Vishnu Purana · Chapter 4.18

iti viṣṇumahāpurāṇe caturthāṃśe saptadaśo 'dhyāyaḥ (17)
śrīparāśara uvāca
yayāleścāturthaputrasyānoḥsabhānalacakṣuḥ parameṣusaṃjñāstrayaḥ putrā babhūvuḥ

sabhānalaputraḥ kālānalaḥ // 2 //
kālānalātsṛṃjayaḥ

sṛṃjayāt purañjayaḥ

purañjayājjanamejayaḥ

tasmānmahāśālaḥ

tasmācca mahāmanāḥ

tasmāduśīnaratitīkṣū dvau putrāvutpannau

uśīnarasyāpi śibinṛganavakṛmi varmākhyāḥ pañca putrā babhūvuḥ

pṛṣadarbhasuvīrakekayamadrakāścatvāraśiśabiputrāḥ

titīkṣorapi ruśadrathaḥ putro 'bhūt

tasyāpi hemaḥ hemasyāpi sutapāḥ sutapasaś ca baliḥ

yasya kṣetre dīrghatamasāṃgavaṅgakaliṅgasuhyapaiṇḍrākhyaṃ vāleyaṃ kṣatramajanyata

tannāmasaṃtasatisaṃjñāś ca pañcaviṣayāḥ babhūvuḥ

aṅgādanapānastato divirathastasmāddharmarathaḥ

tataścitrarathaḥ romapādasaṃjñaḥ

yasya daśaratho mitraṃ jajñe

yasyājaputro daśarathaḥ śāntāṃ nāma kanyāmanapatyasyaduhitṛtve yuyoja

romapādāccaturaṅgaḥ tasmātpṛthulākṣaḥ

tataścaṃpaḥ yaścaṃpāṃ niveśāyāmāsa

caṃpasya haryaṅgo nāmātmajo 'bhūt

haryaṅgādbhadrarathaḥ bhadrarathādbṛhadrathaḥ bṛhadrathādbṛhatkarmā bṛhatkarmaṇaś ca vṛhadbhānustasmācca bṛhanmanāḥ bṛhanmanaso jayadrathaḥ

jayadratho brahamakṣatrāntarālasaṃbhūtyāṃ patnyāṃ vijayaṃ nāma putramajījanat

vijayaś ca dhṛtiṃ putramavāpa

tasyāpi dhṛtavrataḥ putro 'bhūt

dhṛtavratātsatyakarmā

satyakarmaṇastvatirathaḥ

yo gaṅgāṅgato mañjūṣāgataṃ pṛthāpaviddhaṃ karṇaṃ putramavāpa

karṇādvṛṣasenaḥ ityetadantā aṅgavaṃśyāḥ

ataś ca puruvaṃśaṃ śrotumarhasi