Vishnu Purana · Chapter 4.24

iti śrīviṣṇumahāpurāṇe caturthāṃśe trayoviṃśo 'dhyāyaḥ (23)
śrīparāśara uvāca
yo 'yaṃ ripuñjayo nāma bārhadrathontyaḥ tasyāmātyo muniko nāma bhaviṣyati

sa cainaṃ svāminaṃ hatvā svuputraṃ pradyotanāmānamabhiṣekṣyati

tasyāpi balākanāmā putro bhavitā

tataś ca viśākhuyūpaḥ

tatputro janakaḥ

tasya ca nandivardhanaḥ

tato nandī

ityeteṣṭitriṃśaduttaramaṣṭaśataṃ pañca pradyotāḥ pṛthivīṃ bhokṣyanti

tataś ca śiśunābhaḥ

tatputraḥ kākavarṇo bhavitā

tasya ca putraḥ kṣemadharmā

tasyāpi kṣataujāḥ

tatputro vidhisāraḥ

tataścājātaśatruḥ

tasmādarbhakaḥ

tasmāccodayanaḥ

tasmādapinandivardhanaḥ

tato mahānandī

ityete śaiśanābhā bhūpālāstrīṇi varṣaśatāni dviṣaṣṭyadhikāni bhaviṣyanti

mahānandi nastataḥ śūdragarbhodbhavotilubdhotibalo mahāpadmanāmā nandaḥ paraśurāma ivārapo 'khilakṣatrāntakarī bhaviṣyati

tataḥ prabhṛti śudrā bhūpālā bhaviṣyanti

sa caikacchatrāmanullaṅghitaśāsano mahāpadmaḥ pṛthivīṃ bhokṣyate

tasyāpyaṣṭau sutāḥsumālyādya bhavitāraḥ

tasya mahāpadmasyānupṛthivīṃ bhokṣyanti

mahāpadmaputrāścakaṃ varṣaśatamavanīpatayo bhaviṣyanti

tataś ca navacaitānnandān kauṭilyo brāhmaṇaḥsamuddhariṣyati

teṣāmabhāve maurvyāḥ pṛthivīṃ bhokṣyanti

kauṭilya eva candraguptasutpannaṃ rājye 'bhiṣekṣyati

tasyāpi putro bindusāro bhaviṣyati

tasyāpyaśokavardhanastataḥsuyaśāstataś ca daśarathastataś ca saṃyutastataḥ śaliśukastasmātsomaśarmā tasyāpi somaśarmamaḥ śatadhanvā

tasyānubṛhadrathanāmā bhavitā

evamete mauryā daśa bhūpa tayo bhaviṣyanti abdaśataṃ saptatriṃśaduttaram

teṣāmante pṛthivīṃ daśa śuṅgā bhokṣyanti

puṣayamītraḥsenāpatiḥsvāminaṃ hatvā rājyaṃ kariṣyati tasyātmajo 'gnimitraḥ

tasmātsujyoṣṭhastato vasumitrastasmādapyudaṅkastataḥ pulindakastato ghoṣavasuskasmādapi bajramitrastato bhagavataḥ

tasmāddevabhūtiḥ

ityete śuṅgā dvādaśottaraṃ varṣaśataṃ pṛthivīṃ bhokṣyanti

tataḥ kaṇvāneṣābhūryāsyati

devabhūtiṃ tu śuṅgarājānaṃ vyasaninaṃ tasyaivāmātyaḥ kaṇvo vasudevanāmā taṃ nihatya svayamavanīṃ bhokṣyati

tasya putro bhūmitrastasyāpi nārāyaṇaḥ

nārāyaṇātmajaḥsuśarmā

ete kāmvāyanāścatvāraḥ pañcacatvārīśadūrṣāṇi bhūpatayo bhaviṣyanti

suśarmāṇaṃ tu kāṇvaṃ tadbhūtyo balipucchakanāmā hatvāndrajātīyo vasudhāṃ bhokṣyati

