Vishnu Purana · Chapter 5.26

iti śrīviṣṇumahāpurāṇe pañcamāṃśe pañcaviṃśodhyāyaḥ (25)
śrīparāśara uvāca
bhīṣmakaḥ kuṇḍine rājā vidarbhaviṣaye 'bhavat /
rukmītasyabhavatputro rukmiṇī ca varānanā

rukmiṇīṃ cakame kṛṣṇaḥsā ca taṃ cāruhīsini /
na dadau yācate caināṃ rukmī dveṣeṇa cakriṇe

dadau ca śiśupālāya jarāsandhapracoditaḥ /
bhīṣmako rukmiṇā sārdha rukmiṇīmuruvikramaḥ

vivāhāryaṃ tataḥ sarve jarāsaṃdhamukhā nṛpāḥ /
bhīṣmakasya puraṃ jagmuḥ śiśupālapriyaiṣiṇaḥ

kṛṣṇo 'pi balabhadrādyair yadubhiḥ parivāritaḥ /
prayayau kuṇḍinaṃ draṣṭuṃ vivāhaṃ caidyabhūbhṛtaḥ

śvo bhāvini vivāhe tu tāṃ kanyāṃ hṛtavānhariḥ /
vipakṣabhāram āsajya rāmādiṣv atha bandhuṣu

tataś ca paiṇḍrakaśrśrīmāndantavakro vidūrathaḥ /
śiśupālajarāsaṃdhaśālvādyāś ca mahībhṛtaḥ

kupitāste hariṃ hantuṃ cakrurudyogamuttamam /
nirjitāś ca samāgamya rāmādyoryadupuṅgavaiḥ

kuṇḍinaṃ na pravekṣyāmi hyahatvā yudhi keśavam /
kṛtvā pratijñāṃ rukmī ca hantuṃ kṛṣṇamanudrutaḥ

hatvā balaṃ sanāgāśvaṃ pattisyandanasaṃkulam /
nirjitaḥ pātitaścorvyāṃ līlayaiva sa cakriṇā

nirjitya rukmiṇaṃ samyagupayeme ca rukmiṇīm /
rākṣasena vivāhena saṃprāptāṃ madhusudanaḥ

tasyāṃ jajñe ca pradyumno madanāṃśaḥsavīryavān /
jahāra śaṃbaro yaṃ vai yo jaghāna ca śaṃbaram