Vishnu Purana · Chapter 5.36

iti śrīviṣṇumahāpurāṇe pañcamāṃśe pañcatriṃśo 'dhyāyaḥ (35)
śrīparāśara uvāca
maitreyaitadbalaṃ tasya balasya balaśālinaḥ /
kṛtaṃ yadanyattenābhūttadapi śrūyatāṃ tvayā

narakasyāsuredrasya devapakṣavirodhinaḥ /
sakhābhavanmahāvīryo dvivido vānararṣabhaḥ

vairānubandhaṃ balavānsa cakāra surānprati /
narakaṃ hatavānkṛṣṇo devarājena coditaḥ

kariṣye sarvadevānāṃ tasmādetatpratīkriyām /
yajñavidhvaṃsanaṃ kurvan martyalokakṣayaṃ tathā

tato vidhvaṃsayāmāsa yajñānajñānamohitaḥ /
bibheda sādhumaryādāṃ kṣayaṃ cakre ca dehinām

dadāha savanāndeśānpuragramāntarāṇi ca /
kvacicca parvatākṣepergramādīnsamacūrṇayat

śailānutpāṭya toyeṣu mumocāṃbunidhau tathā /
punaścārmavamadhyasthaḥ kṣobhayāmāsa sāgaram

tena vikṣobhitaścābdhirudvelo dvija jāyate /
plāvayaṃstīrajāngramānpurādīnativegavān

kāmarūpī mahārūpī kṛtvā sasyānyaśeṣataḥ /
luṭhanbhramaṇasaṃmardaiḥ saṃcūrmayati vānaraḥ

tena viprakṛtaṃ sarvaṃ jagadetaddurātmanā /
niḥsvādhyāyavaṣaṭkāraṃ maitreyāsītsuduḥkhitam

ekadāraivatodyāne papau pānaṃ halā yudhaḥ /
revatī ca mahābhāgā tathaivānyā varastriyaḥ

udgīyamāno vilasallalanāmaulimadhyagaḥ /
reme yadukulaśreṣṭhaḥ kubera iva nandane

tataḥsa vānaro 'bhyetya gṛhītvā sīriṇo halam /
musalaṃ ca cakārāsya saṃmukhaṃ ca viḍaṃbanam

tathaiva yoṣitāṃ tāsāṃ jahāsābhimukhaṃ kapiḥ /
pānapūrmāś ca karakāñcikṣepāhatya vai tadā

tataḥ kopaparītātmā bhartsayāmāsa taṃ halī /
tathāpi tamavajñāya cakrekilakiladhvanim

tataḥ smayitvā sa balo jagrāha musalaṃ ruṣā /
so 'pi śailaśilāṃ bhīmāṃ jagrāha plavagottamaḥ

cikṣepa sa ca tāṃ kṣiptāṃ musalena sahasradhā /
vibheda yādavaśreṣṭhaḥsā papāta mahītale

atha tanmusalaṃ cāsau samullaṅghya plavaṅgamaḥ /
vegenāgatya roṣeṇa kareṇorasyatāḍayat

tato balena kopena muṣṭinā mūrdhni tāḍitaḥ /
papāta rudhirodgārī dvividaḥ kṣīṇajīvitaḥ

patatā taccharīreṇa gireḥ śṛgamaśīryata /
maitreya śatadhā vajrivajremeva vidāritam

puṣpavṛṣṭiṃ tato devā rāmasyopari cikṣipuḥ /
praśaśaṃsustato 'bhyetya sādhvetatte mahatkṛtam

anena duṣṭakapinā daityapakṣopakāriṇā /
jagannirākṛtaṃ vīra diṣṭyā sa kṣayamāgataḥ

ityuktvā divamājagmurdevā hṛṣṭaḥsaguhyakāḥ

śrīparāśara uvāca
evaṃvidhānyanekāni baladevasya dhīmataḥ /
karmāṇyaparimeyāniśeṣasya dharaṇībhṛtaḥ