વિષ્ણુધર્મોત્તરપુરાણમ્ · અધ્યાય 1.114

માર્કણ્ડેય ઉવાચ ॥
અત્રેરેવાપરં વંશં તવ વક્ષ્યામિ પાર્થિવ ॥
અત્રેઃ સોમઃ સુતઃ શ્રીમાંસ્તસ્ય વંશોદ્ભવો નૃપઃ

વિશ્વામિત્રસ્તુ તપસા બ્રાહ્મણ્યં સમવાપ્તવાન્ ॥
તસ્ય વંશમહં વક્ષ્યે તન્મે નિગદતઃ શૃણુ

વિશ્વામિત્રો દેવરાતસ્તથા ચેકિતિગાલવૌ ॥
વતણ્ડશ્ચ શલઙ્ગશ્ચ તથા ચાશ્વાત તાયનઃ

શ્યામાયનો યાજ્ઞવલ્ક્યો જાબાલિઃ સૈન્ધનાયનઃ ॥
દાભ્રવ્યાશ્ચ કારીષી ચ સૌશ્રુત્યા અથ સૌશ્રુતાઃ

ઔલૂષા ઔપગવયઃ પાણ્યોદરયમાઞ્ચયઃ ॥
ખરબાધા વહલયઃ પાણતમ્બઃ સકૌશિકાઃ

ત્ર્યાર્ષેયાઃ પ્રવરાસ્તેષાં સર્વેષાં પરિકીર્તિતાઃ ॥
વિશ્વામિત્રો દેવરાતઃ ઉદ્દાલશ્ચ મહાયક્ષાઃ

પરસ્પરમવૈવાહ્યા ઋષયઃ પરિકીર્તિતાઃ ॥
માર્ગમિત્રાસ્તથાદ્યાશ્ચ માધુચ્છન્દસ એવ ચ

ત્ર્યાર્ષેયાઃ પ્રવરાસ્ત્વેતે ઋષયઃ પરિકીર્તિતાઃ ॥
વિશ્વામિત્રસ્તથા જ્યેષ્ઠો મધુચ્છન્દાસ્તથૈવ ચ

પરસ્પરમવૈવાહ્યા ઋષયઃ પરિકીર્તિતાઃ ॥
ધનઞ્જયઃ કપર્દેયઃ પરિકુષ્ટશ્ચ પાર્થિવ

પાણિનિશ્ચૈવ ત્ર્યાર્ષેયાઃ સર્વ એતે પ્રકીર્તિતાઃ ॥
વિશ્વામિત્રો મધુચ્છન્દસ્તથા ચૈવાઘમર્ષણઃ

પરસ્પરમવૈવાહ્યા ઋષયઃ પરિકીર્તિતાઃ ॥
કામલાયનિજાશ્ચૈવ આશ્મરથ્યાસ્તથૈવ ચ

બન્ધુલિશ્ચૈવ ત્ર્યાર્ષેયાઃ સર્વેષાં પ્રવરા મતાઃ ॥
વિશ્વામિત્રશ્ચાશ્મરથો બધુલિશ્ચ મહાતપાઃ

પરસ્પરમવૈવાહ્યા ઋષયઃ પરિકીર્તિતાઃ ॥
પૂરણાઃ પરિધાવન્તઃ દ્વ્યાર્ષેયાઃ પરિકીર્તિતાઃ

વિશ્વામિત્રઃ પૂરણશ્ચ તયોર્દ્વૌ પ્રવરૌ સ્મૃતૌ ॥
પરિવર્તા અવૈવાહ્યાઃ પૂરણાશ્ચ પરસ્પરમ્

લોહિતા અષ્ટકાશ્ચૈવ ત્ર્યાર્ષેયાઃ પરિકીર્તિતાઃ ॥
વિશ્વામિત્રો લોહિતશ્ચ અષ્ટકશ્ચ મહાતપાઃ

અષ્ટકા લોહિતૈર્નિત્યમવૈવાહ્યાઃ પરસ્પરમ્ ॥
ઉદરેણ્ડઃ કન્યકશ્ચ ઋષિશ્ચોદાવહિસ્તથા

ત્ર્યાર્ષેયોઽપિ મતશ્ચૈષાં સર્વેષાં પ્રવરઃ શુભઃ ॥
ઋણવાન્ગ્રથિતશ્ચૈવ વિશ્વામિત્રસ્તથૈવ ચ

પરસ્પરમવૈવાહ્યા ઋષયઃ પરિકીર્તિતાઃ ॥
ઔદુમ્બરિઃ શૈશિરટિરૃષિસ્તાર્ક્ષાયણસ્તથા

ટૈકાયનિસ્તૈકાયનિસ્તાર્ક્ષાયણિરથૈવ ચ॥
કાત્યાયનિઃ કરીરામિઃ શાલઙ્કાયનિલાવકી

મૌઞ્જાયનિશ્ચ ભગવાંસ્ત્ર્યાર્ષેયાઃ પરિકીર્તિતાઃ ॥
કિલિઃ કલિસ્તથા વિદ્વાન્વિશ્વામિત્રસ્તથૈવ ચ ॥
પરસ્પરમવૈવાહ્યા ઋષયઃ પરિકીર્તિતાઃ

એતે તવોક્તાઃ કુશિકા નરેન્દ્ર મહાનુભાવાઃ સતતં દ્વિજેન્દ્રાઃ ॥
યેષાં તુ નામ્નાં પરિકીર્તનેન પાપં સમગ્રં પુરુષો જહાતિ

ઇતિ શ્રીવિષ્ણુધર્મોત્તરે પ્રથમખણ્ડે માર્કણ્ડેયવજ્રસંવાદે વિશ્વામિત્રવંશાનુકીર્તનં નામ ચતુર્દશાધિકશતતમોઽધ્યાયઃ