Vishnu Purana · Chapter 5.2

te sarve sarvadā bhadre matprasādādasaṃśayam /
asaṃdigdhā bhaviṣyanti gaccha devi yathoditam /
iti viṣṇumahāpurāṇe pañcamāṃśe prathamo 'dhyāyaḥ (1)
śrīparāśara uvāca
yathoktaṃ sā jagaddhātrā devadevena vai tathā /
ṣaḍgarbhagarbavinyāsaṃ cakre cānyasya karṣaṇam

saptame rohiṇīṃ garbhe prāpte garbhaṃ tato hariḥ /
lokatra yopakārāya devakyāḥ praviveśa ha

yoganidrā yaśodāyāstasminneva tathā dine /
saṃbhūtā jaṭhare tadvadyathoktaṃ parameṣṭhinā

tato grahagaṇaḥsamyakpracacāra divi dvija /
viṣṇoraṃśe bhuvaṃ yāte ṛtavaścābabhuḥ śubhāḥ

na sehe devakīṃ draṣṭaṃ kaśtidapyatitejasā /
jājvalyamānāṃ tāṃ dṛṣṭvā manāṃsi kṣobhamāyayuḥ

adṛṣṭāḥ puruṣaiḥ strībhir devakīṃ devatāgaṇāḥ /
bibhrāṇāṃ vapuṣā viṣṇuṃ tuṣṭuvustāmaharniśam

devatā ūcuḥ
prakṛtistvaṃ parā sūkṣmā brahmagarbhābhavatpurā /
tato vāṇī jagaddhāturvedagarbhāsi śobhane

sṛjyasvarūpagarbhāsi sṛṣṭibhūtā sanātane /
bījabhūtā tu sarvasya yajñabhūtā bhavastrayī

phalagarbhā tvamevejyā vahnigarbhā tathāraṇiḥ /
aditirdevagarbhā tvaṃ daityagarbhā tathā ditiḥ

jyotsnā vāsaragarbhā tvaṃ jñānagarbhāsi sannatiḥ /
nayagarbhā parā nītirlajjā tvaṃ praśrayodvahā

kāmagarbhā tathecchā tvaṃ tuṣṭiḥ saṃtoṣagarbhiṇī /
medhā ca bodhagarbhasi dhairyagarbhodvahā dhṛtiḥ

graharkṣatārakāgarbhā dyaurasyākhilahaitukī /
etā vibhūtayo devi tathānyāś ca sahasraśaḥ

tathā saṃkhyā jagaddhātrī sāṃprataṃ jaṭhare tava /
samudrādrinadīdvīpavanapattanabhūṣaṇā /
grāmakharvaṭakheṭāḍhyā samastā pṛtivī śubhe

samastavahnayoṃ'bhāṃsi sakalāś ca samīraṇāḥ /
mahoragās tathā yakṣā rākṣasāḥ pretagudyakāḥ

graharkṣatārakācitravimānaśatasaṃkutam /
avakāśamaśeṣasya yaddadāti nabhasthalam

bhūlokaś ca bhuvarlokaḥsvarloko 'tha maharjanaḥ /
tapaś ca brahmalokaś ca brahmāṇḍamakhilaṃ śubhe

tadantare sthitā devā daityagandharvacāraṇāḥ /
mahoragās tathā yakṣā rākṣasāḥ pretaguhyakāḥ

manuṣyāḥ paśavaścānye ye ca jīvā yaśasvini /
tair antasthair ananto 'sau sarvagaḥ sarvabhāvanaḥ

rūpakarmasvarūpāṇi na paricchedagocare /
yasyākhilapramāṇāni sa viṣṇur garbhagas tava

tvaṃ svāhā tvaṃ svadhā vidyā svadhā tvaṃ jyotiraṃbare /
tvaṃ sarvalokarakṣārthamavatīrṇā mahītale

prasīda devi sarvasya jagataḥ śaṃ śubhe kuru /
prītyā taṃ dhārayeśānaṃ dhṛtaṃ yenākhilaṃ jagat