Vishnudharmottara Purana · Chapter 1.84

mārkaṇḍeya uvāca //
lagnāni dvādaśoktāni dinarātreṇa nityaśaḥ //
yatrādityaḥ sthito rāśau tadādyāni narādhipa

meṣo vṛṣotha mithunaḥ kulīrassiṃha eva ca //
kanyā tulā tathā kīṭo dhanvī makara eva ca

kumbho mīnaśca rājendra lagnā dvādaśa kīrttitāḥ //
kujaśśukro budhaścandraḥ sūryaścāndrissitastathā

bhaumo jīvaśca sauraśca śanirjīvistathaiva ca //
meṣādīnāṃ krameṇoktāḥ prabhāvaḥ pṛthivīpate

lagrasyārdhaṃ smṛtā horā tayorviṣamarāśiṣu //
ādityacandrau candrārkāvīśvarau samarāśiṣu

lagnatribhāgo dreṣkāṇaḥ kramātteṣāṃ tatheśvarāḥ //
lagneśaḥ paṃcameśaśca navameśastathaiva ca

meṣādyāḥ kathitā nityaṃ meṣasiṃhadhanurdharāḥ //
makarādyāstathā proktā vṛṣakanyāmṛgāstathā

tulādyā mithunastaulī kumbhaśca vasudhādhipa //
kulīrādyāḥ kulīraśca kīṭo mīnastathaiva ca

ādyuktarāśiprabhṛti gaṇanīyā navāṃśakāḥ//
rāśīnāṃ tu yathoktānāṃ kramānnava naveśvarāḥ

svarāśitastathārabhya krameṇaiva naveśvarāḥ //
rāśīśvareśvarāḥ proktā rāśīnāṃ dvādaśāṃśakāḥ

paṃca bhaumasya saurasya paṃca triṃśāṃśakā matāḥ //
jīvasyāṣṭau vinirdiṣṭāḥ sapta proktā budhasya tu

śukrasyoktāstathā pañca rāśau viṣama saṃjñake //
ādyāstu pañca śukrasya tatassapta budhasya ca

jīvasyāṣṭau tathā proktāḥ pañca saurasya cāpyatha //
kujasya tu tathā pañca rāśau tu samasaṃkhyake

lagnaṃ ca horā ca tathā drikāṇaṃ navāṃśakaṃ dvādaśabhāgasaṃjñam //
triṃśāṃśakaṃ cāpyatha ṣaṣṭhamatra ṣaḍbhedamāhurmunayaśca lagnam

iti śrīviṣṇudharmottare prathamakhaṇḍe mā० sa० ṣaḍ lagnavarṇano nāma caturaśītitamo'dhyāyaḥ