Vishnu Purana · Chapter 5.3

iti śrīviṣṇumahāpurāṇe pañcamāṃśe dvitīyo 'dhyāyaḥ (2)
śrīparāśara uvāca
evaṃ saṃstūyamānā sā devair devamadhārayat /
garbheṇa puṇḍarīkākṣaṃ jagatastrāṇakāraṇam

tato 'khilajagatpadmabodhāyācyutabhānunā /
devakīpūrvasaṃdhyāyāmāvirbhūtaṃ mahātmanā

tajjanmadinamatyarthamāhlādyamaladiṅmukham /
babhūva karvalokasya kaumudī śaśino yathā

saṃtaḥsaṃtoṣamadhakaṃ praśamaṃ cañjamārutāḥ /
prasādaṃ nimnagā yātā jāyamāne janārdane

siṃdhavo nijaśabdena vādyaṃ cakrurmanoharam /
jagurgandharvapatayo nanṛtuścāpsarogaṇāḥ

sasṛjuḥ puṣpavarṣāṇi devā bhuvyantarikṣagāḥ /
jajvaluścāgnayaḥ śāntā jāyamāne janārdane

madaṃ jagurjurjaladāḥ puṣpavṛṣṭimuco dvija /
ardharātre 'khilādhāre jāyamāne janārdane

phullendīvarapatrābhaṃ caturbāhumudīkṣya tam /
śrīvatsavakṣasaṃ jātaṃ tuṣṭāvānakadundubhiḥ

abhiṣṭraya ca taṃ vāgbhiḥ prasannābhir mahāmatiḥ /
vijñāpayāmāsa tadā kaṃsādbhīto dvijottama

vasudeva uvāca
jātosi devadeveśa śaṅkhacakragadādharam /
divyarūpamidaṃ deva prasādenopasaṃhara

adyaiva deva kaṃsoyaṃ kurute mama ghātanam /
avatīrma iti jñātvā tvamasminmamamandire

devakyuvāca
yo 'nantarūpo 'khilaviśvarūpo garbhepi lokānvapuṣā bibharti /
prasītadāmeṣa sa devadevo yo māyayāviṣkṛtabālarūpaḥ

upasaṃhara sarvātmanrūpametaccaturbhujam /
jānātu māvatāraṃ te kaṃsoyaṃ ditijanmajaḥ

śrībhagavānuvāca
stuto 'haṃ ya ttvayā pūrvaṃ putrārthinyā tadadya te /
saphalaṃ devi saṃjātaṃ jāto 'haṃ yattavodarāt

śrīparāśara uvāca
ityuktvā bhagavāṃstūṣṇīṃ babhūva munisattama /
vasudevopi taṃ rātrāvādāya prayayau bahiḥ

mohitāścābhavestatra rakṣiṇo yoganidrayā /
mathurādvārapālāś ca vrajatyānakadundubhau

varṣatāṃ jaladānāṃ ca toyamātyulbaṇaṃ niśi /
saṃvṛtyānuyayau śeṣaḥ phaṇair ānakadundubhim

yamunāṃ cātigaṃbhīrāṃ nānāvartaśatākulām /
vasudevo vahanviṣṇuṃ jānumātravahāṃ yayau

kaṃsasya karadānāya tatraivābyāgatāstaṭe /
nandādīngopavuddhāṃś ca yamunāyā dadarśa saḥ

tasminkāle yaśodāpi mohitā yoganidrayā /
tāmeva kanyāṃ maitreya prasūtā mohite jane

vasudevopi vinyasya bālamādāya dārikām /
yaśodāśayanāttūrṇamājagāmāmitadyutiḥ

dadṛśe ca prabuddhā sā yaśodā jātamātmajam /
nīlotpaladalaśyāmaṃ tatotyarthaṃ mudaṃ yayau

ādāya vasudevo 'pi dārikāṃ nijamandire /
devakīśayane nyasya yathāpūrvamatiṣṭhata

tato bāladhvaniṃ śrutvā rakṣiṇaḥ sahasotthitāḥ /
kaṃsāyāvedayāmāsurdevakīprasavandvija

kaṃsastūrṇamupetyaināṃ tato jagraha bālikām /
muñcamuñceti devakyā sannakaṇṭhyā nivāritaḥ

cikṣepa ca śilāpṛṣṭhe sā kṣiptā viyati sthitā /
avāpa rūpaṃ sumahatsāyudhāṣṭamahābhujam

prajahāsa tathaivoccaiḥ kaṃsaṃ ca ruṣitābravīt /
kiṃ mayā kṣiptayā kaṃsa jātā yastvāṃ vadhiṣyati

sarvasvabhūto devānāmāsīnmṛtyuḥ purā sa te /
tadetatsaṃpradhāryāśu kriyatāṃ hitamātmanaḥ

ityuktvā prayayau devī divyasraggandhabhūṣaṇā /
paśyato bhojarājasya stutā siddhair vihāyasā