Viṣvaksenasaṃhitā · Chapter 13

iti śrīpāñcarātre viṣvaksenasaṃhitāyāṃ [mantrānukramaṇavidhirnāma] dvādaśo 'dhyāyaḥ ||
trayodaśo 'dhyāyaḥ
viṣvaksenaḥ---
mantrāṇāṃ praṇavādīnāṃ sarvavidyāvidhānakam (kān?) /
ṛṣichandādi(?)vakṣyāmi sarvameva yathātatham

antaryāmī muniśchando devīgāyatrameva ca /
paramātmāmaro varṇaḥ vedādyāsvasmitaṃ smṛtaḥ

viśvāmitramunirviṣṇuḥ devatā paramātmanaḥ /
paramātmaiva chandastu varṇastasya sitaḥ smṛtaḥ

jāmadagnyamuniśchando vāsudevaśca devatā /
anuṣṭub vāsudevasya sitavarṇa udāhṛtaḥ

chando 'nuṣṭup bharadvājo muniḥ saṃkarṣaṇo mataḥ /
saṃkarṣaṇasya vidyāyā rakto varṇa ihocyate

pradyumnasya muniśchando gautamaḥ paṅktireva ca /
pradyumno devatā varṇaḥ kanakābha iti smṛtaḥ

aniruddhasya vidyāyā muniśchando 'trireva ca /
triṣṭup devo 'niruddhastu nīlajīmūtavarṇakaḥ

vasiṣṭho matsyamantrasya chandastu jagatī smṛtā /
vāsudevastu devaḥ syāt nīlo varṇa ihocyate

kūrmasya kāśyapaṃ vidyānmuniṃ cchando virājate /
devo nārāyaṇaḥ śyāmaḥ vidyāyā varṇa ucyate

agastyo vārāhavidyāyā devīgāyatramucyate /
muniśchando 'maro viṣṇuḥ śyāmavarṇaṃ nigadyate

nārado nārasiṃhasya vidyāyāstu hariḥ(?) smṛtaḥ /
ṛṣiśchando nṛsiṃhastu devatā sitavarṇa[kaḥ?]

...mane maṃkaṇaṃ vidyāt ṛṣiśchando munistathā (?) /
mantre 'smin vāmanaṃ daivaṃ añjanaṃ varṇa ucyate

bhārgave bhārgavaṃ vidyāt...daivastu kathyate /
muniṃ tu bhārgavaṃ devaṃ pītābho varṇa ucyate

vālmīkīṃ rāmavidyāyāḥ nijhrcṛtṭagāyatramucyate /
muniśchandastu devastu paramātmā payonibhaḥ

bṛhaspatiḥ balaṃ(le?) vidyāt supratiṣṭhāmuniḥ smṛtaḥ /
chandastu vāyudevasya devaḥ kanakavarṇakaḥ

bhṛguḥ kṛṣṇasya vidyāyā muniśchandastu daivatam /
paramātmā pratiṣṭhā tu rajato varṇa ucyate

kalkiviṣṇostu munī yo yājñavalkyo muniḥsmṛtaḥ /
chando devaṃ tu gāyatraṃ viṣṇostābhrastu varṇakam

śātātapo muniḥ paṅktiśchandaḥ keśavadaivatam /
keśavasya tu vidyāyā rītikā varṇa ucyate

nārāyaṇasya mantrasya devīgāyatramucyate /
antaryāminaḥ svātmā varṇe marakato bhavet

mādhavasya tu saṃvarto mādhavo devatā smṛtaḥ /
muniśchandastu jagatī varṇaḥ sphaṭikasaṃnibhaḥ

govindasya munirvyāso virāṭchandaśca daivatam /
govinda eva varṇastu vajrasaṃnibha ucyate

muniḥ sanatkumāraḥ syādviṣṇumantrasya devatā /
viṣṇureva virāṭchandaḥ padmarāgastu varṇakaḥ

madhusūdanavidyāyā munirdakṣastu daivatam /
madhusūdanastvanuṣṭhupchando varṇaḥ pravālakaḥ

trivikramasya māṇikyaṃ(?) saṃvarto munirucyate /
chandastu bṛhatī varṇaṃ(?) devatā tu trivikramaḥ

parāśaro vāmanasya muniḥ triṣṭubiti smṛtam /
chandastu vāmano devo muktābho varṇa ucyate

