Vishnu Purana · Chapter 5.22

iti śrīviṣṇumahāpurāṇe pañcamāṃśa evaviṃśodhyāyaḥ (21)
śrīparāśara uvāca
jarāsaṃdhamute kasa upayeme mahābalaḥ /
astiṃ prāptiṃ ca maitreya cayorbhartṛhaṇaṃ harim

mahā balaparīvāro magadhādhipatirbalī /
hantumabhyāyayau kopājjarāsaṃdhaḥsayādavam

upetya mathurāṃ so 'tha rurodha magadheśvaraḥ /
akṣauhiṇībhiḥ sainyasya trayoviṃśatibhir vṛtaḥ

niṣkramyālpaparīvārāvubhau rāmajanārdanau /
yuyudhāte samaṃ tasya balinau balisainikaiḥ

tato rāmaś ca kṛṣṇaś ca matiṃ cakraturañjasā /
āyudhānāṃ purāṇānāmādāne munisattama

anantaraṃ hareḥ śārṅgaṃ tūṇī cākṣayasāyakau /
ākāśādāgatau vipra tathā kaumodakī gadā

halaṃ ca balabhadrasya gaganādāgataṃ mahat /
manaso 'bhimataṃ vipra sānandaṃ musalaṃ tathā

tato yuddhe parājitya sasainyaṃ sagadhādhipam /
purīṃ viviśaturvīrāvubhau rāmajanārdanau

jite tasminsudurvṛtte jarāsaṃdhe mahā mune /
jīvamāne gate kṛṣṇastenāmanyata nājitam

punarapyājagāmātha jarāsaṃdho balānvitaḥ /
jitaś ca rāmakṛṣṇābhyāmapakrānto dvijottama

daśa cāṣṭau ca saṃgramānevamatyantadurmadaḥ /
yadubhir māgadho rājā cakre kṛṣṇapurogamaiḥ

sarveṣveteṣu yuddheṣu yādavaiḥ sa parājitaḥ /
apakrāñco jarāsaṃdhaḥsvalpasainyair balādhikaḥ

na tadbalaṃ yādavānāṃ vijitaṃ yadanekaśaḥ /
tat tu saṃnidhimāhātmyaṃ viṣṇor aṃśasya cakriṇaḥ

manuṣyadharmaśīlasya līlā sā jagatīpateḥ /
astrāṇyanekarūpāṇi yadarātiṣu muñcati

manasaiva jagatsṛṣṭiṃ saṃhāraṃ ca karoti yaḥ /
tasyāpipakṣakṣapaṇe kiyānudyamavistaraḥ

tathāpi yo manuṣyāṇāṃ dharmastamanuvartate /
kurvanbalavatā saṃdhiṃ hīnair yuddhaṃ karotyasau

sāma copapradānaṃ ca tathā bhedaṃ ca darśayan /
karoti daṇḍapātaṃ ca kvacideva palāyanam

manuṣyadehināṃ ceṣṭāmityevamanuvartate /
līlā jagatpatestasya cchandataḥ parivartate