Vishnu Purana · Chapter 5.14

iti śrīviṣṇumahāpurāṇe pañcamāṃśe trayodaśodhyāyaḥ (13)
śrīparāśara vāca
pradoṣāgro kadācittu rāsāsakte janārdane /
trāsayansamado gauṣṭhamariṣṭasamupāgamat

sa toyatoyadacchāyastīkṣṇaśṛṅgorkalocanaḥ /
khurāgrapātair atyarthaṃ dārayandhāraṇītalam

lelihānaḥsaniṣpeṣaṃ jihvayoṣṭhau punaḥpunaḥ /
saṃraṃbhāviddhalāṅgūlaḥ kaṭhinaskandhabandhanaḥ

udagrakakudābhogapramāṇo duratikramaḥ /
viṇmū6traliptapṛṣṭhāṅgo gavamudvegakārakaḥ

pralaṃbakaṇṭho 'timukhastarukhātāṅkitānanaḥ /
pātayansa gāvaṃ garbhandaityo vṛṣabharūpadhṛk

sūdayaṃstāpasānugro vanānaṭati yaḥsadā

tatastamatighorākṣamavekṣyātibhayāturāḥ /
gopā gopastriyaścaiva kṛṣṇakṛṣṇeti cukruśuḥ

siṃhanādaṃ tataś cakre talaśabdaṃ ca keśavaḥ /
tacchabda śravaṇāccāsau dāmodaramupāyayau

agranyastaviṣāṇāgraḥ kṛṣṇakukṣikṛtekṣaṇaḥ /
abhyadhāvata duṣṭātmā kṛṣṇaṃ vṛṣabhadānavaḥ

āyāntaṃ daityavṛṣabhaṃ dṛṣṭvā kṛṣṇo mahābalaḥ /
na cacāla tadāsthānādavajñāsmitalīlayā

āsannaṃ caiva jagrāha grāhavanmadhusūdanaḥ /
jaghāna jānunā kukṣau viṣāṇagrahaṇācalam

tasya darpabalaṃ bhaṅktvā gṛhītasya viṣāṇayoḥ /
apīḍayadariṣṭasya kaṇṭhaṃ klinnamivāṃbaram

utpāṭya śṛṅgamekaṃ tu tenaivātāḍayattataḥ /
mamāra sa mahādaityau mukhācchoṇitamudvaman

tuṣṭuvur nihate tasmin daitye gopā janārdanam /
jaṃbhe hate sahasrākṣaṃ purā devagaṇā yathā