Vishnudharmottara Purana · Chapter 1.112

mārkaṇḍeya uvāca //
marīcitanayā rājansurūpā nāma viśrutā // /
bhāryā hyaṅgiraso divyā yasyāḥ putrā daśa smṛtāḥ

ātmā hyāyurmanurdakṣo madaḥ prāṇastathaiva ca //
haviṣmāṃścāgaviṣṭhaśca ṛtaḥ satyaśca te daśa //

ityete'ṅgiraso nāma devā vai somapīthinaḥ //
surūpā janayāmāsa ṛṣīnsarveśvarānimān

bṛhaspatiṃ gautamaṃ ca saṃvartaṃ ca mahāṛṣim //
ayasyaṃ vāmadevaṃ ca utathyamuśijaṃ tathā

ityete ṛṣayaḥ sarve gotrakārāḥ prakīrtitāḥ //
teṣāṃ gotrasamutpannāngotrakārānnibodha me

utathyo gautamaścaiva tailajo'bhijitistathā //
bauddhinaiṣiḥ salaugākṣiḥ kṣorojo ṭāṃkireva ca

rāhohakiḥ sauṣuriśca kairatiḥ śārilaumakiḥ //
pauṇyajirbhānubhāvaśca ṛṣiścaiva baḍobaḍaḥ

karāṭakaśca mācīyaḥ upabindurathaiṣiṇiḥ //
rauhiṇyāyanijārgāliḥ kroṣṭā caivāruṇāyaniḥ

somo ḍāyanikāśekaḥ kauṭilyaḥ pārthivastathā //
gehiṇyāyanirauvāyurmūlayovāṃśureva ca///////
tathā ca gulmayovāṃśu stambayoṣāṃśureva ca //
kāvākṣiḥ puṣpadhaścaiva kṣīrakāraṇḍireva ca

kṣapādiśca kareriśca pārikārīrireva ca //
ityārṣeyāstu sarveṣāṃ pravarāḥ parikīrttitāḥ

āṃgirāśca tathotathyo munirdīrghatapāstathā //
parasparamavaivāhyā ityete parikīrtitāḥ

uṣṭājiṣṭa ayasyaśca kakṣīvāngotamastathā //
ārṣeyāḥ pravarāścaiva teṣāṃ ca pravarāñśṛṇu

aṃgiraśca tatotaśca uṣājiśca mahānṛṣiḥ //
saumastambhirvitambhiśca sālubhirvālubhistathā

bhāradvājiḥ saubuddhiśca meghī devamatistathā //
ādryayāyaṇasāviṣṭyau hyagniveśaḥ śalāthaliḥ

vāliśeyaniśśaikeyi vārāhirvākalistathā //
śāṭiśca ṛṣivarṇaśca prāvāhiścāśvalāyaniḥ //
parasparamavaivāhyā ṛṣayaḥ parikīrtitāḥ

kāvākiśca sabhākāyistathā cāṃśumatiḥ prabhuḥ //
bhāvīkaiyūrinaibhulviḥ puṣpānveṣī tathaiva ca

bādhyo vicchindiśāṭīkiḥ khāragrīvistathaiva ca //
devādyārirdevasthānirharikarṇiḥ sabhrāṅgikaḥ

dhauvāyiḥ sābhimugriśca tathā gomadagandhikaḥ //
mātsyakvāthaḥ sālaharo hyalo hārastathaiva ca

gāgodayiḥ kautapatiḥ kaurukṣetristathaiva ca //
tāṭākirjainyadroṇiśca jaivālāyanireva ca

āpastadharmojadṛṣṭiḥ kārṣṇapiṅgalireva ca //
paulaścaiva mahātejāḥ śaṅkalāyanireva ca

ārṣeyo nāmataścaiṣāṃ sarveṣāṃ pravaro nṛpa //
aṅgirāḥ pravarasteṣāṃ dvitīyaśca bṛhaspatiḥ

tṛtīyaśca bharadvājaḥ pravarāḥ parikīrtitāḥ //
parasparamavaivāhyā ityete parikīrtitāḥ

kāṇāyanāḥ kaupayavāstathā vātsyaparāyaṇāḥ //
bhrāṣṭrakṛd bhrāṣṭravindī ca nendrālissayakāyanaḥ

kroḍiḥ śākrī ca kārṣī ca tālakṛnmāthurāvatāḥ //
lāpakṛdbhālavipreṣo markaṭaḥ pailukāyanaḥ

mṛtsaṃśaśca tathā cākrī gargaḥ śyāmāyanistathā //
vālaliḥ sāhariścaiva pañcārṣeyāḥ prakīrtitāḥ

aṅgirāstu mahātejā devācāryo bṛhaspatiḥ //
bharadvājastathā gargaścaityaśca bhagavānṛṣiḥ

parasparamavaivāhyā ṛṣayaḥ parikīrtitāḥ //
kapītaraḥ svastitaro darbhaḥ śaktiḥ patañjaliḥ

bhūyasī jalasandhiśca bindudaṇḍiḥ kuśītakiḥ //
bhṛgustu rājakeśī ca śaumbāṭiḥ śāṃśibistathā