tataś ca kṛṣṇanāmā tadbhrātā pṛthivīpatirbhaviṣyati

tasyāpi putraḥ śāntakarṇistasyāpi pūrmotsaṃgastatputraḥ śatakarmistasmācca lambodarastasmācca pilakastato meghasvāti stataḥ paṭumān

tataścāriṣṭakarmā tato hālāhalaḥ

hālāhalātpalalakastataḥ pulindasenastataḥ suṃdarastataḥsātakarṇiḥ śivasvātistataś ca gomatiputrastatputro 'limān

tasyāpi śāntakarṇistataḥ śiviśritastaś ca śivaskandhastasmādapi yajñaśrīstato dviya5stasmāccandraśrīḥ

tasmātpulomāpihi

evameve triṃśaccatvāryabdaśatāni ṣaṭpañcāśadadhikāni pṛthivīṃ bhokṣyanti

āndhrabhṛtyāstaptābhīraprabhṛtayo daśagardabhinaś ca bhūbhujo bhaviṣyanti

tataḥṣoḍaśa bhūpatayo bhavitāraḥ

tataścāṣṭau yavanāścaturdaśa turuṣkārā muṇḍāś ca 6yodaśa yekādaśa maunā ete vai pṛthuvīpatayaḥ pṛthivarṣaśātāni navatyadhikāni bhokṣyanti

tataś ca maunā ekādaśa bhūpatayo 'bdaśātāni trīṇi pṛthivīṃ bhobhyanti

teṣūtsannoṣu kaiṃkilā yavanā būpatayo bhaviṣyantyamūrdhābhiṣiktāḥ

teṣāmapatyaṃ vindhyaśaktistataḥ puṃrajayastasmādrāmacandrastasmārmavarmā tato vaṅgastatobhūnnandanastataḥsunandī tadbhātā nandīyaśāḥ śukraḥ pravīra ete varṣaśataṃ ṣaḍvarṣāṇi bhūpatayo viṣyanti

tatastatputrāstrayodaśaute bāhlikāś ca trayaḥ

tataḥ puṣpamitrāḥ paṭumiyatrāstrayodasaikalāś ca saptāndhrāḥ

tataś ca kosalāyāṃ tu nava caiva bhūpatayo bhaviṣyanti

naiṣadhāstu ta eva

magadhāyāṃ tu viśvasphaṭika saṃjño 'nyānvarṇānkariṣyati

kaivartabaṭupulindabrāhmaṇānrājye sthapayiṣyati

utsādyākhilakṣatrajātiṃ nava nāgāḥ padmavatyāṃ nāma puryāmanugaṅgāprayāgaṃ gayā dguptāṃś ca māgadhā bhokṣyanti

kośalāndhrapuṇḍratāmraliptasamataṭapurīṃ ca devarakṣito rakṣitā

kaliṅgamāhiṣamahendrabhaumān guhā bhokṣyanti

naiṣanaimiṣakakālakośakāñjanapadānmaṇidhānyakavaṃśā bhokṣyanti

trairājyamuṣikajanapadānkanakāhvayaco bhokṣyati

saurāṣṭrāvantyaśudrābhīrānnarmadāmarubhūviṣayāṃś ca vrātyadvijābhīraśūdrādyā bhokṣyanti

siṃdhutaṭadāvikorvīcandra bhāgākāśmīraviṣayāṃścavrātyādharmarucayaḥ strībālagovadhakartāraḥ parasvādānarucayolpasārāstamistraprāyā uditāstamitaprāyā alpāyuṣo mahecchā hyalpadharmā lubdhāś ca bhaviṣyanti

ete ca tulyakālāḥsarve pṛthivyāṃ bhūbhujo bhaviṣyanti

alpaprasādā bṛhatkopāḥsārvakāla manṛtādharmarucayaḥ strībālagovadhakartāraḥ parasvādānarucayolpasārāstamistraprāyā uditāstamitaprāyā alpāyuṣo mahecchā hyalpadharmā lubdhāś ca bhaviṣyanti

