Scripture Library

Vishnudharmottara Purana · Chapter 1.89

1.89.1

mārkaṇḍeya uvāca //
śakṛnmūtraṃ tu saṃgṛhya śvetasya vṛṣabhasya ca //
śvetagoḥ payasā sārdhaṃ snātavyaṃ kuśavāriṇā

1.89.2

janmanakṣatrapīḍāyāṃ tasmāddoṣā dvimucyate //
śirīṣacandanāśvatthatāṭanāgāmbubhirnaraḥ

1.89.3

snānaścenmānase tapte tasmāddoṣo vimucyate //
siddhārthakānpriyaṅguṃ ca śatapuṣpāṃ śatāvarīm

1.89.4

snātavyamambhasi kṣiptvā karmarkṣe nṛpa pīḍite //
priyaṅgubilvasiddhārthayavāśvatthasurāhvayān

1.89.5

/
candanodakasaṃyukte snāne sāṃghātike hate //
sarvagandhodakaiḥ snānaṃ tathā siddhārthakaiḥ śubhaiḥ

1.89.6

pīḍite sāmudāyarkṣe puṃsāṃ kalmaṣanāśanam //
vṛṣaśṛṅgoddhṛtamṛdā tathā bilvodakaiśśubhaiḥ

1.89.7

śatapuṣpāsasomāhvaiḥ snānaṃ vaināśike bhavet //
pīḍite cābhiṣekarkṣe sarvaratnodakaistathā

1.89.8

/
pīḍite deśanakṣatre mṛdbhissnānaṃ vidhīyate //
mṛttikāśca pravakṣyāmi gadataḥ śṛṇu me nṛpa

1.89.9

nadīkūladvayānmadhyātsaṃgamātsarasastaṭāt //
aśva sthānādgajasthānādgosthānādgirimastakāt

1.89.1.89.10

sarpasthānātsavalmīkādrājasthānādvarālayāt //
gajaśṛṅgoddhṛtāṃ caiva vṛṣaśṛṅgoddhṛtāṃ tathā

1.89.11

/
sarvabījodakasnāto jātinakṣatrapīḍane //
mucyate kilbiṣādrājannātra kāryā vicāraṇā

1.89.12

idamāpaḥ pravahataḥ snānamantrāḥ prakīrtitāḥ

1.89.13

)
snātastathaivaṃ nṛpacandra paścātsnānaṃ prakurvīta grahopadiṣṭam //
pīḍākarasyātha tatastu kāryaṃ nakṣatrayāgābhihitaṃ yathāvat

1.89.89

pūjā grahendrasya narendracandra pīḍākarasyātha tatastu kāryā //
taṃ pūjayeccāpyatha candrayuktaṃ tataḥ sa doṣānsakalāñjahāti / / १४ //
iti śrīviṣṇudharmottare prathamakhaṇḍe mā ० saṃ० nakṣatrasnānaṃ nāmaikonanavatitamo'dhyāyaḥ

Original text: viṣṇudharmottarapurāṇam · Sanskrit Wikisource contributors · Sanskrit Wikisource · CC BY-SA 4.0