Vishnudharmottara Purana · Chapter 3.151.155

3.151
mārkaṇḍeya uvāca //
idamanyatpravakṣyāmi caturmūrtivrataṃ tava //
vāsudevāṃśakājjātāḥ sarve devagaṇā nṛpa

adhikena tadaṃśena sādhyā jātāstathāsurāḥ //
tatrāpi cādhikāṃśena caturātmā hariḥ smṛtaḥ

naro nārāyaṇaścaiva hayo haṃsaśca vīryavān //
hayo haririti khyāto haṃsaḥ kṛṣṇaśca kīrtitaḥ

caturātmā hari rjāto gṛhe dharmasya yādava //
ādityeṣu tathā yukto mitrāvaruṇasaṃjñakau

tāveva sādhyau jānīhi hariṃ kṛṣṇaṃ ca yādava //
ādityeṣu tu yā yuktau śakraviṣṇū surottamau

tāveva siddhasādhyeṣu naranārāyaṇau punaḥ //
caitraśuklacaturthyāṃ tu sopavāsastu pūjayet

deveśaṃ caturātmānaṃ vittaśaktyā narādhipa //
vratametannaraḥ kṛtvā pūrṇaṃ dvādaśavatsaram//
na durgatimavāpnoti mokṣopāyaṃ ca vindati

tataḥ samāsādya ca niṣkalatvaṃ pareṇa puṃsā ca samatvameti //
sarveśvaraścāpratimaprabhāvo vimuktaduḥkho bhuvanasya goptā

iti śrīviṣṇudharmottare tṛtīyakhaṇḍe mārkaṇḍeyavajrasaṃvāde caturmūrtivrate śrīviṣṇuvratavarṇano nāmaikapañcāśaduttaraśatatamo'dhyāyaḥ

samāptaṃ caturmūrtivratam //
3.152
mārkaṇḍeya uvāca //
ataḥ paraṃ pravakṣyāmi pañcamūrtestathārcanam //
pṛthivyāpastathā tejo vāyurākāśameva ca

vāsudevasya devasya kathitāḥ pañcamūrtayaḥ //
caitre tu pañcamīṃ śuklāṃ samāsādya vicakṣaṇaḥ

sopavāso hariṃ devaṃ pañcātmānaṃ samarcayet //
pañcamaṇḍalagāḥ kāryāḥ pañcabhirvaṇakaiḥ pṛthak

pārthivaṃ maṇḍalaṃ kāryaṃ śukla varṇaṃ mahīpate //
vāruṇaṃ ca tathā śvetaṃ raktamāgneyamiṣyate

tu. agnipurāṇam adhyāyaḥ ७४.१८
pītaṃ bhavati vāyavyaṃ kṛṣṇamākāśadaivatam //
samānavarṇairgaṃdhaistu puṣpaistānarcayetpṛthak

śaktyā ca dhūpadīpādyairyathālābhamarindama //
yavairvānyaistilaiścaiva sarṣapaiśca ghṛtena ca

pañcabhirjuhuyānmiśraiḥ sarveṣāṃ ca pṛthakpṛthak //
talliṅgairatha mantrairvā tvatha vā nṛpa nāmabhiḥ

ॐkārapūrvakairhutvā śaktyā viprām̐stu pūjayet //
evaṃ saṃvatsaraṃ kṛtvā pūrṇe saṃvatsare tataḥ

dattvā vipreṣu vastrāṇi devaraṅgasamāni ca //
mahābhūtavratamidaṃ yaḥ karotyatha pañcakam

pañcayajñamavāpnoti kramaśo ye'nukīrtitā. //
bahūnyabdasahasrāṇi svargaloke mahīyate

mānuṣyamāsādya bhavatyarogo balānvito vairigaṇāpahartā //
śrutena rūpeṇa guṇena yukto janābhirāmaḥ pramadā priyaśca

iti śrīviṣṇudharmottare tṛtīyakhaṇḍe mārkaṇḍeyavajrasaṃvāde pañcamūrtipañcamahābhūtavratavarṇano nāma dvipañcāśaduttaraśatatamo'dhyāyaḥ

3.153
mārkaṇḍeya uvāca //
idamanyatpravakṣyāmi pañcamūrtivrataṃ tava //
saṃvatsaraḥ smṛto vahnistathārkaḥ parivatsaraḥ

iḍāpūrvastathā soma anupūrvaḥ prajāpatiḥ //
tatpūrvaśca tathā prokto devadevo maheśvaraḥ

teṣāṃ maṇḍalavinyāsaiḥ prāgvadeva vidhīyate //
yāgaśca pūjanaṃ kāryaṃ homaḥ kāryastathāvidhaḥ

tilavrīhiyavaiścaiva ghṛtena sitasarṣapaiḥ //
talliṅgairatha vā mantrairnāmabhiḥ pratyahaṃ kramāt

naktāśanastathā tiṣṭhetprāgvaddivasapañcakam //
saṃvatsarākhye varṣe tu vratametatsamārabhet

vratāvasāne dātavyaṃ suvarṇaṃ pañca yādava //
caturvedavidāṃ deyaṃ śākhābhedena yādava