taiś ca vimiśrā najapadāstacchīlānuvartino rājāśrayaśuṣmiṇo mlecchācārāś ca viparyayeṇa vartamānāḥ prajāḥ kṣapayiṣyanti

tataścānudinamalpālpahrāsavyavacchedāddharmārthayorjagataḥsaṃkṣayo bhaviṣyati

tataścārtha evābhijanahetuḥ

balamevāśeṣadharmahetuḥ

abhirucireva dāṃpatyasaṃbandhahetuḥ

strītvamevopabhogahetuḥ

anṛtameva vyavahārajayahetuḥ

unnatāṃbutaiva pṛthivīhetu

brahmasūtrameva vipratvahetuḥ

ratnadhātutaiva ślāghyatāhetuḥ

liṅgadhārāṇamevāśramahetuḥ

anyāyameva vṛttihetuḥ

daurbalyamevāvṛttihetuḥ

abhayapragalbhoccāraṇameva pāṇḍityahetuḥ

anāḍhyataiva sādhutvahetuḥ

strānameva prasādhanahetuḥ

dānameva dharmahetuḥ

svīkaraṇameva vivāhahetuḥ

sadveṣadhāryeva pātram

dūrāyatananodakameva tīrthahetuḥ

kapaṭaveṣadhāraṇameva mahattvahetuḥ

ityevamanekadoṣottare tu bhūmaṇḍale sarvāvarṇeṣveva yoyo balavānsasa bhūpatirbhaviṣyati

evaṃ cātilubdhakarājāsahāḥ śolānāmantaradroṇīḥ prajāḥsaṃśrayiṣyanti

madhuśākamūlaphalapatrapuṣpādyāhārāś ca bhaviṣyanti

taruvalkalaparṇacīraprāvaraṇāścātibahuprajāḥ śītavātātapavarṣasahāś ca bhaviṣyanti

na ca kaścittrayoviṃśativarṣāṇi jīviṣyati anavarataṃ cātra kaliyuge bhayamāyātyakhila evaiṣa janaḥ

śrautasmārte ca dharme viplavamatyantamupagate kṣīṇaprāye ca kalāvaśeṣajagatstraṣṭuścarācaragurorādimadhyāntarahitasya brahmamayasyātmarūpiṇo bhagavato vāsudevasyāṃśaḥ śaṃbalagrāmapradhānabrāhmaṇasya viṣṇuyaśaso gaheṣṭaguṇardhisamanvitaḥ kalkirūpījagatyatrāvatīrya sakalamlecchadasyuduṣṭācaramacetasāmaśeṣāṇāmaparicchinnaśaktimāhātmyaḥ kṣayaṃ kariṣyati svadharmeṣu cā khilameva saṃsthāpayiṣyati

anantaraṃ cāśeṣakaleravasāne niśāvasāne vibuddhānāmiva teṣāmeva janapadānāmamalasphaṭitadalaśuddhā matayo bhaviṣyanti

teṣāṃ ca bījabhūtānāmaśeṣamanuṣyāṇāṃ pariṇatānāmapi tatkālakṛtāpatyaprasūtirbhaviṣyati

tāni ca tadapatyāni kṛtayugānusārīṇyeva bhaviṣyanti

atrocyate
yathā candraś ca sūryaś ca tathā tiṣyo bṛhaspatiḥ /
ekarāśau sameṣyanti tadā bhavati vai kṛtam

atītā vartamānāś ca tathaivānāgatāś ca ye /
ete vaṃśeṣu bhūpālāḥ kathitā munisattama

yāvatparīkṣito janma yāvannandābhiṣecanam /
etadvarṣasahasraṃ tu jñeyaṃ pañcāśaduttaram

saptarṣīṇāṃ tu yau pūrvau dṛśyete hyuditau divi /
tayostu madhye nakṣatraṃ dṛśyate yatsamaṃ niśi

tena saptarṣayo yuktāstiṣṭhantyabdaśataṃ nṛṇām /
te tu pārīkṣite kāle maghāsvāsandvijottama