śāliśca śakalaḥ kāṇvo muniḥ kerīrayistathā //
kādyo vādhyāyaniścaiva sāvasyāyanireva ca

tyārṣeyo nāmatasteṣāṃ pravaro bhūmipottama //
aṅgirādamavāhyaśca tathā caivāpyatatkṣayaḥ

parasparamavaivāhyāḥ sarva eva prakīrtitāḥ //
sakṛtiśca trimārṣṭiśca śedhūḥ śaipavireva ca

taṇḍiśca jānakiścaiva tailakādravya eva ca //
nārāyaṇiścārṣabhiśca laukṣirgārgirhalastathā

gālaviścāpi tryārṣeyaḥ sarveṣāṃ pravarā matāḥ //
aṃgirāḥ saṃkṛtiścaiva gaurivītistathaiva ca

parasparamavaivāhyāḥ ṛṣaya parikīrtitāḥ //
kāṇvāyano haritakaḥ kautsyaḥ pauṃgyastathaiva ca

hastidamo vātsyamālirmāndrirgālirgaveraṇaḥ //
bhīmaveśaḥ śāṃkhyadarbhiḥ sarve tripravarā matāḥ

aṅgirāstu tamasyuśca purukutsastathaiva ca //
kutsāḥ kutsairavaivāhyā evamāhuḥ purātanāḥ

rathītarāṇāṃ pravarāḥ tryārṣeyāḥ parikīrtitāḥ //
aṅgirāśca surūpāśca tathaiva ca rathetaraḥ

rathetarā avaivāhyā nitarāśca rathetaraiḥ //
viṣṇuvṛddhiḥ śage madrirjatriṇaḥ kartriṇastathā

praḍivaśca mahātejāstathā caiva parāyaṇaḥ //
tryārṣeyaśca matasteṣāṃ sarveṣāṃ pravaraḥ śubhaḥ

aṅgirāśca virūpāśca pṛthudaśvastathaiva ca //
parasparamavaivāhyā ityete parikīrtitāḥ

sāntyamugdhirmahātejā hiraṇyastambimudgalo //
tryārṣeyo'pi mataścaiṣāṃ sarveṣāṃ pravaro nṛpa

aṅgirā gṛtsadaśvaśca mudgalaśca mahātapāḥ //
parasparamavaivāhyā ityete parikīrtitāḥ

mohajihvo devajihvo agnijihvavirāḍayaḥ //
apāneyastryagrayaśca vairiṇyāstāvimaudgalāḥ

tryārṣeyo'pi mataścaiṣāṃ sarveṣāṃ pravaraḥ śubhaḥ //
aṅgirāścaiva tāviśca maudgalyaśca mahātapāḥ //

parasparamavaivāhyā ṛṣayaḥ parikīrtitāḥ //
uruṇḍaśca bhuruṇḍaśca tṛtīyaḥ śākaṭāyanaḥ

tataḥ prāgadhamo nārī markaṭo ramaṇaḥ śaṇaḥ //
kāṇvamārkaṭayaścaiva tayā rāmavaṇo muniḥ

śyāmāyanastathaiteṣāṃ tryārṣeyaḥ pravaro mataḥ //
aṅgirāścājamīḍhaśca kāṇvaścaiva mahātapāḥ

paramparamavaivāhyā ṛṣayaḥ parikīrtitāḥ //
tittiriḥ kapibhūścaiva gārgyaścaiva mahānṛṣiḥ

parasparamavaivāhyā ṛṣayaḥ parikīrtitāḥ //
ārṣeyo nāmataścaiṣāṃ sarveṣāṃ pravaraḥ śubhaḥ

aṅgirāstittiriścaiva kapibhūśca mahānṛṣiḥ //
parasparamavaivāhyā ṛṣayaḥ parikīrttitāḥ

aṅgirāḥ sabharadvājo ṛṣirvāndanavastathā

bṛhaspatirmaitravacāḥ pañcārṣeyāḥ prakīrtitāḥ //
aṅgirāḥ sabharadvājastathā caiva bṛhaspatiḥ

ṛṣirmitravacaścaiva ṛṣirvāndatavastathā //
parasparamavaivāhyā ṛṣayaḥ parikīrtitāḥ

bhāradvājaḥ kaṭāśauṅgaḥ śaithireyastathaiva ca //
ityete kathitāḥ sarve dvyāmuṣyāyaṇanotrajāḥ

pañcāgneyāstathāpyeṣāṃ pravarāḥ parikīrtitāḥ //
aṅgirāḥ sabharadvājastathaiva ca bṛhaspatiḥ

sauṅgaśca śaiśaviścaiva pravarāḥ parikīrtitāḥ //
parasparamavaivāhyā ṛṣayaḥ parikīrtitāḥ

ete tavoktāṅgirasastu vaṃśe mahānubhāvā nṛpa gotrakārāḥ //
yeṣāṃ ca nāmnāṃ parikīrtanena pāpaṃ samagraṃ puruṣo jahāti

iti śrīviṣṇudharmottare prathamakhaṇḍe mārkaṇḍeyavajrasaṃvāde aṅgiraso vaṃśānukīrtivarṇanaṃ nāma dvādaśādhikaśatatamo'dhyāyaḥ