardhaṃ gulamiṣyate /
pakvayukphalamūlaṃ ca sarvaṃ lavaṇamiśritam

ghṛtena pācayet samyak taptakāñcanavanmune /
marīcai rajanīmiśraiḥ sarṣapaiśca mahāmune

pācayitvopadaṃśāni deveśāya nivedayet /
śeṣāṇiṃ copadaṃśāni yajamānecchayā pacet

dadhikhaṇḍarasairyuktamaṣṭāṃśakamudāhṛtam /
sūpaṃ caiva tathā kuryāt yathāvittānusārataḥ(?)

atastat parimāṇaṃ tu vakṣyāmi munisattama /
yajamānecchayā tasmin godadhi gṛhya sādhakaḥ

tadardhaṃ tu gulaṃ kṣiptvā tathā khaṇḍarasaṃ kṣipet /
tasyābhāve tu sarpiḥ syāt marīcaṃ niśi(?)cūrṇakam

vinyaset pācitaṃ hyetat sūpaṃ tatra yathāvidhi /
kadalīpanasāmrāṇāṃ paripakvaphalāni ca

āmraṃ caivopadaṃśaṃ syāt śṛṇu pakvopadaṃśakān /
kadalīpanasaṃ caiva kāravallīdvayaṃ tathā

karkavallīdvayaṃ caiva kūṣmāṇḍorvārukaṃ tathā /
bṛhatīṃ kṛṣṇabṛhatīṃ karavartaṃ tathaiva ca

karkarīṃ kṣudrabṛhatīmalasantīdvayaṃ tathā /
tathā kṛṣṇālasantī ca grāhyāṇi madhurāṇi ca

madhureṣu ca sarveṣu tālamekaṃ tu varjayet /
kadalīpanasādyeṣu(-dyānāṃ?)sāramuddhṛtya nārada

pātre nikṣipya devāya dadyāccarmādi varjayet /
varjitaṃ varjayedyatnānnivedayati cenmune

tatpūjā niṣphalā yāti sarvarogavivṛddhikṛt /
tasmāccarmādi yatnena varjayedvarjitaṃ sadā

kulutthamāṣaniṣpāvaṃ varjayeddve(-ddvi?) daleṣu ca /
mudgadvayaṃ ca śībaṃ ca tathā kṛṣṇālasanti ca (-kām?)

śarkarādvayasaṃyuktaṃ samyakpakvaṃ suśītalam /
annopari vinikṣipya devadevaṃ nivedayet

kośātakīmalābuṃ ca patrajātīśca varjayet /
phalāni kathitānyatra mūlāni śṛṇu tatparam

vallī caiva mahāvallī vanavallī tathaiva ca /
piṇḍā caiva mahāpiṇḍā kṣudrapiṇḍā tathaiva ca

sugandhotpalakandaṃ ca deveśasya priyaṃ śubham /
grāhyāṇi mūlānyetāni devadevaṃ nivedayet

alābhe śeṣa (sarva?) mūlāni (-nāṃ?) varjayedvanasūraṇam /
tathaiva nityapūjāyāṃ sūraṇaṃ munisattama

lobhānmohānnivedyaṃ cet (?) tatpūjā niṣphalā bhavet /
tasmāt prayatnato varjyaṃ sūraṇaṃ parivarjayet

kāmye mahotsave caiva mahānne tu mahāmune /
yajamānecchayā tasmin (?) sūraṇaṃ tu nivedayet

viṣṇuścaiva mahāviṣṇustathaiva ca mahāmune /
tṛpyatva(ntya?)tra mahānnena hṛṣṭā gṛhṇanti taccarum

kaṭukāśca tathāmlāśca tiktāśceti viśeṣataḥ /
yathālābhopadaṃśena pācayellakṣaṇairyutam

marīciṃ niśicūrṇaṃ ca tanmadhye kuḍubaṃ kṣipet /
āmlopadaṃśamityāhuḥ sarvasaṃpat sukhāvaham

kathitāni nivedyāni nānyāni tu kathaṃcana /
pātrāṇi ca śarāvāṇi bāhyaśuddhiśca kārayet

sarvapātreṣu bāhyeṣu ūrdhvapuṇḍraṃ ca bhasmanā /
kārayenmūrtimantreṇa pūrvādiṣu yathākramam

