Vishnu Purana · Chapter 4.19

iti śrīviṣṇumahāpurāṇe caturthāṃśe 'ṣṭādaśo 'dhyāyaḥ (18)
śrīparāśara uvāca
pūrorjanamejayastasyāpi pracinvān pracinvataḥ pravīraḥ pravīrānmanasyurmanasyoścābhayadaḥ tasyāpi sudyuḥsudyor bahugataḥ tasyāpi saṃyātiḥsaṃyāterahaṃyātiḥ tato raudrāśvaḥ

ṛteṣukakṣeṣusthaṇḍileṣukṛteṣujaleṣudharmedhṛteṣusthaleṣusannateṣunāmāno raudrāśvasya daśa putrā babhūvuḥ

ṛteṣorantināraḥ putro 'bhūt

sumatimapratirathaṃ dhruvaṃ cāpyantināraḥ putrānavāpa

apratiraṣasya kaṇvaḥ putro 'bhūt

tasyāpi medhātithiḥ

yataḥ kaṇvāyanā dvijā babhūvuḥ

apratirathasyāparaḥ putro 'bhūdailīnaḥ

elīnasya duṣyantādyāścatvāraḥ putrā babhūvuḥ

duṣyantāccakravartī bharato 'bhūt

yannāmaheturdevaiḥ śleko gīyate

mātā bhastra pituḥ putro yena jātaḥ sa eva saḥ /
bharasva putraṃ duṣyantamāvamaṃsthāḥ śakuntalām

retodhāḥ putro nayati naradeva yamakṣayāt /
tvaṃ cāsya dhātā garbhasya satyamāha śakuntalā

bharatasya patnitraye nava putrā babhūvuḥ

naite mamānurūpā ityabhihitāstanmātaraḥ parityāgabhayāttatputrāñjaghnuḥ

tatosya vitathe putrajanmani putrārthino marutsomayājino dīrghatamasaḥ pārṣṇyapāstadvṛhaspativīryādutathyapatnyāṃ mamatāyāṃ samutpanno bharadvājākhyaḥ putro marudbhir dattaḥ

tasyāpi nāmanirvacanaślokaḥ paṭhyate
mūḍhe bhara dvājamimaṃ bharadvājaṃ bṛhaspate | yātau yaduktvā pitarau bharadvājastatastvayam

bharadvājaḥsa tasya vitathe putrajanmani marudbhir dattaḥ tato vitathasaṃjñāmavāpa

vitathasyāpi manyuḥ putro 'bhavat

bṛhatkṣatramahāvīryanagaragargā abhavanmanyuputrāḥ

nagarasya saṃkṛtiḥsaṃkṛterguruprītirantidevau

gargācchiniḥ tataś ca gārgyāḥ śainyāḥ kṣatropetā dvijātayo babhūvu

mahāvīryācca durukṣayo nāma putro 'bhavat

tasya trayyāruṇiḥ puṣkariṇaḥ kapiś ca putrakṣayamabhūt

tacca putratritayamapi paścādvipratāmupajagām

bṛhatkṣa6sya suhotraḥ

suhotraddhastī ya idaṃ hastinapuramāvāsayāmāsa

ajamīḍhadvijamīḍhāstrayo

ajamīḍhātkaṇvaḥ

kaṇvānmedhātithiḥ

yataḥ kaṇvāyanā dvijāḥ

ajamīḍhasyānyaḥ putro bṛhadiṣuḥ

bṛhadiṣorbṛhaddhanurbṛhaddhanuṣaś ca bṛhatkarmā tataś ca jayadrathastasmādapiviśvajit

