Vishnu Purana · Chapter 5.31

iti śrīpiṣṇumahāpurāṇe pañcamāṃse triṃśodhyāyaḥ (30)
śrīparāśara uvāca
saṃstuto bhagavānitthaṃ devarājena keśavaḥ /
prahasya bhāvagaṃbhīramuvācendraṃ dvijottama

śrīkṛṣṇa uvāca
devarājo bhavānindro vayaṃ martyā jagatpate /
kṣantavyaṃ bhavataivedam aparādhaṃ kṛtaṃ mama

pārijātataruścāyaṃ nīyatāmucitāspadam /
gṛhītoyaṃ mayā śakra satyāvacanakāraṇāt

vajraṃ cedaṃ gṛhāma tvaṃ yadatra prahitaṃ tvayā /
tabaivaitatpraharaṇaṃ śakra vairividāraṇam

indra uvāca
vimohayasi māmīśa martyo 'hamiti kiṃ vadan /
jānīmastvāṃ bhagavato na tu sūkṣmavido vayam

yo 'si so 'si jagattraṇapravṛttau nātha saṃsthitaḥ /
jagataḥ śalyaniṣkarṣaṃ karoṣyamurasūdana

nīyatāṃ pārījāto 'yaṃ kṛṣṇa dvāravatīṃpurīm /
martyaloke tvayā tyakte nāyaṃ saṃsthāsyate bhuvi

devadeva jagannātha kṛṣṇa viṣṇo mahābhuja /
śaṅkhacakragadāpāṇe kṣamasvaitad vyatikramam

śrīparāśara uvāca
tathetyuktvā ca devendramājagāma bhuvaṃ hariḥ /
prasaktaiḥ siddhagandharvaiḥ stūyamānaḥ surarṣibhiḥ

tataḥ śaṅkhamupādhmāya dvārakopari saṃsthitaḥ /
harṣamutpādayāmāsa dvārakāvāsināṃ dvaja

avatīryātha garuḍātsatyabhāmā sahāyavān /
niṣkuṭe sthāpayāmāsa pārijātaṃ mahātarum

yam abhyetya janaḥ sarvo jātiṃ smarati paurvikīm /
vāsyate yasya puṣpotthagandhenorvī triyojanam

tataste yādavāḥsarve dehavandhānamānuṣān /
dadṛśuḥ pādape tasmin kurvanto makhadarśanam

kiṅkaraiḥ samupānītaṃ hastyaśvādi tato dhanam /
vibhajya pradadau kṛṣṇo bāndhavānāṃ mahāmatiḥ

kanyāś ca kṛṣṇe jagrāha narakasya parigrahān

tataḥ kāle śubhe prāpte upayeme janārdanaḥ /
tāḥ kanyā narakeṇāsansarvato yāḥsamāhṛtāḥ

ekasminneva govindaḥ kāle tāsāṃ mahāmune /
jagrāha vidhivatvāṇīnpṛthaggeheṣu dharmataḥ

ṣoḍaśastrīsahasrāṇi śatamekaṃ tatodhikam /
tāvanti cakrerūpāṇi bhagavān madhusūdanaḥ

ekaikameva tāḥ kanyā menire madhusūdanaḥ /
mamaiva pāṇigrahaṇaṃ maitreya kṛtavāniti

niśāsuca jagatsraṣṭā tāsāṃ geheṣu keśavaḥ /
uvāsa vipra sarvāsāṃ viśvarūpadharo hariḥ