Vishnudharmottara Purana · Chapter 1.115

mārkaṇḍeya uvāca //
marīceḥ kaśyapaḥ putraḥ kaśyapasya tathā kule //
gotrakārānṛṣīnvakṣye teṣāṃ nāmāni me śṛṇu

āgrāyaṇā jhaṣagaṇā meṣakaurīṭikāyanāḥ //
guruvrajī māṭharaśca gojāviratha lakṣmaṇaḥ

śālāhaleyāḥ korijyāścaukanyāścāsurāyaṇāḥ //
mandānyāvai mṛgayano śrotaso bhausatāyanāḥ

devayātā gopayātā athocchāyatayaśca ye //
tākayānāścitrahayā abhiryogā gadāyanāḥ

kātuvandirmahācakrirdākṣapāṇaya eva ca //
grīvāyaṇā harkirayo hāstidāsāstathaiva ca

vātsyā vālinyakṛtahā hāstalāyanisastathā //
āgrāyaṇaḥ pelumūlī rāśvatātāya nastathā

kauśītakāśca pākāntā agniśarmāyaṇāśca ye //
maiṣayaḥ kaivameyāśca tathā caiva subabhravaḥ

prācīthayo jñānagayā āgrāvamatha eva tu //
śyāmocarā naimiṣayaḥ tatsthā ye śādvalāyanāḥ

kāṣṭahāyananāmārīcā ḍaujihāyanahāstikāḥ//
vaikarṇeyāḥ kāśyapāśca śāmiśā hāritāyanāḥ

mātaṃgino babhrasavaḥ tryārṣeyāḥ parikīrtitāḥ //
vatsaraḥ kaśyapaścaiva nidhruvaśca mahātapāḥ

parasparamavaivāhyāḥ ṛṣayaḥ purikīrtritāḥ //
raihāśca sāṃkhyamitrāśca yārṣeyāḥ parikīrtitāḥ

vatsāraḥ kaśyapaścaiva raihāścaiva mahātapāḥ //
parasparamavaivāhyau gotrau dvau parikīrtitau

ataḥ paraṃ pravakṣyāmi hyāmuṣyāyaṇagotrajān //
ānuṣṭubho bhāktarayaḥ svātayo rājavallayaḥ

śaireśiro devahiśca sairandhī raupasīvakiḥ //
sāluliḥ kāṭuviṅgākṣiḥ śataśaṃbhistathaiva ca

divā vasiṣṭhā ityete naktaṃ jñeyāśca kāśyapāḥ //
tryārṣeyāśca tathā teṣāṃ sarveṣāṃ pravarāḥ śubhāḥ

vatsāraḥ kaśyapaścaiva vasiṣṭhaśca mahātapāḥ //
parasparamavaivāhyā ṛṣayaḥ parikīrtitāḥ

sā mātā baliputraśca bhaupyalo'tha jalatvaraḥ //
muñjāmayūraḥ paryaśca so'ṣṭamo gardabhīmukhaḥ

hiraṇyabāhuḥ kairātaḥ ubhau kāśyapagobhilau //
āhalo vṛṣakaṇḍaśca sṛketuśca tathottaraḥ

udakebhastṛṇo vatsyo mahākeralayaśca ye //
śāḍīlavaiśānavasau drāvolevalayātavaḥ

paippalādiḥ pūrvavarirvīravitthā varīnikaḥ//
tryārṣeyopi mataścaiṣāṃ sarveṣāṃ pravaraḥ śubha

asito devalaścaiva kaśyapaśca mahātapāḥ //
parasparamavaivāhyā ṛṣayaḥ parikīrtitāḥ

ṛṣipradhānasya tu kaśyapasya dākṣāyaṇābhyaḥ sakalaṃ prasūtam //
jagatsamagraṃ yadusiṃhamukhya tatte ca vakṣyāmyahamuttaratra

iti śrīviṣṇudharmottare prathamakhaṇḍe mārkaṇḍeyavajrasaṃvāde kaśyapavaṃśānukīrtanaṃ nāma pañcadaśādhikaśatatamo'dhyāyaḥ