વિષ્ણુ પુરાણ · અધ્યાય 5.31

ઇતિ શ્રીપિષ્ણુમહાપુરાણે પઞ્ચમાંસે ત્રિંશોધ્યાયઃ (30)
શ્રીપરાશર ઉવાચ
સંસ્તુતો ભગવાનિત્થં દેવરાજેન કેશવઃ ।
પ્રહસ્ય ભાવગંભીરમુવાચેન્દ્રં દ્વિજોત્તમ

શ્રીકૃષ્ણ ઉવાચ
દેવરાજો ભવાનિન્દ્રો વયં મર્ત્યા જગત્પતે ।
ક્ષન્તવ્યં ભવતૈવેદમ્ અપરાધં કૃતં મમ

પારિજાતતરુશ્ચાયં નીયતામુચિતાસ્પદમ્ ।
ગૃહીતોયં મયા શક્ર સત્યાવચનકારણાત્

વજ્રં ચેદં ગૃહામ ત્વં યદત્ર પ્રહિતં ત્વયા ।
તબૈવૈતત્પ્રહરણં શક્ર વૈરિવિદારણમ્

ઇન્દ્ર ઉવાચ
વિમોહયસિ મામીશ મર્ત્યો ઽહમિતિ કિં વદન્ ।
જાનીમસ્ત્વાં ભગવતો ન તુ સૂક્ષ્મવિદો વયમ્

યો ઽસિ સો ઽસિ જગત્ત્રણપ્રવૃત્તૌ નાથ સંસ્થિતઃ ।
જગતઃ શલ્યનિષ્કર્ષં કરોષ્યમુરસૂદન

નીયતાં પારીજાતો ઽયં કૃષ્ણ દ્વારવતીંપુરીમ્ ।
મર્ત્યલોકે ત્વયા ત્યક્તે નાયં સંસ્થાસ્યતે ભુવિ

દેવદેવ જગન્નાથ કૃષ્ણ વિષ્ણો મહાભુજ ।
શઙ્ખચક્રગદાપાણે ક્ષમસ્વૈતદ્ વ્યતિક્રમમ્

શ્રીપરાશર ઉવાચ
તથેત્યુક્ત્વા ચ દેવેન્દ્રમાજગામ ભુવં હરિઃ ।
પ્રસક્તૈઃ સિદ્ધગન્ધર્વૈઃ સ્તૂયમાનઃ સુરર્ષિભિઃ

તતઃ શઙ્ખમુપાધ્માય દ્વારકોપરિ સંસ્થિતઃ ।
હર્ષમુત્પાદયામાસ દ્વારકાવાસિનાં દ્વજ

અવતીર્યાથ ગરુડાત્સત્યભામા સહાયવાન્ ।
નિષ્કુટે સ્થાપયામાસ પારિજાતં મહાતરુમ્

યમ્ અભ્યેત્ય જનઃ સર્વો જાતિં સ્મરતિ પૌર્વિકીમ્ ।
વાસ્યતે યસ્ય પુષ્પોત્થગન્ધેનોર્વી ત્રિયોજનમ્

તતસ્તે યાદવાઃસર્વે દેહવન્ધાનમાનુષાન્ ।
દદૃશુઃ પાદપે તસ્મિન્ કુર્વન્તો મખદર્શનમ્

કિઙ્કરૈઃ સમુપાનીતં હસ્ત્યશ્વાદિ તતો ધનમ્ ।
વિભજ્ય પ્રદદૌ કૃષ્ણો બાન્ધવાનાં મહામતિઃ

કન્યાશ્ ચ કૃષ્ણે જગ્રાહ નરકસ્ય પરિગ્રહાન્

તતઃ કાલે શુભે પ્રાપ્તે ઉપયેમે જનાર્દનઃ ।
તાઃ કન્યા નરકેણાસન્સર્વતો યાઃસમાહૃતાઃ

એકસ્મિન્નેવ ગોવિન્દઃ કાલે તાસાં મહામુને ।
જગ્રાહ વિધિવત્વાણીન્પૃથગ્ગેહેષુ ધર્મતઃ

ષોડશસ્ત્રીસહસ્રાણિ શતમેકં તતોધિકમ્ ।
તાવન્તિ ચક્રેરૂપાણિ ભગવાન્ મધુસૂદનઃ

એકૈકમેવ તાઃ કન્યા મેનિરે મધુસૂદનઃ ।
મમૈવ પાણિગ્રહણં મૈત્રેય કૃતવાનિતિ

નિશાસુચ જગત્સ્રષ્ટા તાસાં ગેહેષુ કેશવઃ ।
ઉવાસ વિપ્ર સર્વાસાં વિશ્વરૂપધરો હરિઃ