śrīdharasya muniḥ kaṇvaḥ chandastūṣṇigijhrtī?ṭaṣyate /
devatā śrīdharastajjñaiḥ varṇo vaiḍūryasaṃnibhaḥ

aṅgirāstu hṛṣīkeśe muniśca jagatī smṛtā /
chandaḥ kaukiśi(?)nīlābho hṛṣīkeśastu daivatam

padmanābhasya tu muniḥ vaiśampāyana ucyate /
chandaḥ triṣṭubiti jñeyaṃ varṇo rājatasaṃnibhaḥ

śukaśca brahmavidyāyā bṛhatī munirucyate /
chando brahmādhidaivaṃ tu varṇa indusamaprabhaḥ

dāmodarasya vidyāyā mārkaṇḍeyo munirbhavet /
anuṣṭup padmasaṃkāśo varṇo dāmodaro 'maraḥ

viśvarūpasya varṇastu cyavano ravisaṃnibhaḥ /
tisṛgāyatrika(?)cchando vāsudevo 'maro muniḥ

yajñamūrteḥ pulastyaḥ syāt tisraḥ cchando 'dhidaivatam /
pītavarṇastu vidyāyā muniḥ saṃkarṣaṇaḥ smṛtaḥ

aitareyo munirvedamūrteśchando virāṭ smṛtam /
śātakumbhanibho varṇaḥ pradyumno 'mara ucyate

pippalādo munirmudrāvidyāyāśchanda ucyate /
pratiṣṭhā agnivarṇaḥ syādaniruddho 'dhidaivatam

ṛṣirdakṣo virāṭchandaḥ kamalā devatā smṛtā /
varṇo dīpanibhaḥ padmavidyāyā munisattama

kaṇvastu puṣṭividyāyāḥ chando gāyatramiṣyate /
devatā puṣṭiruktā syāt munirvarṇaḥ sitaḥ smṛtaḥ

medhāmantrasya saṃvartamuniḥ triṣṭubudīritam /
chando medhādhidevaṃ tu śaṅkhavarṇa ihocyate

maitreyastu sarasvatyā vidyāyā jagatī smṛtā /
chandaḥ sarasvatī daivaṃ varṇo gokṣīrasaṃnibhaḥ

kāśyapastu muniśchandaḥ triṣṭub durgaiva daivatam /
varṇastu śyāmalaḥproktaḥ vighneśasya tataḥ śṛṇu

gāṇakastu muniśchandaḥ triṣṭub gaṇapatiḥ smṛtaḥ /
devatā dhavalo varṇaḥ vidyāyā gaṇapatestathā

āditaḥ(tyaḥ?)syādṛṣiḥ nīlo varṇaḥ gāyatramucyate /
sadāviṣṇustathā daivaṃ chandastu parameṣṭhinaḥ

puruṣasya muniḥ sūtaḥ śveto varṇaśca daivatam /
vāsudevastathā chando gāyatramiti kathyate

ravirmuniḥ syādviśvasya taruṇārkanibhastathā /
saṃkarṣaṇastathā daivaṃ uṣṇik chando nigadyate

nivṛtte rājato varṇaḥ pradyumno 'mara ucyate /
munistathānumān chando gāyatramiti paṭhyate

mārtaṇḍaḥ sarvavidyāyā muniḥ nā(nī?)radavarṇakaḥ /
uṣṇik chando 'niruddhaśca devatetyabhibhāṣyate

yeṣāmanuktamantre 'smin ṛṣyādi munisattama /
teṣāṃ sāmānyato vidyāt ṛṣirāditya eva ca

gāyatrameva chandaḥ syāt sadāviṣṇuśca daivatam /
bījānāṃ bījavarṇaṃ ca chando daivatameva ca

muniṃ cājānatārcāyāṃ sā (cet?) kṛtāpyakṛtā bhavet /
tasmāt krameṇa vijñāya vidyādīn sādhakottamaḥ

yathoktamarcayennityaṃ labdhavidyaḥ śucirmune /
anyathārcati yo mohādagha(-ddhana?)nāśaṃ kulakṣayam

kurute nṛpanāśaṃ ca nātra kāryā vicāraṇā /
ataḥkleśena vijñāya mantrādīnarcayedbudhaḥ

