વિષ્ણુધર્મોત્તરપુરાણમ્ · અધ્યાય 1.115

માર્કણ્ડેય ઉવાચ ॥
મરીચેઃ કશ્યપઃ પુત્રઃ કશ્યપસ્ય તથા કુલે ॥
ગોત્રકારાનૃષીન્વક્ષ્યે તેષાં નામાનિ મે શૃણુ

આગ્રાયણા ઝષગણા મેષકૌરીટિકાયનાઃ ॥
ગુરુવ્રજી માઠરશ્ચ ગોજાવિરથ લક્ષ્મણઃ

શાલાહલેયાઃ કોરિજ્યાશ્ચૌકન્યાશ્ચાસુરાયણાઃ ॥
મન્દાન્યાવૈ મૃગયનો શ્રોતસો ભૌસતાયનાઃ

દેવયાતા ગોપયાતા અથોચ્છાયતયશ્ચ યે ॥
તાકયાનાશ્ચિત્રહયા અભિર્યોગા ગદાયનાઃ

કાતુવન્દિર્મહાચક્રિર્દાક્ષપાણય એવ ચ ॥
ગ્રીવાયણા હર્કિરયો હાસ્તિદાસાસ્તથૈવ ચ

વાત્સ્યા વાલિન્યકૃતહા હાસ્તલાયનિસસ્તથા ॥
આગ્રાયણઃ પેલુમૂલી રાશ્વતાતાય નસ્તથા

કૌશીતકાશ્ચ પાકાન્તા અગ્નિશર્માયણાશ્ચ યે ॥
મૈષયઃ કૈવમેયાશ્ચ તથા ચૈવ સુબભ્રવઃ

પ્રાચીથયો જ્ઞાનગયા આગ્રાવમથ એવ તુ ॥
શ્યામોચરા નૈમિષયઃ તત્સ્થા યે શાદ્વલાયનાઃ

કાષ્ટહાયનનામારીચા ડૌજિહાયનહાસ્તિકાઃ॥
વૈકર્ણેયાઃ કાશ્યપાશ્ચ શામિશા હારિતાયનાઃ

માતંગિનો બભ્રસવઃ ત્ર્યાર્ષેયાઃ પરિકીર્તિતાઃ ॥
વત્સરઃ કશ્યપશ્ચૈવ નિધ્રુવશ્ચ મહાતપાઃ

પરસ્પરમવૈવાહ્યાઃ ઋષયઃ પુરિકીર્ત્રિતાઃ ॥
રૈહાશ્ચ સાંખ્યમિત્રાશ્ચ યાર્ષેયાઃ પરિકીર્તિતાઃ

વત્સારઃ કશ્યપશ્ચૈવ રૈહાશ્ચૈવ મહાતપાઃ ॥
પરસ્પરમવૈવાહ્યૌ ગોત્રૌ દ્વૌ પરિકીર્તિતૌ

અતઃ પરં પ્રવક્ષ્યામિ હ્યામુષ્યાયણગોત્રજાન્ ॥
આનુષ્ટુભો ભાક્તરયઃ સ્વાતયો રાજવલ્લયઃ

શૈરેશિરો દેવહિશ્ચ સૈરન્ધી રૌપસીવકિઃ ॥
સાલુલિઃ કાટુવિઙ્ગાક્ષિઃ શતશંભિસ્તથૈવ ચ

દિવા વસિષ્ઠા ઇત્યેતે નક્તં જ્ઞેયાશ્ચ કાશ્યપાઃ ॥
ત્ર્યાર્ષેયાશ્ચ તથા તેષાં સર્વેષાં પ્રવરાઃ શુભાઃ

વત્સારઃ કશ્યપશ્ચૈવ વસિષ્ઠશ્ચ મહાતપાઃ ॥
પરસ્પરમવૈવાહ્યા ઋષયઃ પરિકીર્તિતાઃ

સા માતા બલિપુત્રશ્ચ ભૌપ્યલોઽથ જલત્વરઃ ॥
મુઞ્જામયૂરઃ પર્યશ્ચ સોઽષ્ટમો ગર્દભીમુખઃ

હિરણ્યબાહુઃ કૈરાતઃ ઉભૌ કાશ્યપગોભિલૌ ॥
આહલો વૃષકણ્ડશ્ચ સૃકેતુશ્ચ તથોત્તરઃ

ઉદકેભસ્તૃણો વત્સ્યો મહાકેરલયશ્ચ યે ॥
શાડીલવૈશાનવસૌ દ્રાવોલેવલયાતવઃ

પૈપ્પલાદિઃ પૂર્વવરિર્વીરવિત્થા વરીનિકઃ॥
ત્ર્યાર્ષેયોપિ મતશ્ચૈષાં સર્વેષાં પ્રવરઃ શુભ

અસિતો દેવલશ્ચૈવ કશ્યપશ્ચ મહાતપાઃ ॥
પરસ્પરમવૈવાહ્યા ઋષયઃ પરિકીર્તિતાઃ

ઋષિપ્રધાનસ્ય તુ કશ્યપસ્ય દાક્ષાયણાભ્યઃ સકલં પ્રસૂતમ્ ॥
જગત્સમગ્રં યદુસિંહમુખ્ય તત્તે ચ વક્ષ્યામ્યહમુત્તરત્ર

ઇતિ શ્રીવિષ્ણુધર્મોત્તરે પ્રથમખણ્ડે માર્કણ્ડેયવજ્રસંવાદે કશ્યપવંશાનુકીર્તનં નામ પઞ્ચદશાધિકશતતમોઽધ્યાયઃ