Vishnudharmottara Purana · Chapter 1.120

// mārkaṇḍeya uvāca // //
ataḥ paraṃ kaśyapasya śṛṇu vaṃśaṃ narādhipa //
yatra prāyeṇa saṃbhūtaṃ jagatsthāvarajaṅgamam

aditerdvādaśādityā devaputrāḥ prakīrtitāḥ //
dhātā putro'ryamā pūṣā śakroṃ'śo varuṇo bhagaḥ

tvaṣṭā vivasvānvaruṇo viṣṇurdvādaśamastathā //
viṣṇoraṃśena saṃbhūtāḥ sādhyā devagaṇā nṛpa

ta eva tejaso'rdhena jātāścaivāditeḥ sutāḥ //
naranārāyaṇau cobhau yau te rājanmayeritau

indrāviṣṇū tathaivoktā vādityeṣu narādhipa //
manorantaramāsādya sarvatraiva janārdanaḥ

aṃśenaikena bhavati sagaṇaḥ somapāyinām //
tasmingaṇe devavaro viṣṇurloka namaskṛtaḥ

tejasā'bhyadhiko naiko bhavatīti na saṃśayaḥ //
yasteṣāmārtiśamanaṃ karoti vasudhādhipa

karmāṇyatīteṣu tathāntareṣu vakṣye bhaviṣyeṣu tathā narendra //
manvantarāṇāṃ parikīrtaneṣu śṛṇuṣva tāvadditivaṃśamugram

iti śrīviṣṇudharmottare prathamakhaṇḍe mārka ṇḍeyavajrasaṃvāde ādityotpattirnāma viṃśatyadhikaśatatamo'dhyāyaḥ