vidyānāmatiguhyānāṃ sarvavratavivṛddhaye /
ataḥparaṃ pravakṣyāmi sūktasya puruṣasya ca

anuṣṭubasya sūktasya triṣṭubantasya(?)devatā /
chando munyādi saṃkṣepācchṛṇu nārada sattama

puruṣo yo jagadbījaṃ ṛṣirnārāyaṇaḥ smṛtaḥ /
uktaṃ hi samudāyasya pratyṛcaṃ śṛṇu nārada

prathamasya munirvāsudevo uṣṇik chanda ucyate /
paramātmāmaro varṇaṃ śuklamityabhidhīyate

saṃkarṣaṇo muniśchando 'nuṣṭup devo 'sya matsyakaḥ /
dvitīyasya muniśreṣṭha varṇo dhūmra udāhṛtaḥ

tṛtīyo devīgāyatraṃ chando varṇaḥsmṛtoruṇaḥ /
pradyumna ṛṣirityāhuḥ devatā kūrma ucyate

atiruddhasturīyasya muniśchando virāḍiti /
devatāsya tu vārāho nīlo varṇa udāhṛtaḥ

pañcamasya muniśchandaḥ uṣṇik keśava ucyate /
devatā narasiṃhastu varṇo gokṣīrasaṃnibhaḥ

nārāyaṇo ṛṣiśchando nicṛtgāyatra ucyate /
devatā māna(-dha?)vo vidyāt ṣaṣṭhasyaiva tu dhūmrakaḥ

saptamasya munirvarṇaḥ mādhavo 'sya sitaḥsmṛtaḥ /
rāmaṃ taddaivataṃ vidyāt uṣṇik chanda udāhṛtaḥ

govindaścāṣṭamasyaiva ṛṣiśchandoṣṇigeva(?) ca /
daivaṃ dāśarathī rāmo varṇaḥ kālāgnisaṃnibhaḥ

navamasya munirviṣṇa1ḥ balarāmo 'sya daivatam /
gāyatrīchandaso(?)varṇaḥ gokṣīrākṛtirucyate

madhusūdano muniḥsyāddevīgāyatra ucyate /
daśamasyādhidaivaṃ tat (tu?) kalkiragninibho bhavet

trivikramo muniśchando virāḍagninibho bhavet /
daivataṃ viśvarūpo 'yaṃ ekāntaṃ daśamasya tu

dvādaśasya muniṃ vidyāt vāmanaṃ vahnisaṃnibham /
virāṭ chando 'maro yajñamūrtistu paripaṭhyate

trayodaśasyoṣṇik chandaḥ śrīdharo munireva ca /
vaikuṇṭho daivataṃ varṇaḥ taptahāṭakasaṃnibhaḥ

caturdaśasya gāyatrī devīpūrvāñjanākṛtiḥ /
hṛṣīkeśo munirdevo mahāviṣṇuriti smṛtaḥ

pañcottaradaśasyaiva padmanābho muniḥ smṛtaḥ /
vedamūrtyadhidaivaṃ tu uṣṇikchando sitaḥ smṛtaḥ

ṣoḍaśasya ṛṣiścaiva dāmodara iti smṛtaḥ /
hayagrīvo maharṣiśca chando 'gnirdevasaṃnibhaḥ (?)

evaṃ puruṣasūktasya ṛṣyādi parikīrtitam /
ṛcāṃ ṛṣiṃ ca varṇaṃ ca daivataṃ chanda eva ca

ajñānādarcayenmohāt sukṛto 'pyakṛto bhavet /
tasmātsarvaprayatnena ṛṣyādīn jñāpayet kramāt

atharvaṇasya sūktasya sṛṣṭyādipratipādakam /
nārāyaṇa ṛṣiśchando devīgāyatrameva ca

paramātmāmarovarṇaḥ śukla ityabhidhīyate /
yeṣāmanuktamantre 'smin ṛṣyādi munisattama

teṣāṃ sāmānyato vidyāt ṛṣirnārāyaṇaḥ smṛtaḥ /
gāyatrameva chandaḥ syāt paramātmādhidaivatam

pīto varṇa ṛcāṃ caivametadguhyaṃ mayoditam /
ṛcāmevamunaktānāṃ ṛṣyādi parikīrtitam