Vishnu Purana · Chapter 3.9

iti śriviṣṇumahāpurāṇe tṛtīyāṃśe 'ṣṭamodhyāyaḥ (7)
aurva uvāca
bālaḥ kṛtopanayano vedāharaṇatatparaḥ /
gurugehe vasedbhūpa brahmacārī samāhitaḥ

śaucā cāravrataṃ tatra kāryaṃ śuśrūṣaṇaṃ guroḥ /
vratāni caratā grāhyo vedaś ca kṛtabuddhinā

ubhe saṃdhye raviṃ bhūpa tathaivāgniṃ samāhitaḥ /
upatiṣṭhettadā kuryādgurorapyabhivādanam

sthite tiṣṭhedvājedyāte nīcair āsīta cāsati /
śiṣyo gurornṛpaśreṣṭha pratikūlaṃ na saṃcaret

tenai voktaṃ paṭhedvedaṃ nānyacittaḥ puraḥsthitaḥ /
anujñātaś ca bhikṣānnamaśnīyādguruṇā tataḥ

avagāhedapaḥ pūrvamācāryeṇāvagāhitaḥ /
samijjalādikaṃ cāsya kālyaṃ kālyamupānayet

gṛhītagrāhyavedaś ca tato 'nujñām avāpya ca /
gārhasthyamāviśet prājño niṣpannaguruṇiṣkṛtiḥ

vidhināvāptadārastu dhanaṃ prāpya svakarmaṇā /
gṛhasthakāryamakhilaṃ kuryādbhūpāla śaktitaḥ

nivāpena pitṝnarcan yajñair devāṃstathātithīn /
annair munīṃś ca svādhyāyair apatyena prajāpatim

bhūtāni balibhiścaiva vātsalyenākhilaṃ jagat /
prāpnoti lokānpuruṣo nijakarmasamārjitān

bikṣābhujaś ca ye kecitparivraḍbrahmacāriṇaḥ /
tepyatraiva pratiṣṭhante gārhasthyaṃ tena vai param

vedāharaṇakāryāya tīrthasnānāya ca prabho /
aṭanti vasudhāṃ viprāḥ pṛthivīdarśanāya ca

aniketā hyanāhārā yatra sāyaṅgṛhāś ca ye /
teṣāṃ gṛhasthaḥ sarveṣāṃ pratiṣṭhā yonireva ca

teṣāṃ svāgatadānādivaktavyaṃ madhuraṃ nṛpa /
gṛhāgatānāṃ dadyācca śayanāsanabhojanam

atithiryasya bhagnāśo gṛhātpratinivartate /
sa dattvā duṣkṛtaṃ tasmai puṇyamādāya gacchati

avajñānamahaṅkāro daṃbhaścaiva gṛha sataḥ /
paritāpopaghātau ca pāruṣyaṃ ca na śasyate

yastu samyakkarotyevaṃ gṛhasthaḥ paramaṃ vidhim /
sarvabandhavinirmukto lokānāpnotyanuttamān

vayaḥparīṇato rājankṛtakṛtyo gṛhāśramī /
putreṣu bhāryāṃ nikṣipya vanaṃ gacchetsahaiva vā

parṇamūlaphalāhāraḥ keśaśmaśrujaṭādharaḥ /
bhūmiśāyī bhavettatra muniḥsarvātithirnṛpa

carmakāśakuśaiḥ kuryātparidhānottarīyake /
tadvattriṣavaṇaṃ snānaṃ śastamasya nareśvaraḥ

devatābhyarcanaṃ homaḥsarvābhyāgatapūjanam /
bhikṣābalipradānaṃ ca śastamasya nareśvara

vanyastrehena gātrāṇāmabhyaṅgaścāsya śasyate /
tapaś ca tasya rājendra śītoṣṇādisahiṣṇutā

yastvetāṃ niyataścaryāṃ vānaprasthaścarenmuniḥ /
sa dahatyagnivaddoṣāñjayellokāṃś ca śāśvatān

caturthaścāśramo bhikṣoḥ projyate yo manīṣibhiḥ /
tasya svarūpaṃ gadato mama śrotuṃ nṛpārhasi

putradravyakalatreṣu tyaktastreho narādhipa /
caturthamāśramasthānaṃ gacchennirdhūtamatsaraḥ

traivargikāṃstyajetsarvānāraṃbhānavanīpate /
mitrādiṣu samo maitraḥsamasteṣveva jantuṣu

jarāyujāṇḍajādīnāṃ vāḍmanaḥkāyakarmabhiḥ /
yuktaḥ kurvīta na drohaṃ sarvasaṃgāṃścavarjayet

ekārātrasthitir grāme pañcarātrasthitiḥ pure /
tathā tiṣṭhedyathāprītirdveṣo vā nāsya jāyate

prāṇayātrānimittaṃ ca vyaṅgāre bhuktavajjane /
kāle praśastavarṇānāṃ bhikṣārthaṃ paryaṭedgṛhān

kāmaḥ krodhas tathā darpamohalobhādayaś ca ye /
tāṃstu sarvānparityajyaparivrāṇnirmamo bhavet

abhayaṃ sarvabhūtebhyo dattvā yaścarate muniḥ /
tasyāpi sarvabhūtebhyo na bhayaṃ vidyate kvacit

kṛtvāgnihotraṃsvaśarīrasaṃsthaṃ śārīramagniṃ svamukhe juhoti /
viprastu bhaikṣyopahitair havirbhiścitāgnikānāṃ vrahati sma lokān

mokṣośramaṃ yaścarate yathoktaṃ śuciḥsukhaṃ kalpitabuddhiyuktaḥ /
anindhanaṃ jyotiriva praśāntaḥsa brahmalokaṃ śrayate dvijātiḥ