ekaikaṃ pañcamaṃ deyaṃ tathā kālavide bhavet //
aśvamedhaphalaṃ hyetadvrataṃ tava mayeritam

yatheṣṭaṃ lokamāpnoti kāmacārī vihaṅgamaḥ //
kṛtaṃ nānena dharmajña pūjyamānaḥ surāsuraiḥ/८//
mānuṣyamāsādya bhavatyarogo varṇena rūpeṇa balena yuktaḥ //
nṛpaḥ pratāpānataśatrusaṃgho devottamo vā bahuyajñayājī

iti śrīviṣṇudharmottare tṛtīyakhaṇḍe mārkaṇḍeyavajrasaṃvāde pañcavratavidhau saṃvatsarapūjāyāmaśvamedhaphalavarṇano nāma triṣpañcāśaduttaraikaśatatamo'dhyāyaḥ

3.154
mārkaṇḍeya uvāca //
athātaḥ saṃpravakṣyāmi śrīvrataṃ nāma te vratam //
caitraśuklatṛtīyāyāṃ snānamabhyaṅgapūrvakam

kṛtvā śuklāmbaro rājañśuklamālyānulepanaḥ //
tiṣṭhed ghṛtaudanāhāro bhūmau svapyācca tāṃ niśām

caturthyāṃ ca tathā snānaṃ bahirgatvā samācareta//
padminyāṃ ca viśeṣeṇa tataḥ śuklāmbaraḥ śuciḥ

lakṣmīṃ sampūjayetpadme kṛtake'kṛtake'pi vā //
śuklena gandhamālyena ghṛtadīpena cā pyatha

dadhnā ca paramānnena ārdrakeṇa guḍena ca //
ikṣuṇekṣuvikāraiśca lavaṇena ca bhūriṇā

svaśaktyā ca mahārāja bhūyasā balika rmaṇā //
śrīsūktena tato vahnau padmāni juhuyācchuciḥ

tadalābhe ca bilvāni tadalābhe tathā ghṛtam//
brāhmaṇāngorasaprāyaṃ ghṛtaṃ bhūyiṣṭhamāśayet/

suvarṇamāṣakaṃ dadyādbrāhmaṇebhyaśca dakṣiṇām //
anāhārastataḥ svapyācchucau deśe yathāvidhi

tatastu pañcamīṃ prāpya pūrvāhṇe padminī jale //
snātvā sampūjanaṃ kuryātprāgvadeva tathā priyaḥ

bhūya eva dvije dadyātpūrvaṃ kanakamāṣakam //
padmākṣamatha vā bilvaṃ prāśnīyāttadanantaram/

tato haviṣyamaśnīyādvāgyato mānavottamaḥ //
saṃvatsaramidaṃ bilvaṃ prāśnīyāttadanantaram //
saṃvatsaramidaṃ kṛtvā vrataṃ pārthivasattama

phalamāpnoti vipulaṃ rājasūyāśvamedhayoḥ //
vinā kanakadānena vratametatsamācaret

vratānte māṣakaṃ dadyādvahniṣṭomaphalaṃ labhet //
sampūjya sopavāsastu śuklapakṣasya pañcamīm

nityameva śriyaṃ devīṃ śriyamāpnotyanuttamām //
balamuttamamāpnoti rūpamārogyameva ca

/
jagatpradhānā varadā vareṇyā vibhāvarī sarvagatā narendra //
śraddhānvitaḥ pūjayatīha yastu kāmānavāpnoti sa sarvakālam

iti śrīviṣṇudharmottare tṛtīyakhaṇḍe mārkaṇḍeyavajrasaṃvāde pañcamūrtividhau lakṣmīvratavarṇano nāma catuṣpañcāśaduttaraśatatamo'dhyāyu

3.155
mārkaṇḍeya uvāca //
athāparaṃ pravakṣyāmi pañcamūrtivrataṃ tava //
śaṅkhaṃ cakraṃ gadāṃ padmaṃ pṛthivīṃ ca mahābhuja

gandhairmaṇḍalakānkṛtvā pañcapañcasu pūjayet //
caitraśuklāntamārabhya pañcamīprabhṛtīrnṛpa

sopavāso bahiḥ snātastathā śuklāmbaraḥ śuciḥ //
gandhamālyanamaskāradhūpadīpānnasaṃpadā

/
sarveṣāṃ pūjanaṃ kṛtvā juhuyājjātavedasi //
sarveṣāmeva devānāṃ nāmabhistu tathā ghṛtam

brāhmaṇānbhojayeccātra tadā madhurabhojanam ///
saṃvatsaramidaṃ kṛtvā vratānte vastra pañcakam

aśvamedhamavāpnoti pañcarātravide dadat //
pañcavarṇaṃ ca rājendra rājasūyaphalaṃ labhet

mānuṣyamāsādya bhavatyarogo balānvito dharmaparo vinītaḥ //
dhanena rūpeṇa sukhena yukto rājādhirājo'pyatha vā narendraḥ

iti śrīviṣṇudharmottare tṛtīyakhaṇḍe mārkaṇḍeyavajrasaṃvāde pañcamūrtivrate āyudhādivratanirūpaṇo nāma pañcapañcāśaduttaraśatatamo'dhyāyaḥ