વિષ્ણુ પુરાણ · અધ્યાય 5.22

ઇતિ શ્રીવિષ્ણુમહાપુરાણે પઞ્ચમાંશ એવવિંશોધ્યાયઃ (21)
શ્રીપરાશર ઉવાચ
જરાસંધમુતે કસ ઉપયેમે મહાબલઃ ।
અસ્તિં પ્રાપ્તિં ચ મૈત્રેય ચયોર્ભર્તૃહણં હરિમ્

મહા બલપરીવારો મગધાધિપતિર્બલી ।
હન્તુમભ્યાયયૌ કોપાજ્જરાસંધઃસયાદવમ્

ઉપેત્ય મથુરાં સો ઽથ રુરોધ મગધેશ્વરઃ ।
અક્ષૌહિણીભિઃ સૈન્યસ્ય ત્રયોવિંશતિભિર્ વૃતઃ

નિષ્ક્રમ્યાલ્પપરીવારાવુભૌ રામજનાર્દનૌ ।
યુયુધાતે સમં તસ્ય બલિનૌ બલિસૈનિકૈઃ

તતો રામશ્ ચ કૃષ્ણશ્ ચ મતિં ચક્રતુરઞ્જસા ।
આયુધાનાં પુરાણાનામાદાને મુનિસત્તમ

અનન્તરં હરેઃ શાર્ઙ્ગં તૂણી ચાક્ષયસાયકૌ ।
આકાશાદાગતૌ વિપ્ર તથા કૌમોદકી ગદા

હલં ચ બલભદ્રસ્ય ગગનાદાગતં મહત્ ।
મનસો ઽભિમતં વિપ્ર સાનન્દં મુસલં તથા

તતો યુદ્ધે પરાજિત્ય સસૈન્યં સગધાધિપમ્ ।
પુરીં વિવિશતુર્વીરાવુભૌ રામજનાર્દનૌ

જિતે તસ્મિન્સુદુર્વૃત્તે જરાસંધે મહા મુને ।
જીવમાને ગતે કૃષ્ણસ્તેનામન્યત નાજિતમ્

પુનરપ્યાજગામાથ જરાસંધો બલાન્વિતઃ ।
જિતશ્ ચ રામકૃષ્ણાભ્યામપક્રાન્તો દ્વિજોત્તમ

દશ ચાષ્ટૌ ચ સંગ્રમાનેવમત્યન્તદુર્મદઃ ।
યદુભિર્ માગધો રાજા ચક્રે કૃષ્ણપુરોગમૈઃ

સર્વેષ્વેતેષુ યુદ્ધેષુ યાદવૈઃ સ પરાજિતઃ ।
અપક્રાઞ્ચો જરાસંધઃસ્વલ્પસૈન્યૈર્ બલાધિકઃ

ન તદ્બલં યાદવાનાં વિજિતં યદનેકશઃ ।
તત્ તુ સંનિધિમાહાત્મ્યં વિષ્ણોર્ અંશસ્ય ચક્રિણઃ

મનુષ્યધર્મશીલસ્ય લીલા સા જગતીપતેઃ ।
અસ્ત્રાણ્યનેકરૂપાણિ યદરાતિષુ મુઞ્ચતિ

મનસૈવ જગત્સૃષ્ટિં સંહારં ચ કરોતિ યઃ ।
તસ્યાપિપક્ષક્ષપણે કિયાનુદ્યમવિસ્તરઃ

તથાપિ યો મનુષ્યાણાં ધર્મસ્તમનુવર્તતે ।
કુર્વન્બલવતા સંધિં હીનૈર્ યુદ્ધં કરોત્યસૌ

સામ ચોપપ્રદાનં ચ તથા ભેદં ચ દર્શયન્ ।
કરોતિ દણ્ડપાતં ચ ક્વચિદેવ પલાયનમ્

મનુષ્યદેહિનાં ચેષ્ટામિત્યેવમનુવર્તતે ।
લીલા જગત્પતેસ્તસ્ય ચ્છન્દતઃ પરિવર્તતે