tadā pravṛttaś ca kalirdvādaśābdaśatātmakaḥ

yadaiva bhagavānviṣṇoraṃśo yāto divaṃ dvija /
vasudevakulodbhūtastadaivātrāgataḥ kaliḥ

yāvatsapādapadmābhyāṃ pasparśemāṃ vasuṃdharām /
tāvatputhvīpariṣvaṅge samartho nābhavatkaliḥ

gate sanātanasyāṃśe viṣṇostatra bhuvo divam /
tatyāja sānujo rājyaṃ dharma putro yudhiṣṭhiraḥ

viparītāni dṛṣṭvā ca nimittāni hi pāṇḍavaḥ /
yāte kṛṣṇe cakārātha so 'bhiṣekaṃ parīkṣitaḥ

prayāsyanti yadā caite pūrvāṣāḍhāṃ maharṣayaḥ /
tadā nandātprabhṛtyeṣa gativṛddhiṃ gamiṣyati

yasmin kṛṣṇo divaṃ yātastasminneva tadā hani /
pratipannaṃ kaliyugaṃ tasya saṃkhyāṃ nibodha me

trīṇi lakṣāṇi varṣāṇāṃ dvija mānuṣyasaṃkhyayā /
ṣaṣṭiścaiva sahasrāṇi bhaviṣyatyeṣa vai kaliḥ

śātāni tāni divyānāṃ sapta pañca ca saṃkhyayā /
niḥśeṣeṇa gate tasminbhaviṣyati punaḥ kṛtam

brāhmaṇāḥ kṣittriyā vaiśyāḥ śudrāś ca dvijasattama /
yugeyuge mahātmānaḥ samatītāḥsahasraśaḥ

bahutvānnāmadheyānāṃ parisaṃkhyā kulekule /
paunaruktyāddhi sāmyāc ca na mayā parikīrtitā

devāpiḥ poravo rājā puruścekṣākuvaṃśajaḥ /
mahāyogabalopetau kalāpagramasaṃśritau

kṛte yuge tvihāgamya kṣatraprāvartakau hi tau /
bhaviṣyato manorvaśabījabhūtau vyavasthitau

etena kramayogena manuputraurvasuṃdharā /
kṛtatretādvāparāṇi yugāni trīṇi bhujyate

kalau te bījabhūtā vai kecittiṣṭhanti vai mune /
yathaiva devāpipurū sāṃprataṃ samadhiṣṭhitau

eṣa tūddeśato vaṃśastavokto bhūbhujāṃ mayā /
nikhilo gadituṃ śakyo naiṣa varṣaśatair api

ete cānye ca bhūpālā yair atra kṣitimaṇḍale /
kṛtaṃ mamatvaṃ mohāndhair nityaṃ heyakalevare

kathaṃ mameyamacalā matputrasya kathaṃ mahī /
madvaṃśasyeticintārtā jagmurantamime nṛpāḥ

tebhyaḥ pūrvatarāścānye tebhyastebhyas tathā pare /
bhaviṣyāścaiva yāsyanti teṣāmanye ca ye 'pyanu

vilokyātmajayodyogaṃ yātrāvyagrānnarādhipān /
puṣpaprahāsaiḥ śaradi hasaṃtīva vasuṃdharā

maitreya pṛthivīgītāñchlokāṃścātra nibodha me /
yānāha dharmadhvajine najakāyāsito muniḥ

pṛthivyuvāca
kathameṣa naredrāṇāṃ moho buddhimatāmapi /
yena kena sadharmāṇopyativiśvastacetasaḥ

pūrvamātmajayaṃ kṛtvā jetumicchanti mantriṇaḥ /
tato bhṛtyāṃś ca paurāṃś ca jigīṣante tathā ripūn

krameṇānena jeṣyāmo vayaṃ pṛthvīṃ sasāgarām /
ityāsaktadhiyo mṛtyuṃ na paśyantyavidvaragam

samudrāvaraṇaṃ yāti bhūmaṇḍalamatho vaśam /
kiyadātmajayasyaitanmuktirātmajayephalam

