Vishnu Purana · Chapter 4.23

iti śrīmahāviṣṇupurāṇe cuturthāṃśe dvāviṃśo 'dhyāyaḥ (22)
śrīparāśara uvāca
māgadhānāṃ bārhadrathānāṃ bhāvināmanukramaṃ kathayiṣyāmi

atra hi vaṃśe mahābalaparākramā jarāṃsaṃdhapradhānā babhūvuḥ

jarāsaṃdhasya putraḥ sahadevaḥ

sahadevātsomāpistasyānuśrutaśravāstasyāpyayutāyustataś ca niramitrastattanayaḥsunetrastasmādapi bṛhatkarmā

tataś ca senajittataś ca śrutañjayastato viprastasya ca putraḥ śucināmā bhaviṣyati

tasyāpi kṣemyastataś ca suvrataḥsuvratāddharmastataḥsuśravā

tato dṛḍhasenaḥ

tasmātsubalaḥ

subalātsunīto bhavitā

tataḥsatyajit

tasmādviśvajit

tasyāpi ripuñjayaḥ

ityete bārhadrathā bhūpatayo varṣasahasramekaṃ bhaviṣyanti