વિષ્ણુધર્મોત્તરપુરાણમ્ · અધ્યાય 1.46

માર્કણ્ડેય ઉવાચ ॥
વ્યસ્પન્દતાઽથ સાલ્વસ્ય રાજન્બાહુરદક્ષિણઃ ॥
હદયઞ્ચ તથા પૃષ્ઠં નયનઞ્ચાપ્ય દક્ષિણમ્

શૂન્યચિત્તશ્ચ વિમનાઃ કમ્પતે ચ મુહુર્મુહુઃ ।
પપાત નાયકશ્ચાઽપિ કિરીટાત્તારકપ્રભઃ

આક્રમન્તિ ગજાઃ પાદં તથા વામેન દક્ષિણમ્ ॥
કરેણ વેષ્ટયન્તિ સ્મ તથા દન્તમદક્ષિણમ્ ॥
મદં ત્યજન્તિ યે મત્તાસ્તુરગાશ્ચ મુહુર્મુહુઃ

સંસ્પૃશન્તિ તથા વામં પાર્શ્વં પ્રોથેન વામુના॥
વૃકાઃ શૃગાલાઃ શાર્દૂલા વિડાલા ગર્દભાઃ શશાઃ

વામીભૂત્વા દાનવાનાં યાન્તિ દક્ષિણતસ્તતઃ ॥
એણા વરાહાઃ પૃષતો યાન્તિ તેષાઞ્ચ વામતઃ

દીપ્તાયાં દિશિ વાશન્તિ મૃગાસ્તેષામપસ્વનમ્ ॥
તૈલપઙ્કગુડાઙ્ગારચર્મકેશતૃણાનિ ચ।૬॥
દાનવાનાં પ્રયાતાનાં સંભવન્ત્યગ્રતસ્તથા ॥
એવંવિધા દુર્નિમિત્તા જાતાઃ સાલ્વસ્ય પશ્યતઃ

મતિઃ સુનિશ્ચિતૈવાઽઽસીન્મરણં પ્રતિ યાદવ ॥
સ યયૌ સહ સૈન્યેન મહતા ચતુરઙ્ગિણા॥।
કૈલાસપર્વતં યોદ્ધું મહાદેવેન શૂલિના

યુદ્ધોત્સુકે દૈત્યપતૌ પ્રયાતે વ્યદૃશ્યતાગ્રેચરચણ્ડવેગઃ ॥
રામઃ પ્રવાલારુણકોમલેન દીપ્તપ્રતાપેન વિરાજમાનઃ

ઇતિ શ્રીવિષ્ણુધર્મોત્તરે પ્રથમખણ્ડે માર્કણ્ડેયવજ્રસંવાદે સાલ્વસેનાદુર્નિમિત્તદર્શનં નામ ષટ્ચત્વારિંશત્તમોઽધ્યાયઃ