વિષ્ણુધર્મોત્તરપુરાણમ્ · અધ્યાય 1.89

માર્કણ્ડેય ઉવાચ ॥
શકૃન્મૂત્રં તુ સંગૃહ્ય શ્વેતસ્ય વૃષભસ્ય ચ ॥
શ્વેતગોઃ પયસા સાર્ધં સ્નાતવ્યં કુશવારિણા

જન્મનક્ષત્રપીડાયાં તસ્માદ્દોષા દ્વિમુચ્યતે ॥
શિરીષચન્દનાશ્વત્થતાટનાગામ્બુભિર્નરઃ

સ્નાનશ્ચેન્માનસે તપ્તે તસ્માદ્દોષો વિમુચ્યતે ॥
સિદ્ધાર્થકાન્પ્રિયઙ્ગું ચ શતપુષ્પાં શતાવરીમ્

સ્નાતવ્યમમ્ભસિ ક્ષિપ્ત્વા કર્મર્ક્ષે નૃપ પીડિતે ॥
પ્રિયઙ્ગુબિલ્વસિદ્ધાર્થયવાશ્વત્થસુરાહ્વયાન્

।
ચન્દનોદકસંયુક્તે સ્નાને સાંઘાતિકે હતે ॥
સર્વગન્ધોદકૈઃ સ્નાનં તથા સિદ્ધાર્થકૈઃ શુભૈઃ

પીડિતે સામુદાયર્ક્ષે પુંસાં કલ્મષનાશનમ્ ॥
વૃષશૃઙ્ગોદ્ધૃતમૃદા તથા બિલ્વોદકૈશ્શુભૈઃ

શતપુષ્પાસસોમાહ્વૈઃ સ્નાનં વૈનાશિકે ભવેત્ ॥
પીડિતે ચાભિષેકર્ક્ષે સર્વરત્નોદકૈસ્તથા

।
પીડિતે દેશનક્ષત્રે મૃદ્ભિસ્સ્નાનં વિધીયતે ॥
મૃત્તિકાશ્ચ પ્રવક્ષ્યામિ ગદતઃ શૃણુ મે નૃપ

નદીકૂલદ્વયાન્મધ્યાત્સંગમાત્સરસસ્તટાત્ ॥
અશ્વ સ્થાનાદ્ગજસ્થાનાદ્ગોસ્થાનાદ્ગિરિમસ્તકાત્

સર્પસ્થાનાત્સવલ્મીકાદ્રાજસ્થાનાદ્વરાલયાત્ ॥
ગજશૃઙ્ગોદ્ધૃતાં ચૈવ વૃષશૃઙ્ગોદ્ધૃતાં તથા

।
સર્વબીજોદકસ્નાતો જાતિનક્ષત્રપીડને ॥
મુચ્યતે કિલ્બિષાદ્રાજન્નાત્ર કાર્યા વિચારણા

ઇદમાપઃ પ્રવહતઃ સ્નાનમન્ત્રાઃ પ્રકીર્તિતાઃ

)
સ્નાતસ્તથૈવં નૃપચન્દ્ર પશ્ચાત્સ્નાનં પ્રકુર્વીત ગ્રહોપદિષ્ટમ્ ॥
પીડાકરસ્યાથ તતસ્તુ કાર્યં નક્ષત્રયાગાભિહિતં યથાવત્

પૂજા ગ્રહેન્દ્રસ્ય નરેન્દ્રચન્દ્ર પીડાકરસ્યાથ તતસ્તુ કાર્યા ॥
તં પૂજયેચ્ચાપ્યથ ચન્દ્રયુક્તં તતઃ સ દોષાન્સકલાઞ્જહાતિ । । ૧૪ ॥
ઇતિ શ્રીવિષ્ણુધર્મોત્તરે પ્રથમખણ્ડે મા ૦ સં૦ નક્ષત્રસ્નાનં નામૈકોનનવતિતમોઽધ્યાયઃ