વિષ્ણુ પુરાણ · અધ્યાય 5.26

ઇતિ શ્રીવિષ્ણુમહાપુરાણે પઞ્ચમાંશે પઞ્ચવિંશોધ્યાયઃ (25)
શ્રીપરાશર ઉવાચ
ભીષ્મકઃ કુણ્ડિને રાજા વિદર્ભવિષયે ઽભવત્ ।
રુક્મીતસ્યભવત્પુત્રો રુક્મિણી ચ વરાનના

રુક્મિણીં ચકમે કૃષ્ણઃસા ચ તં ચારુહીસિનિ ।
ન દદૌ યાચતે ચૈનાં રુક્મી દ્વેષેણ ચક્રિણે

દદૌ ચ શિશુપાલાય જરાસન્ધપ્રચોદિતઃ ।
ભીષ્મકો રુક્મિણા સાર્ધ રુક્મિણીમુરુવિક્રમઃ

વિવાહાર્યં તતઃ સર્વે જરાસંધમુખા નૃપાઃ ।
ભીષ્મકસ્ય પુરં જગ્મુઃ શિશુપાલપ્રિયૈષિણઃ

કૃષ્ણો ઽપિ બલભદ્રાદ્યૈર્ યદુભિઃ પરિવારિતઃ ।
પ્રયયૌ કુણ્ડિનં દ્રષ્ટું વિવાહં ચૈદ્યભૂભૃતઃ

શ્વો ભાવિનિ વિવાહે તુ તાં કન્યાં હૃતવાન્હરિઃ ।
વિપક્ષભારમ્ આસજ્ય રામાદિષ્વ્ અથ બન્ધુષુ

તતશ્ ચ પૈણ્ડ્રકશ્ર્શ્રીમાન્દન્તવક્રો વિદૂરથઃ ।
શિશુપાલજરાસંધશાલ્વાદ્યાશ્ ચ મહીભૃતઃ

કુપિતાસ્તે હરિં હન્તું ચક્રુરુદ્યોગમુત્તમમ્ ।
નિર્જિતાશ્ ચ સમાગમ્ય રામાદ્યોર્યદુપુઙ્ગવૈઃ

કુણ્ડિનં ન પ્રવેક્ષ્યામિ હ્યહત્વા યુધિ કેશવમ્ ।
કૃત્વા પ્રતિજ્ઞાં રુક્મી ચ હન્તું કૃષ્ણમનુદ્રુતઃ

હત્વા બલં સનાગાશ્વં પત્તિસ્યન્દનસંકુલમ્ ।
નિર્જિતઃ પાતિતશ્ચોર્વ્યાં લીલયૈવ સ ચક્રિણા

નિર્જિત્ય રુક્મિણં સમ્યગુપયેમે ચ રુક્મિણીમ્ ।
રાક્ષસેન વિવાહેન સંપ્રાપ્તાં મધુસુદનઃ

તસ્યાં જજ્ઞે ચ પ્રદ્યુમ્નો મદનાંશઃસવીર્યવાન્ ।
જહાર શંબરો યં વૈ યો જઘાન ચ શંબરમ્