Vishnu Purana · Chapter 5.17

iti śrīviṣṇumāhapurāṇe pañcamāṃśe ṣoṭaśo 'dhyāyaḥ (16)
śrīparāśara uvāca
akrūro 'pi viniṣkramya syandanenāśugāminā /
kṛṣṇasaṃdarśanākāṅkṣī prayayau nandagokulam

cintayāmāsa cākrūro nāsti dhanyataro mayā /
yo 'ham aṃśāvatīrṇasya mukhaṃ drakṣyāmi cakriṇaḥ

adya me saphalaṃ janma suprabhātābhavanniśā /
yadunnidrābhapatrākṣaṃ viṣṇordrakṣyāmyahaṃ mukham

pāpaṃ harati yatpuṃsāṃ smṛtaṃ saṃkalpanāmayam /
tatpuṇḍarīkanayanaṃ viṣṇordrakṣyāmyahaṃ mukham

vinirjagmuryato vedā vedāṅgānyakhilāni ca /
drakṣyāmi tatparaṃ dhāma dhāmrāṃ bhagavato mukham

yajñeṣu yajñapuruṣaḥ puruṣaiḥ puruṣottamaḥ /
ijyate yo 'khilādhārastaṃ drakṣyāmi jagatpatim

iṣṭvā yamindro yajñānāṃ śatenāmararājatām /
avāpa tamanantādimahaṃ drakṣyāmi keśavam

na brahma nendrarudrāśvivasvādityamarudgaṇāḥ /
yasya svarūpaṃ jānanti pratyakṣaṃ yāti me hariḥ

sarvātmā sarvavit sarvaḥ sarvabhūteṣv avasthitaḥ /
yohya'cintyo 'vyayo vyāpī sa vakṣyati mayā saha

matsya kūrmavarāhāśvasiṃharūpādibhiḥ sthitim /
cakāra jagato yo 'jaḥ jagato yo 'jaḥ so 'dya māṃ pralapiṣyati

sāṃprataṃ ca jagatsvāmī kāryamātmahṛdi sthitam /
kartuṃ manuṣyatāṃ prāptaḥsvecchādehadhṛdavyayaḥ

yonantaḥ pṛthivīṃ dhatte śekharasthitisaṃsthitām /
so 'vatīrṇo jagatyarthe māma krūreti vakṣyati

pitṛputrasuhṛdbhrātṛmātṛbandhumayīmimām /
yanmāyāṃ nālamuttartuṃ jagattasmai namonamaḥ

taratyavidyāṃ vitatāṃ hṛdi yasminniveśite /
yogamāyāmameyāya tasmai vidyātmane namaḥ

yajvabhir yajñapuruṣo vāsudevaś ca sāttvataiḥ /
vedāntavedibhir viṣṇuḥ procyate yo natosmi tam

yathā yatra jagaddhāmni dhātaryetatpratiṣṭhitam /
sadasattena satyena mayyasau yātu saumyātām

smṛte sakalakalyāṇabhājanaṃ yatra jāyate /
puruṣastamajaṃ nityaṃ vrajāmi śaraṇaṃ harim

śrīparāśara uvāca
itthaṃ saṃcintayanviṣṇuṃ bhaktinamrātmamānasaḥ /
akrūro gokulaṃ prāptaḥ kiñcitsūrye virājati

sa dadarśa tadā kṛṣṇamādāvādohane gavām /
vatsamadhyāgataṃ phullanī lotpaladalacchavim

praphullapadmapatrākṣaṃ śrīvatsāṃkitavakṣasam /
pralaṃbabāhumāyāmatuṅgorasthalamunnasam

savilāsasmitādhāraṃ bibhrāṇaṃ mukhapaṅkajam /
juṅgaraktanakhaṃ padybhāṃ dharaṇyāṃ supratiḥṣitam

bibhrāṇaṃ vāsasī pīte vanyapuṣpavibhūṣitam /
seṃdunīlācalābhaṃ taṃ sitāṃbhojāvataṃsakam

haṃsakundendudhavalaṃ nīlāṃbaradharaṃ dvija /
tasyānu balabhadraṃ ca dadarśa yadunandanam

prāṃśumuttuṅgabāhvaṃsaṃ vikāsi mukhapaṅkajam /
meghamālāparivṛtaṃ kailāsādrimivāparam

tau dṛṣṭvā vikasadvaktrasarojaḥ sa mahāmatiḥ /
pulakāñcitasarvāṅgastadākrūro 'jagaddhātari bhavanmune

tadetatparamaṃ dhāma tadetatparamaṃ padam /
bhagavadvāsudevāṃśo dvidhā yo 'yaṃ vyavasthitaḥ

sāphalyamakṣṇoryugametadatra dṛṣṭe jagaddhātari yātamuccaiḥ /
apyaṅgametadbhagavatprasādāttadaṅgasaṃge phalavanmama syāt

apyeṣa pṛṣṭhe mama hastapadmaṃ kariṣyati śrīmadanantamūrtiḥ /
yasyāṅgulisparśahatākhilāghair avāpyate siddhirapāstadoṣā

yenāgnividyudraviraśmimālākarālamatyugramapeta caktram /
cakraṃ ghnatā daityapaterhṛtāni daityāṅganānāṃ nayanāñjanāni

yatrāṃbu vinyasya balirmanojñānavāpa bhogānvasudhātavalasthaḥ /
tathāmaratvaṃ tridaśādhipatvaṃ manvantaraṃ pūrṇamapetaśatrum

apyeṣa māṃ kaṃsaparigraheṇa doṣāspadībhūtamadoṣaduṣṭam /
kartāmānopahataṃ dhigastu tajjanma yatsādhubahiṣkṛtasya

jñānātmakasyāmalasattvarāśerapetadoṣasya sadā sphuṭasya /
kiṃ vā jagatyatra samastapuṃsāmajñātamasyāsti hṛdi sthitasya

tasmādahaṃ bhaktivinamracetā vrajāmi sarveśvamīśvarāṇām /
aṃśāvatāraṃ puruṣottamasya hyanādimadhyāntamajasya viṣṇoḥ