Vishnu Purana · Chapter 5.12

iti śrīviṣṇumahāpurāṇe pañcamāṃśa ekādaśo 'dhyāyaḥ (11)
śrīparāśara uvāca
dhṛte govardhane śaile paritrāte ca gokule /
rojayāmāsa kṛṣṇasyadarśanaṃ pākaśāsanaḥ

so 'dhiruhya mahānāgam airāvatam amitrajit /
govardhanagirau kṛṣṇaṃ dadarśa tridaśeśvaraḥ

cārayantaṃ mahāvīryaṃ gāstu gopavapurdharam /
kṛtsnasya jagato gopaṃ vṛtaṃ gopakumārakaiḥ

garuḍaṃ ca dadarśoccair antardhānagataṃ dvija /
kṛtacchāyaṃ harermūrdhni pakṣābhyāṃ pakṣipuṅgavam

avaruhya sa nāgendrādekānte madhusūdanam /
śakraḥsasmitamāhedaṃ prītivistāritekṣaṇaḥ

indra uvāca
kṛṣṇakṛṣṇa śṛṇuṣvedaṃ yadartha mahāmāgataḥ /
tvatsamīpaṃ mahābāho naitac cintyaṃ tvāyānyathā

bhārāvatāraṇārthāya pṛthivyāḥ pṛthivītale /
avatīrṇo 'khilādhāra tvameva parameśvara

makhabhaṅgavirodhena mayā gokulānāśakāḥ /
samādiṣṭā mahāmeghāstaiś cedaṃ kadanaṃ kṛtam

trātāstāś ca tvāyā gāvaḥsamutpāṭya mahīdharam /
tenāhaṃ toṣito vīrakarmaṇātyadbhutena te

sādhinaṃ kṛṣṇa devānāmahaṃ manye prayojanam /
tvayāyamadripravaraḥ kareṇaikenayaddhṛtaḥ

gobhiś ca coditaḥ kṛṣṇa tvatsakāśamihāgataḥ /
tvayā trātābhir atyarthaṃ yuṣmatsatkārakāraṇāt

sa tvāṃ kṛṣṇābhiṣekṣyāmi gāvaṃ vākyapracoditaḥ /
upendratve gavamidro govindastvaṃ bhaviṣyasi

śrīparāśara uvāca
athopavāhyādādāya ghaṇṭām airāvatād gajāt /
abhiṣekaṃ tayā cakre pavitrajalapūrṇayā

kriyamāṇe 'bhiṣeke tu gāvaḥ kṛṣṇasya tatkṣaṇāt /
prasnavodbhūtadugdhārdrāṃ sadyaścakrurvasundharām

abhiṣicya gavāṃ vākyādupendraṃ vai janārdanam /
prītyā sapraśrayaṃ vākyaṃ punarāha śacīpatiḥ

gavāmetatkṛtaṃ vākyaṃ tathānyadapi me śṛṇu /
yadbavīmi mahābhāga bhārāvataraṇecchayā

mamāṃśaḥ puruṣavyāghra pṛthivyāṃ pṛthivīdhara /
avatīrṇor'junonāma saṃrakṣyo bhavatā sadā

bhārāvataraṇe sāhyaṃ sa te vīraḥ kariṣyati /
saṃrakṣaṇīyo bhavatā yathātmā madhusūdana

śrībhagavānuvāca
jānāmi bhārate vaṃśe jātaṃ pārthaṃ tavāṃśataḥ /
tamahaṃ pālayiṣyāmi yāvatsthāsyami bhūtale

yāvanmahītale śakra sthāsyāmyahamarindama /
na tāvadarjunaṃ kaściddevendra yudhi jeṣyati

kaṃso nāma mahābāhurdaityo 'riṣṭastathāsuraḥ /
keśī kuvalayāpīḍo narakādyās tathā pare

hateṣu teṣu devendra bhaviṣyati mahāhavaḥ /
tatra viddhi sahasrākṣa bhārāvataraṇaṃ kṛtam

sa tvaṃ gaccha na saṃtāpaṃ putrārthe kartumarhasi /
nārjunasya ripuḥ kaścinmamāgre prabhaviṣyati

arjunārthe tvahaṃ sarvānyudhiṣṭhirapurogamān /
nivṛtte bhārate yuddhe kuntyai dāsyāmyavikṣatām

śrīparāśara uvāca
ityuktaḥ saṃpariṣvajya devārājo janārdanam /
āruhyaurāvataṃ nāgaṃ punareva divaṃ yayau

kṛṣṇo hi sahito gobhir gopālaiś ca punarvrajam /
ājagāmātha gopīnāṃ dṛṣṭipūtena vartmanā