śarāve viṣṇumantreṇa pūrvapātre (-bhāge?) tu lācchayet /
mahānasaṃ samārabhya garbhagehāvasānakam

prathamena jalaiḥ prokṣya bhāṇḍānutthāpayet kramāt /
tena mantreṇa matimān sarvānutthāpayet kramāt

etasminneva kāle tu śaṅkhaṃ dadhmu (?) stribhiḥ pṛthak /
dvārasyottarapārśve tu nyaset pātrāṇi sarvaśaḥ

sauvarṇaṃ rājataṃ tāmramathavā kadalīdalam /
śuddhakāṃsyena vā kuryāt pātraṃ śatapalena tu

tadardhaṃ vā muniśreṣṭha dvātriṃśat palena (-lakena?) vā /
yathāvittānusāreṇa (?) pātraṃ saṃgṛhya sādhakaḥ

darvīghanaṃ (?) samādāya ājyenaivābhighārayet /
annena pūrayet pātraṃ gulmāṣeṇa guḍena ca

palenājyena dadhnā ca sopadaṃśaṃ nivedayet /
caturdhāsmin vibhajyaikaṃ bhāgaṃ devāya kalpayet

devārthaṃ kalpitaṃ bhāgaṃ deveśāya nivedayet /
nivedya kāle tantrajñaḥ arghyapādyādikaṃ dadet

puṣpaṃ datvā namaskṛtya hareḥ pādau tu sādhakaḥ /
hastaprakṣālanaṃ kṛtvā devasyāstreṇa mantravit

pariṣekaṃ tataḥ kṛtvā pūrvavat sādhakottamaḥ /
kṛtvā su(sva?)pāṇī prakṣālya mūlamantreṇa saṃspṛśet

śeṣaṃ tu pūrvavat kṛtvā havirādyaṃ mahāmune /
svastikāsanasaṃyukte deśikopendrato mukhaḥ

dakṣiṇe karaśākhāsu pañcopaniṣadaṃ nyaset /
nivedayeddhavistasmin pañcadhā parameṣṭhinā

namaskṛtya japet paścāt pañcopaniṣadā mune /
pāṇiṃ prakṣālya yatnena pṛthak pātre nivedayet

śaṅkhadundubhisuyaṃktaṃ nṛttageyasamanvitam /
devadevasya devarṣe nitye naimittike punaḥ

dhūpaṃ sudhūpitaṃ bhaktyā punardadhi nivedayet /
pānīyaṃ ca punardatvā kelipātre 'male śubhe

tarpaṇaṃ punarācāmaṃ datvā tattatpratigrahe /
gandhapiṣṭaiḥsamudvartya pāṇiṃ suśvetavāsasā

ācchādya gandhakalkena punarācamanaṃ dadet /
mukhavāsaṃ tato datvā vidhivat sādhakottamaḥ

punardvitīyabhāgena haviṣā mūlavidyayā /
juhuyādagnikuṇḍe tu samidājyapuraḥsaram

tṛtīyena baliṃ dadyāt prāḍmukho vāpyudaṅmukhaḥ /
punardatvā jalaṃ samyak namaskṛtya pradakṣiṇam

datvā tadbaliśeṣaṃ tu balipīṭhe vinikṣipet /
turyabhāgaṃ tu saṃgṛhya ācāryo mantravittamaḥ

prāśayet prāṅmukho bhūtvā pātraśeṣamanuttamam /
taccheṣaṃ sarvapāpaghnaṃ sarvaroganikṛntanam

sarvatīrthapradaṃ tasmādbhakṣayecchedaṣamuttamam /
ālayasyottare vāpi nairṛte vāpi mantravit

bhuktvā caiva muniśreṣṭha śeṣaṃ pūrvavadācaret /
nityapūjāvidhau brahman carupākavidhau kramāt

evamuktaprakāreṇa kārayettu dine dine /
mahāhavirvidhiṃ vakṣye hyaṣṭadroṇaṃ kanīyasam

dviguṇaṃ madhyamaṃ proktaṃ triguṇaṃ cādhamottamam /
catuḥ pañcaguṇaṃ ṣaṭkaṃ madhyamasya trayaṃ viduḥ

saptāṣṭanavamaṃ proktamuttamasya trayaṃ viduḥ /
pūrvavat pācayitvā tu sarvānutthāpayet pṛthak

maṇḍapasyottare bhāge nyasedbhāṇḍānyatha kramāt /
nairṛte vāruṇe vāpi vinyasecca mahāhaviḥ

maṇḍapaṃ caturaśraṃ tu kṛtvālaṃkṛtya cākṣataiḥ /
piṣṭacūrṇairalaṃkṛtya padmaṃ kuryāt sakarṇikam

paṭenācchādya bhūmiṃ tu rambhāpatrāṇi copari /
snānādidevakarmāṇi pūrvavat kārayet kramāt

devasnaya purataḥ kṛtvā kāryaṃ vijñāpayecchanaiḥ /
pīṭhādutthāpya deveśaṃ pādukābhyāmupāsakaḥ

śaṅkhadhvanisamāyuktamānayedbhojanāsanam /
pādyārghyācamanaṃ datvā gandhapuṣpaiḥ prapūjayet

prokṣayitvābhighāryātha carupātrāṇi caiva hi /
pāyasaṃ kṛsaraṃ gaulyaṃ mudgānnaṃ ca yathākramam

śuddhānnaṃ caiva sūpānnaṃ da(dā?)dhikaṃ ca mahāhaviḥ /
ājyaṃ ca guḍakhaṇḍaṃ ca kadalyādiphalatrayam

