વિષ્ણુધર્મોત્તરપુરાણમ્ · અધ્યાય 1.120

॥ માર્કણ્ડેય ઉવાચ ॥ ॥
અતઃ પરં કશ્યપસ્ય શૃણુ વંશં નરાધિપ ॥
યત્ર પ્રાયેણ સંભૂતં જગત્સ્થાવરજઙ્ગમમ્

અદિતેર્દ્વાદશાદિત્યા દેવપુત્રાઃ પ્રકીર્તિતાઃ ॥
ધાતા પુત્રોઽર્યમા પૂષા શક્રોંઽશો વરુણો ભગઃ

ત્વષ્ટા વિવસ્વાન્વરુણો વિષ્ણુર્દ્વાદશમસ્તથા ॥
વિષ્ણોરંશેન સંભૂતાઃ સાધ્યા દેવગણા નૃપ

ત એવ તેજસોઽર્ધેન જાતાશ્ચૈવાદિતેઃ સુતાઃ ॥
નરનારાયણૌ ચોભૌ યૌ તે રાજન્મયેરિતૌ

ઇન્દ્રાવિષ્ણૂ તથૈવોક્તા વાદિત્યેષુ નરાધિપ ॥
મનોરન્તરમાસાદ્ય સર્વત્રૈવ જનાર્દનઃ

અંશેનૈકેન ભવતિ સગણઃ સોમપાયિનામ્ ॥
તસ્મિન્ગણે દેવવરો વિષ્ણુર્લોક નમસ્કૃતઃ

તેજસાઽભ્યધિકો નૈકો ભવતીતિ ન સંશયઃ ॥
યસ્તેષામાર્તિશમનં કરોતિ વસુધાધિપ

કર્માણ્યતીતેષુ તથાન્તરેષુ વક્ષ્યે ભવિષ્યેષુ તથા નરેન્દ્ર ॥
મન્વન્તરાણાં પરિકીર્તનેષુ શૃણુષ્વ તાવદ્દિતિવંશમુગ્રમ્

ઇતિ શ્રીવિષ્ણુધર્મોત્તરે પ્રથમખણ્ડે માર્ક ણ્ડેયવજ્રસંવાદે આદિત્યોત્પત્તિર્નામ વિંશત્યધિકશતતમોઽધ્યાયઃ