Vishnudharmottara Purana · Chapter 1.122

vajra uvāca//
hiraṇyakaśipoḥ putro kālanemirmahāsuraḥ//
kathaṃ kṛṣṇena nihatastanmamācakṣva pṛcchataḥ

mārkaṇḍeya uvāca//
yadā daityavadhe vṛtte daityāḥ pātālamāśritāḥ//
mayatārau samāśritya bhūyo devānpradudruvuḥ

tatra devagaṇāḥ sarve mayatārapuraḥsaraiḥ //
dānavairnihatā yuddhe devācāryaṃ bṛhaspatim

saṃprāptāḥ śaraṇaṃ vipraṃ tānuvāca bṛhaspatiḥ //
tārakaśca mayaścaiva mahābalaparākramau

yayurjetuṃ devagaṇām̐stāvimau codayāmyaham //
evamuktvā devagaṇāndevācāryo bṛhaspatiḥ //
tuṣṭāva devadeveśaṃ bahurūpaṃ hutāśanam

bṛhaspatiruvāca //
tvamagne sarvabhūtānāmantaścarasi pāvaka //
vedāstvadarthaṃ jātāśca jātavedāstathā hyasi

tvaṃ yajñastvaṃ vaṣaṭkārastvaṃ havīṃṣi mahādyute //
tvaṃ sa deva carasyātmā viṣṇoramitatejasaḥ

tvaṃ mukhaṃ sarvadevānāṃ sarvasyātmā tathā bhavān //
ūṣmā tvaṃ dehināṃ dehe bhuktapītavatastathā

yacchaktiḥ sarvadevānāṃ tvadīyā bhūtabhāvana//
prāptā tvayāhutiḥ samyagāditya mupatiṣṭhate

ādityājjāyate vṛṣṭirvṛṣṭerannaṃ tataḥ prajāḥ //
sarvadevavareśānaḥ sarvalokanamaskṛtaḥ

trailokyasya samutpattāvekaḥ kāraṇatāṃ gataḥ //
kālāgnirudro bhagavāñjagatsaṃhārakārakaḥ

sthitau nimittaṃ ca bhavānsarveṣāṃ dehināṃ śamaḥ//
atīva durdharaṃ deva tava tejaḥ sudāruṇam

/
tejasā tena daityendrāñjahi mā tvaṃ ciraṃ kṛthā //
sakhā ca te raṇe deva bhaviṣyati samīraṇaḥ

ityevamuktoṅgirasā mahātmā tatheti taṃ prāha nṛpendra pūjyam //
jīvo'pi gatvā pavanaṃ jagāda deveśvarasyānaghasiddhimicchan

iti śrīviṣṇudharmottare prathamakhaṇḍe mārkaṇḍeyavajrasaṃvāde'gnistotraṃ nāma dvāviṃśatyadhikaśatatamo'dhyāyaḥ