ājyapakvopadaṃśaṃ ca pātre sarvaṃ nivedayet /
pariṣekaṃ tataḥ kṛtvā hyannasūktena saṃspṛśet

dadyāttaddakṣiṇe haste haviḥ prāśanamudrayā /
sugandhaṃ svādutoyaṃ ca datvā pānīyamuttamam

punarācamanaṃ datvā vastreṇa pramṛjet karau /
gandhakalkena saṃmṛjya tataḥ pīṭhāntaraṃ nayet

pūrvamālāṃ vimuktvā tu (-cyātha?)veṣṭayenmālayā punaḥ /
punarācamanaṃ datvā hastau saṃśodhya vāsasā

pṛthukānyupahārāṇi apūpāntaṃ nivedayet /
nālikeraphalaṃ datvā pānīyācamanaṃ tataḥ

punarācamanaṃ datvā mukhavāsaṃ nivedayet /
kramukastu phalaṃ bhinnamapakvaṃ pakvameva vā

karpūratailaiḥ saṃsiktamasiktaṃ vā munīśvara /
tāmbūlavallīpatraiśca sahitaṃ kṣālitaṃ kramāt

elākakkolajātīśca karpūrasahitaṃ kramāt /
mātuluṅgaphalairyuktaṃ nālikerulānvitam

śilā(sitā?)cūrṇena saṃyuktaṃ karpūrasahitena ca /
saṃskṛtaṃ praṇavenaiva mukhavāsaṃ nivedayet

datvā ca rājavat samyak pitṛvat pūjayeddharim /
pīṭhādutthāpnaya deveśaṃ prāsādaṃ tu paribhramet

śaṅkhadundubhisaṃyuktaṃ svastisūktasamanvitam /
prāsādaṃ tu paribhrāmya garbhāgāraṃ praveśayet

mahāhavirvidhiḥ proktaḥ saṃkṣepeṇa mahāmune /
viśeṣataḥ pravakṣyāmi mahānnasya vidhiṃ kramāt

guhyādguhyaṃ muniśreṣṭha śṛṇu nārada sattama /
carupākavidhānoktaiḥ pūrvoktairhavyavṛddhidānaiśca

samupetaṃ śālīnāṃ daśaśatakaistaṇḍulaprasthaiḥ /
siddhaṃ mahāhaviḥ syāttu tadardhaṃ madhyamaṃ smṛtam

tasyāpyardhakṛtaṃ yattadadhamamuktaṃ mahāhavisatajjñaiḥ /
dugdhānāṃ tu gavāṃ syādāḍhakaṣaṭakaṃ guṇaṃ catuṣṣaṣṭi

phalaṃ sarpistathāḍhakaṃ syātpañcaprasthamudgānnam /
(palasarpirāḍhakaṃ syāt pañcaprasthaṃ ca mudgānnam?) /
dalitānāṃ śuddhānāṃ toyaṃ syādāḍhakadvitayam

kaṃsadvitayaṃ (?) śālyāstaṇḍulamiṣṭaṃ payogulānnavidhau /
etadvaramasyārdhaṃ madhyamamasyārdhamadhamaṃ syāt

pāyasametadvidhinā gulasarpibhyāṃ vinā pakvam /
samudgasārapakvaṃ śālyannaṃ mudgasārānnasamam

gulapiṣṭaṃ siddhaṃ sarpibhyāmapūpamuddiṣṭam /
kakkolairjātiphalaiḥ pūgaphalaiḥ śvetabhujagapatraiḥ

pāṣāṇacūrṇamiśraṃ samātuluṅgadalanālikeraphalam /
karpūratailamiśraṃ saṃsvaṅgaṃ kathyate mukhavāsasam

elācampakaketakyā vāsitaṃ tu pānīyam /
kathitaṃ yattridaśamune mahānivedyādi tannikhilam

siddhaṃ devagṛhe vā tatpārśve vā[pi]mantrayogyaṃ syāt /
yo mohādanyagṛhe siddhaṃ devāya mantreṇa

havirādyaṃ tu hi dadyāt sa kilbiṣī rāṣṭranāśī syāt /
bhaktairanyatrāpi kvāpi pakvaṃ samāgataṃ yadyat

bimbasyāgre tattat pradarśya dadyāddhi pakvebhyaḥ /
etat kṛtvā samyaṅmahāhaviḥ priyatamaṃ tu hareḥ

bhaktaḥsāmīpyaṃ madhyamakṛt ......... /
sārūpyaṃ cādhamaṃ ca sālokyaṃ paramam

payodigulānnaṃ nivedya bhaktyā haraiti śāntim (?) /
paramāṃśaśca madhyamaṃ hyeti sarvakāmāni (?)

viśeṣaścātra saṃproktaḥ mahānnādividhau mune /
śeṣaṃ sādhāraṇaṃ kuryā(vidyā?)diti śāstrasya niścayaḥ

mahāhavividhau cātra dvividhaṃ mānamīritam /
dviprakāraṃ tu tantrajño yathāyogaṃ samācaret