tataś ca senajit

rucirāśvakāśyadṛḍhahanuvatsanusaṃjñāḥsenajitaḥ putrāḥ

rucirāśvaputraḥ pṛthusenaḥ pṛthusenātpāraḥ

pārānnīlaḥ

tasyaikaśataṃ putrāṇām

teṣāṃ pradhānaḥ kāṃpilyādhipatiḥsamaraḥ

samarasyāpi pārasupārasadaśvāstrayaḥca putrāḥ

supārātpṛthuḥ pṛthoḥsukṛtervibhrājaḥ

tasmāccāṇuhaḥ

yaḥ śukaduhitaraṅkīrti nāmopayeme

aṇuhādbrahyadattaḥ

tataś ca viṣvaksenastasmādudaksenaḥ

bhallābhastasya cātmajaḥ

dvijamīḍhasya tu yavīnarasaṃjñaḥ putraḥ

tasyāpi dhṛtimāṃstasmācca satyadhṛtistataś ca dṛḍhanemistasmācca supārśvastataḥsumatistataś ca sannatimān

sannatimataḥ kṛtaḥ putro 'bhūt

yaṃ hiraṇyanābho yogamadhyāpayāmāsa

yaścaturviṃśatiprācyasāmāgānāṃ saṃhitāścakāra

kṛtāccogrāyudhaḥ

yena prācuryeṇa nīpakṣayaḥ kṛtaḥ

ugrāyughātkṣemyaḥ kṣemyātsudhīrastasmādripuñjayaḥ tasmācca bahurathaityete pauravāḥ

ajamīḍhasya nalinī nāma patnī tasyāṃ nīlasaṃjñaḥ putro 'bhavat

tasmādapi śāntiḥ śānteḥsuśāntiḥsuśānteḥ purañjayaḥ tasmācca ṛkṣaḥ

tataś ca haryaśvaḥ

tasmānmudgalasṛṃjayabṛhadiṣuyavīnarakāṃpilyasaṃjñāḥ pañcānāmaiva teṣāṃ viṣayāṇāṃ rakṣaṇāyālamete matputrā iti pitrābhihitāḥ pāñcālāḥ

mudralācca maudgalyāḥ kṣatropetā dvijātayo babhūvuḥ

mudgalāddharyaśvaḥ

haryaśvāddivodāso 'halyā ca mithunamabhūt

śaradvataścāhalyāyāṃ śatānando 'bhavat

śatānandātsatyadhṛtirdhanurvedāntago jajñe

satyadhṛtervarāpsarasamurvaśīṃ dṛṣṭvā retaskannaṃ śarastaṃbe papāta

tacca dvidhāgatamapatyadvayaṃ kumāraḥ kanyā cābhavat

tau ca mṛgayāmupayātaḥ śantanurdṛṣṭvā kṛpayā jagrāha

tataḥ kunyā cāśvatthāmno jananī kṛpī droṇācāryasya patnya bhavat

divodāsasya putro mitrāyuḥ

mitrāyoścayavano nāma rājā

cyavanātsudāsaḥ sudāsātsaudāsaḥ saudāsātsahadevastasyāpi somakaḥ

somakājjantuḥ putraśatajyeṣṭho 'bhavat

teṣāṃ yavīyān pṛṣataḥ pṛṣatād drupadas tasmācca dhṛṣṭadyumnastatodhṛṣṭaketuḥ

ajamīḍhasyānyo ṛkṣanāmā putro 'bhavat // 74 //
tasya saṃvaraṇaḥ

saṃvaraṇātsuraḥ

ya idaṃ dharmakṣetraṃ kurukṣetraṃ cakāra

sudhanurjahnuparīkṣitpramukhāḥ kuroḥ babhūvuḥ

sudhanuṣaḥ putraḥsuho6stasmāccyavanaḥ cyavanāt kṛtakaḥ

tataścoparicaro vasuḥ

bṛhadrathapratyagrakuśāṃbakucelamātsyapramukhāḥ vasoḥ putrāḥsaptājāyanta

vṛhadrathātkuśāgraḥ kuśāgrādvṛṣabhaḥ vṛṣabhāt puṣpavān tasmātsatyahitaḥ tasmātsudhanvā tasya ca jatuḥ

bṛṃhadrathāccānyaḥ śakaladvayajanmā jarayā saṃdhito jarāsaṃdhanāmā

tasmātsahadevaḥsahadevātsomapastataś ca śrutiśravāḥ

ityete mayā māgadhā bhūpālāḥ kathitāḥ