Vishnudharmottara Purana · Chapter 1.113

mārkaṇḍeya uvāca //
atrivaṃśasamutpannāngotrakārānnibodha me //
karpūrāyaṇaśākheyāstathā śārāhaṇāśca ye //
śaivālakī śaunavarṇiraghosaudrutayaśca ye

gauragrīvaḥ sakārañjiratha maitrāyaṇāśca ye //
ātmayanyā vāmarathyā gaupanāstākibindavaḥ

hvānajidbāhurindroviraindrāliḥ śākaṭāyanaḥ //
taileyaścaiva bauleyaścātrigauṇī matistathā

jalado bhagapādaśca sopuṣpiśca mahātapāḥ //
chāndogeyastathaiteṣāmārṣeyaḥ pravaro mataḥ

dhyārāśvāśca tathātriśca ṛcanānasa eva ca //
parasparamavaivāhyā ṛṣayaḥ parikīrtitāḥ

dakṣirbaliḥ pālakṛcca aurṇanābhiḥ silirmiliḥ //
bījavāpī śirīṣaśca mauṃjakeśagaviṣṭhirau

balandhanasttathaiteṣāṃ tryārṣeyaḥ pravaro mataḥ //
atrirgaviṣṭhiraścaiva tathā pūrvātithiḥ smṛtāḥ//७
parasparamavaivāhyā ṛṣayaḥ parikīrtitāḥ //
ātreyānputrikāputrānata ūrdhvaṃ nibodha me

hāleyaśca savāleyo vāmamathyastathaiva ca //
gotreyaścaiva gotreyāḥ tryārṣeyāḥ parikīrtitāḥ

atriśca vāmarathyaśca potriścaiva mahānṛṣiḥ //
parasparamavaivāhyā ṛṣayaḥ parikīrtitāḥ

ityatrivaṃśaprabhavāstavoktā mahānubhāvā nṛpa gotrakārāḥ //
yeṣāṃ tu nāmnāṃ parikīrtanena pāpaṃ samagraṃ puruṣo jahāti

iti śrīviṣṇudharmottare prathamakhaṇḍe mārkaṇḍeyavajrasaṃvāde atrivaṃśānukīrtanaṃ nāma trayodaśā'dhikaśatatamo'dhyāyaḥ