Vishnudharmottara Purana · Chapter 1.116

// mārkaṇḍeya uvāca //
vasiṣṭhavaṃśajānviprānnibodha gadato mama //
ekārṣeyaśca pravaro vasiṣṭhānāṃ prakīrtitāḥ

vasiṣṭha eva vāsiṣṭhā avivāhyā vasiṣṭhajaiḥ //
vyāghrapādā aupagavāḥ vaiklavā śādvalāyanāḥ

kāpiṣṭhalā kṣaiṭalomā āśvalāḥ sarvaṭākarāḥ //
gopāyanā bodhayaśca dvākalpā apavāhyakṛt

bāliśeyā pāliśiṣyāstathomāṅkuravaśca ye //
āyasthūṇāḥ śītavṛkṣāstathā brahmapurohitāḥ

lomātyāḥ svastikarāḥ māṇḍalirgautalistathā //
vāhnehaṇḍiśca sumanā śvapādirviddhireva ca //

śaulirlolirbrahmabalo vailiśravasa eva ca //
mauṇḍavo yājñavalkyaśca ekārṣeyāstathā nṛpa

vasiṣṭha eṣāṃ pravara avaivāhyāḥ parasparam//
śailālayo mahākarṇo kauravyaḥ kraivaṇistathā

kapiñjalo bālaśikhirbhāgavittāyanāśca ye //
kaurāyaṇā lākahayā kaulakṛdbhāgurāyaṇāḥ

śākahavyāḥ kaśāpeyā atho ulvapayāśca ye //
sāṅkhyāyanā anaḍuhā atho māṣaśirādhayaḥ

dāmakāyanā vāhayavo vākyayogorathastathā //
ābāyanāśca ṛṣayo ye ca kroḍādanāyavāḥ

pralambāyanāśca ṛṣaya aupamanyava eva ca //
sāṅkhyāyanāśca ṛṣayastathā ye ca daśerakāḥ //

pādakāyana audgrāhā ṛṣayaścaiva lekhayaḥ //
māleyā brahmavalayaḥ pūrṇāgāṃristathaiva ca

tryārṣeyo'pi mataścaiṣāṃ sarveṣāṃ pravarastathā//
bhago vasurvasiṣṭhaśca indraḥ sammatireva ca

parasparamavaivāhyā ṛṣayaḥ parikīrtitāḥ //
aupasvasthāḥ svasthalayo vālo hālo hayāśca ye //

madhyandinā akṣatayaḥ paippalā devicaṅkapī //
traiśṛṅgā vanagā ālavāḥ kuṇḍināśca narottama

tryārṣeyo'pi mataścaiṣāṃ sarveṣāṃ pravaraḥ śubhaḥ //
vasiṣṭhamitrāvaruṇau kuṇḍinaśca mahātapāḥ

parasparamavaivāhyā ṛṣayaḥ parikīrtitāḥ //
jātūkarṇā yavaścaiva pādapāśca tathaiva ca

tryārṣeyo'pi mataścaiṣāṃ sarveṣāṃ pravarastathā //
jātūkarṇo vasiṣṭhaśca tathaivāntyaśca pārthiva //
parasparamavaivāhyā ṛṣayaḥ parikīrtitāḥ

vasiṣṭhavaṃśe'bhihitā mayaite ṛṣiprabarhā nṛpa gotrakārāḥ //
yeṣāntu nāmnāṃ parikīrtanena pāpaṃ samagraṃ puruṣo jahāti

iti śrīviṣṇudharmottare prathamakhaṇḍe mā० saṃ० vasiṣṭhavaṃśānukīrtanaṃ nāma ṣoḍaśādhikaśatatamo'dhyāyaḥ