Vishnu Purana · Chapter 4.5

iti śrīviṣṇumahāpurāṇe caturthaṃśe caturatho 'dhyāyaḥ (4)
śrīparāśara uvāca
ikṣvākutinayo yosau nimirnāmnā sahasraṃ vatsaraṃ satramārebhe

vasiṣṭhiṃ ca hotāraṃ varayāmāsa

tamāha vasiṣṭhohamindreṇa pañcavarṣaśatayāgārthaṃ prathamaṃ vṛtaḥ

tadanantaraṃ pratipālyatāmāgatastavāpi ṛtvik bhaviṣyamītyukte sa pṛthivīpatirna kiñciduktavān

vasiṣṭhopyanena samanvicchitamityamārapateryāgamakarot

so 'pi tatkāla evānyair gautamādibhir yāgam akarot

samāpte cāmarapateryāge tvarayā vasiṣṭhonimiyajñaṃ kariṣyāmītyājagām

tatkarmakartṛtvaṃ ca gautamasya dṛṣṭvā svapate tasmai rājñe māṃ pratyākhyāyaiva tadanena gautamāya karmāntaraṃ samarpitaṃ yasmāttasmādayaṃ videho bhaviṣyatīti śāpaṃ dadau

prabuddhaścāsāvavanipatirapi praha

yasmānmāmasaṃbhāṣyājñānata eva śayānasya śāpotsargamasau duṣṭaguruścakāra tasmāttasyāpi dehaḥ patiṣyatīti śāpaṃ dattvā dehamatyajat

tacchāpācca mitrāvaruṇayostejasi vasiṣṭhasya cetaḥ praviṣṭam

ruśīdarśanādudbhutabījaprapātayostayoḥsakāśādvasiṣṭho dehamaparaṃ lebhe

nimerapi taccharīramatimanoharagandhatailādibhir upasaṃskriyamāṇaṃ naiva kledādikaṃ doṣamavāpa sadyo mṛta iva tasthau

yajñasamāptau bhāgagrahaṇāya devānāgatānṛtvija ūcuḥ /
yajamānāya varo dīyatāmiti

devaiś ca chanditosau nimirāha

bhagavantokhilasasāraduḥkhahantāraḥ

na hyetādṛganyadduḥkhamasti yaccharīrātmanorviyoge bhavati

tadahamicchāmi sakalalokalocaneṣu vastuṃ na punaḥ śarīragrahaṇaṃ kartumityevamuktair devair asāvaśeṣabhūtānāṃ netreṣvavatāritaḥ

tato bhūtānyunmeṣanimeṣaṃ cakruḥ

aputrasya ca tasya bhūbhujaḥ śarīramarājakabhīravo munayo 'raṇyā mamanthuḥ

tatra ca kumāro jajñe

jananājjanakasaṃjñāṃ cāvāpa

abhūdvidehosya piteti vaidehaḥ mathanānmithiriti

tasyodāvasuḥ putro 'bhavat

udāvasornadivardhanastataḥsuketuḥ tasmāddevarātastataś ca bṛhadukthaḥ tasya ce mahāvīryastasyāpi sudhṛti

tataścadhṛṣṭaketurajāyata

dhṛṣṭaketorharyaśvastasya ca manuḥ manoḥ patikaḥ tasmātkṛtarathastasya devamīḍhaḥ tasya ca vibudhaḥ vibudhasya mahādhṛtistataś ca kṛtarātaḥ tato mahāromā tasya svarṇaromā tatputro hrasvaroṇā hrasvaromṇaḥsīradhvajo 'bhavat

tasya putrarthaṃ yajanabhuvaṃ kṛṣataḥ sīre sītā duhitā samutpannā

sīradhvajasya bhrātā saṃkāśyadhipatiḥ kuśadhvajanāmāsīt

sīradhvajasyāpatyaṃ bhānumān bhānumataḥ śatadyumnaḥ tasya tu śuciḥ tasmāccorjanāmā putro jajñe

tasyāpi śatadhvajaḥ tataḥ kṛtiḥ kṛterañjanaḥ tatputraḥ kurujit tato 'riṣṭanemiḥ tasmācchutāyuḥ śrutāyuṣaḥ supārśvāḥ tasmātsṛṃjayaḥ tataḥ kṣemāvī kṣemāvino 'nenāḥ tasmādbhaumarathaḥ tasya satyarathaḥ tasmādupaguḥ upagor upaguptaḥ tatputraḥ svāgatastasya ca svānandaḥ tasmācca suvarcāḥ tasya supārśvaḥ tasyāpisubhāṣaḥ suśrutaḥ tasmāsuśrutājjayaḥ tasya putro vijayaḥ vijayasya ṛtaḥ ṛtātsunayaḥ sunayādvītahavyaḥ tasmāddhūtiḥ dhṛtervabahulāsvaḥ tasya putraḥ kṛtiḥ

kṛtau saṃtiṣṭhatyayaṃ janakavaṃśaḥ

ityete maithilāḥ

prāyeṇaite ātmavidyāśrayiṇo bhūpālā bhavanti