Vishnudharmottara Purana · Chapter 1.114

mārkaṇḍeya uvāca //
atrerevāparaṃ vaṃśaṃ tava vakṣyāmi pārthiva //
atreḥ somaḥ sutaḥ śrīmāṃstasya vaṃśodbhavo nṛpaḥ

viśvāmitrastu tapasā brāhmaṇyaṃ samavāptavān //
tasya vaṃśamahaṃ vakṣye tanme nigadataḥ śṛṇu

viśvāmitro devarātastathā cekitigālavau //
vataṇḍaśca śalaṅgaśca tathā cāśvāta tāyanaḥ

śyāmāyano yājñavalkyo jābāliḥ saindhanāyanaḥ //
dābhravyāśca kārīṣī ca sauśrutyā atha sauśrutāḥ

aulūṣā aupagavayaḥ pāṇyodarayamāñcayaḥ //
kharabādhā vahalayaḥ pāṇatambaḥ sakauśikāḥ

tryārṣeyāḥ pravarāsteṣāṃ sarveṣāṃ parikīrtitāḥ //
viśvāmitro devarātaḥ uddālaśca mahāyakṣāḥ

parasparamavaivāhyā ṛṣayaḥ parikīrtitāḥ //
mārgamitrāstathādyāśca mādhucchandasa eva ca

tryārṣeyāḥ pravarāstvete ṛṣayaḥ parikīrtitāḥ //
viśvāmitrastathā jyeṣṭho madhucchandāstathaiva ca

parasparamavaivāhyā ṛṣayaḥ parikīrtitāḥ //
dhanañjayaḥ kapardeyaḥ parikuṣṭaśca pārthiva

pāṇiniścaiva tryārṣeyāḥ sarva ete prakīrtitāḥ //
viśvāmitro madhucchandastathā caivāghamarṣaṇaḥ

parasparamavaivāhyā ṛṣayaḥ parikīrtitāḥ //
kāmalāyanijāścaiva āśmarathyāstathaiva ca

bandhuliścaiva tryārṣeyāḥ sarveṣāṃ pravarā matāḥ //
viśvāmitraścāśmaratho badhuliśca mahātapāḥ

parasparamavaivāhyā ṛṣayaḥ parikīrtitāḥ //
pūraṇāḥ paridhāvantaḥ dvyārṣeyāḥ parikīrtitāḥ

viśvāmitraḥ pūraṇaśca tayordvau pravarau smṛtau //
parivartā avaivāhyāḥ pūraṇāśca parasparam

lohitā aṣṭakāścaiva tryārṣeyāḥ parikīrtitāḥ //
viśvāmitro lohitaśca aṣṭakaśca mahātapāḥ

aṣṭakā lohitairnityamavaivāhyāḥ parasparam //
udareṇḍaḥ kanyakaśca ṛṣiścodāvahistathā

tryārṣeyo'pi mataścaiṣāṃ sarveṣāṃ pravaraḥ śubhaḥ //
ṛṇavāngrathitaścaiva viśvāmitrastathaiva ca

parasparamavaivāhyā ṛṣayaḥ parikīrtitāḥ //
audumbariḥ śaiśiraṭirṛṣistārkṣāyaṇastathā

ṭaikāyanistaikāyanistārkṣāyaṇirathaiva ca//
kātyāyaniḥ karīrāmiḥ śālaṅkāyanilāvakī

mauñjāyaniśca bhagavāṃstryārṣeyāḥ parikīrtitāḥ //
kiliḥ kalistathā vidvānviśvāmitrastathaiva ca //
parasparamavaivāhyā ṛṣayaḥ parikīrtitāḥ

ete tavoktāḥ kuśikā narendra mahānubhāvāḥ satataṃ dvijendrāḥ //
yeṣāṃ tu nāmnāṃ parikīrtanena pāpaṃ samagraṃ puruṣo jahāti

iti śrīviṣṇudharmottare prathamakhaṇḍe mārkaṇḍeyavajrasaṃvāde viśvāmitravaṃśānukīrtanaṃ nāma caturdaśādhikaśatatamo'dhyāyaḥ