Vishnudharmottara Purana · Chapter 1.46

mārkaṇḍeya uvāca //
vyaspandatā'tha sālvasya rājanbāhuradakṣiṇaḥ //
hadayañca tathā pṛṣṭhaṃ nayanañcāpya dakṣiṇam

śūnyacittaśca vimanāḥ kampate ca muhurmuhuḥ /
papāta nāyakaścā'pi kirīṭāttārakaprabhaḥ

ākramanti gajāḥ pādaṃ tathā vāmena dakṣiṇam //
kareṇa veṣṭayanti sma tathā dantamadakṣiṇam //
madaṃ tyajanti ye mattāsturagāśca muhurmuhuḥ

saṃspṛśanti tathā vāmaṃ pārśvaṃ prothena vāmunā//
vṛkāḥ śṛgālāḥ śārdūlā viḍālā gardabhāḥ śaśāḥ

vāmībhūtvā dānavānāṃ yānti dakṣiṇatastataḥ //
eṇā varāhāḥ pṛṣato yānti teṣāñca vāmataḥ

dīptāyāṃ diśi vāśanti mṛgāsteṣāmapasvanam //
tailapaṅkaguḍāṅgāracarmakeśatṛṇāni ca/६//
dānavānāṃ prayātānāṃ saṃbhavantyagratastathā //
evaṃvidhā durnimittā jātāḥ sālvasya paśyataḥ

matiḥ suniścitaivā''sīnmaraṇaṃ prati yādava //
sa yayau saha sainyena mahatā caturaṅgiṇā///
kailāsaparvataṃ yoddhuṃ mahādevena śūlinā

yuddhotsuke daityapatau prayāte vyadṛśyatāgrecaracaṇḍavegaḥ //
rāmaḥ pravālāruṇakomalena dīptapratāpena virājamānaḥ

iti śrīviṣṇudharmottare prathamakhaṇḍe mārkaṇḍeyavajrasaṃvāde sālvasenādurnimittadarśanaṃ nāma ṣaṭcatvāriṃśattamo'dhyāyaḥ