utsṛjya pūrvajā yātā yāṃ nādāya gataḥ pitā /
tāṃ māmatīva mūḍhatvājjetumicchanti pārthivāḥ

matkṛte pitṛ putrāṇāṃ bhrātṝṇāṃ cāpi vigrahaḥ /
jāyatetyantamohena mamatvādṛtacetasām

pṛthvī mameyaṃ sakalā mamaiṣā madanvayasyāpi ca śāśvatīyam /
yoyo mṛte 'nyatra babhūva rājā kubuddhirā sīditi tasyatasya

dṛṣṭvā mamatvādṛtacittamekaṃ vihāya māṃ mṛtyuvaśaṃ vrajantam /
tasyānuyastasya kathaṃ mamatvaṃ hṛdyāspadaṃ matprabhavaṃ karoti

pṛthvī mamaiṣā'śu parityajaināṃ vadanti ye dūtamukhaiḥ svaśatrūn /
narādhipāsteṣu mamātihāsaḥ punaś ca mūḍheṣu dayābhyupaiti

śrīparāśara uvāca
ityete dharaṇīgītaḥ ślokā maitreya yaiḥ śrutāḥ /
mamatvaṃ vilayaṃ yāti tapatyarke yathā himam

ityeṣa kathitaḥ samyaṅmanorvaśo mayā tava /
yatra sthitipravṛttasya viṣṇoraṃśāṃśakā nṛpāḥ

śṛṇoti ya imaṃ bhaktyā manorvaśamanukramāt /
tasya pāpamaśeṣaṃ vai praṇaśyatyamalātmanaḥ

dhanadhānyardhimatulāṃ prāpnotyavyāhatendriyaḥ /
śrutvaivamakhilaṃ vaṃśaṃ praśastaṃ śaśīsūryayoḥ

ikṣvākujahnumāndhātṛsagarāvikṣitānraghūn /
yayātinahuṣādyāṃś ca jñātvā niṣṭhāmupāgatān

mahābalānmahāvīryānanantadhanasaṃcayān /
kṛtānkālena balinā kathāśeṣānnarādhipān

śrutvā na putradārādau gṛhakṣetrādike tathā /
dravyādau vā kṛtaprajño mamatvaṃ kurute naraḥ

taptaṃ tapo yaiḥ puruṣapravīrair udvāhubhir varṣagaṇānanekān /
iṣṭvā suyajñair balinotivīryāḥ kṛtānukālena kathāvaśeṣāḥ

pṛthuḥsamastānvicacāra lokānavyāhato yovijitāricakraḥ /
sa kālavātābhihataḥ praṇaṣṭaḥ kṣiptaṃ yathā śālmalitūlamagnau

yaḥ kārtavīryo bubhuje samastāndvīpānsamākramyahatāricakraḥ /
kathāprasaṃgeṣvabhidhīyamānaḥsa eva saṃkalpavikalpahetuḥ

daśānanāvikṣatarāghavāṇāmaiśvaryamudbhāsitadiṅmukhānām /
bhasmāpi śiṣṭaṃ na kathaṃ kṣaṇena bhrūbhaṅgapātena dhigantakasya

kathāśarīratvamavāpa yadvai māndhātṛnāmā bhuvi cakravartī /
śrutvāpi tatkohi karoti sādhurmamatvamānmanyapi mandacetāḥ

bhagīrathādyāḥsagaraṃ kakutstho daśanano rāghavalakṣmaṇau ca /
yudhiṣṭhirādyāś ca babhūvurete satyaṃ na mithyā kva nu te na vidmaḥ

ye sāṃprataṃ ye ca nṛpā bhaviṣyāḥ proktā mayā vipravarogravīyāḥ /
ete tathānye ca tathābhidheyāḥ sarve bhaviṣyanti yathaiva pūrve

eta dviditvā na nareṇa kāryaṃ mamatvamātmanyapi paṇḍitena /
tiṣṭhantu tāvattanayātmajāyāḥ kṣetrādayo ye ca śarīriṇo 'nye