વિષ્ણુ પુરાણ · અધ્યાય 5.14

ઇતિ શ્રીવિષ્ણુમહાપુરાણે પઞ્ચમાંશે ત્રયોદશોધ્યાયઃ (13)
શ્રીપરાશર વાચ
પ્રદોષાગ્રો કદાચિત્તુ રાસાસક્તે જનાર્દને ।
ત્રાસયન્સમદો ગૌષ્ઠમરિષ્ટસમુપાગમત્

સ તોયતોયદચ્છાયસ્તીક્ષ્ણશૃઙ્ગોર્કલોચનઃ ।
ખુરાગ્રપાતૈર્ અત્યર્થં દારયન્ધારણીતલમ્

લેલિહાનઃસનિષ્પેષં જિહ્વયોષ્ઠૌ પુનઃપુનઃ ।
સંરંભાવિદ્ધલાઙ્ગૂલઃ કઠિનસ્કન્ધબન્ધનઃ

ઉદગ્રકકુદાભોગપ્રમાણો દુરતિક્રમઃ ।
વિણ્મૂ6ત્રલિપ્તપૃષ્ઠાઙ્ગો ગવમુદ્વેગકારકઃ

પ્રલંબકણ્ઠો ઽતિમુખસ્તરુખાતાઙ્કિતાનનઃ ।
પાતયન્સ ગાવં ગર્ભન્દૈત્યો વૃષભરૂપધૃક્

સૂદયંસ્તાપસાનુગ્રો વનાનટતિ યઃસદા

તતસ્તમતિઘોરાક્ષમવેક્ષ્યાતિભયાતુરાઃ ।
ગોપા ગોપસ્ત્રિયશ્ચૈવ કૃષ્ણકૃષ્ણેતિ ચુક્રુશુઃ

સિંહનાદં તતશ્ ચક્રે તલશબ્દં ચ કેશવઃ ।
તચ્છબ્દ શ્રવણાચ્ચાસૌ દામોદરમુપાયયૌ

અગ્રન્યસ્તવિષાણાગ્રઃ કૃષ્ણકુક્ષિકૃતેક્ષણઃ ।
અભ્યધાવત દુષ્ટાત્મા કૃષ્ણં વૃષભદાનવઃ

આયાન્તં દૈત્યવૃષભં દૃષ્ટ્વા કૃષ્ણો મહાબલઃ ।
ન ચચાલ તદાસ્થાનાદવજ્ઞાસ્મિતલીલયા

આસન્નં ચૈવ જગ્રાહ ગ્રાહવન્મધુસૂદનઃ ।
જઘાન જાનુના કુક્ષૌ વિષાણગ્રહણાચલમ્

તસ્ય દર્પબલં ભઙ્ક્ત્વા ગૃહીતસ્ય વિષાણયોઃ ।
અપીડયદરિષ્ટસ્ય કણ્ઠં ક્લિન્નમિવાંબરમ્

ઉત્પાટ્ય શૃઙ્ગમેકં તુ તેનૈવાતાડયત્તતઃ ।
મમાર સ મહાદૈત્યૌ મુખાચ્છોણિતમુદ્વમન્

તુષ્ટુવુર્ નિહતે તસ્મિન્ દૈત્યે ગોપા જનાર્દનમ્ ।
જંભે હતે સહસ્રાક્ષં પુરા દેવગણા યથા