Vishnu Purana · Chapter 3.7

iti śrīviṣṇumahāpurāṇe tṛtīyāṃśeḥṣṭhodhyāyaḥ (6)
maitreya uvāca
yathā vatkathitaṃ sarvaṃ yatpṛṣṭosiṃ mayā guro /
śrotumicchāmyahaṃ tvekaṃ tadbhavānprabravītu me

saptadvīpāni pātālavidhayaś ca mahāmune /
spatalokāś ca yentasthā brahmāṇḍasyāsya sarvataḥ

sthūlaiḥ sūkṣmais tathā sūkṣmasūkṣmāsūkṣmataraiḥ smṛtā /
sthūlātsthūlataraiś caiva sarvaṃ prāṇibhir āvṛtam

aṅgulasyāṣṭabhāgopi na sosti munisattama /
vasaṃti prāṇino yatra karmabandhanibandhanāḥ

sarve caite vaśaṃ yānti yamasya bhagavan kila /
āyuṣonte tathā yānti yātanāstatpracoditāḥ

yātanābhyaḥ paribhraṣṭā devādyāsvatha yoniṣu /
jantavaḥ parivartante śāstrāṇāmeṣa nirṇayaḥ

sohamicchāmi tacchrotuṃ yamasya vaśavartinaḥ /
na bhavantinarā yena tatkarma kathayasva me

śrīparāśara uvāca
ayameva mune praśro nakulena mahātmanā /
pṛṣṭaḥ pitāmahaḥ prāha bhīṣmo yattacchṛṇuṣva me

bhīṣṇa uvāca
purā mamāgato vatsa sakhā kāliṅgako dvijaḥ /
sa māmuvāca praṣṭo vai mayā jātismaro muniḥ

tenākhyātamidaṃ sarvamitthaṃ caitadbhaviṣyati /
tathā ca tadabhūdvatsa yathoktaṃ tena dhīmatā

sa pṛṣṭaś ca mayā bhūyaḥ śraddadhānena vai dvijaḥ /
yadyadāha na taddṛṣṭamanyathā hi mayā kvacit

ekadā tu mayā pṛṣṭametadyadbhavatoditam /
prāha kāliṅgako vipraḥsmṛtvā tasya munervacaḥ

jātismareṇa kathito rahasyaḥ paramo mama /
yamakiṅkarayoryobhūtsaṃvādastaṃ bravīmi te

kāliṅga uvāca
svapuruṣamabhivīkṣya pāśahastaṃ vadati yamaḥ kila tasya karṇamūle /
parihara madhusūdanaprapannānprabhurahamanyanṛṇāmavaiṣṇavānām

ahamamaravarārcitena dhātrā yama iti lokahitāhite niyuktaḥ /
hariguruvaśagosmi na svatantraḥ prabhavati saṃyamane mamāpi viṣṇuḥ

kaṇṭa kamukuṭakarṇikādibhedaiḥ kanakamabhedamapīṣyate yathaikam /
surapaśumanujādikalpanābhir harir akhilābhir udīryate tathaikaḥ

kṣititalaparamāṇavonilānte punarupayānti yathaikatāṃ dharitryāḥ /
surapaśumanujādayastathānte guṇakalaṣeṇa sanātanena tena

harimamaravarārcitāṅghripadmaṃpraṇamati yaḥ paramārthato hi martyaḥ /
tamapagatasamastapāpabandhaṃ vraja parihṛtya yathāgnimājyasiktam

iti yamavacanaṃ niśamya pāśī yama puruṣastamuvāca dharmarājam /
kathaya mama vibho samastadhāturbhavati hareḥ khalu yādṛśosya bhaktaḥ

yama uvāca
na calati nijavarmadharmato yaḥsamamatirātmasuhṛdvipakṣapakṣe /
na harati na ca hanti kiñciducchaiḥ sthitamanasaṃ tamavehi viṣṇubhaktam

kalikalupamalena yasya nā'tmā vimalamatemalinīkṛtastamenam /
manasi kṛtajanārdanaṃ manaṣyaṃ satatamavehi hareratīva bhaktam

kanakamapi rahasyavekṣya buddhyā tṛṇamiva yaḥsamavaiti vai parasvam /
bhavati ca bhagavatyananyacetāḥ puruṣavaraṃ tamavehi viṣṇubhaktam

sphaṭikagiriśilāmalaḥ kva viṣṇurmanasi nṛṇāṃ kva ca matsarādidoṣaḥ /
na hi tuhinamayūkharaśmipuñje bhavati hutāśanadīptijaḥ pratāpaḥ

vimalamatiramatsaraḥ praśāntaḥ śucicaritokhilasattvamitrabhūtaḥ /
priyahitavacano 'stamānamāyo vasati sadā hṛdi tasya vāsudevaḥ

vasati hṛdisanātane ca tasminbhavati pumāñjagatosya saumyarūpaḥ /
kṣitirasamatiramyamātmanontaḥ kathayati cārutayaiva sālapotaḥ

yamaniyamavidhūta kalpaṣāṇāmanudinamacyutasaktamānasānām /
apagatamadamānamatsarāṇāṃ tyaja bhaṭa dūratareṇa mānavānām

hṛdi yadi bhagavānanādirāste harirariśaṅkhagadādharovyātmā /
tadaghavighātakartṛbhinnaṃ bhavati kathaṃ sati cāndhakāramarke

harati paradhanaṃ nihanti jantūnvadati tathā nṛtaniṣṭurāṇi yaś ca /
aśubhajanitaduramadasya puṃsaḥ kaluṣamaterhṛdi tasya nāstyanantaḥ

na sahati parasaṃpadaṃ vinindāṃ kaluṣamatiḥ kurute satāmasādhuḥ /
nayajati na dadāti yaś ca saṃtaṃ manasi na tasya janārdano 'dhamasya

paramasuhṛdibāndhave kalatre mutatanayāpitṛmātṛbhṛtyavarge /
śaṭhamatirupayāti yorthatṛṣṇāṃ tamadhamaceṣṭamavehi nāsya bhaktam

aśubhamatirasatpravṛtti saktaḥsatatamanāryakuśīlasaṃgamattaḥ /
anudinakṛtapāpabandhayuktaḥ paruṣapaśurna hi vāsudevabhaktaḥ

sakalamidamahaṃ ca vāsudevaḥ paramapumānparameśvaraḥsa ekaḥ /
iti matiracalābhavatyanante hṛdayagate vrajatānvihāya dūrāt

kamalanayana vāsudeva viṣṇo dharaṇidharācyuta śaṅkhacakrapāṇe /
bhavaśaraṇamitirayanti ye vai tyaja bhaṭa dūratareṇa tānapāpān

vasati manasi yasya sovyayātmā puruṣavarasya na tasya dṛṣṭipāte /
tava gatiratha vā mamāsti cakrapratihatavīryabalasya sonyalokyaḥ

kāliṅga uvāca
iti nijabhaṭaśāsanāya devo ravita nayasya kilāha dharmarājaḥ /
mama kathitamidaṃ ca tena tubhyaṃ kuruvara samyagidaṃ mayāpi coktam

śrībhīṣma uvāca
nakulaitanmamākhyātaṃ pūrvaṃ tena dvijanmanā /
kaliṅgadeśādeśyetya prītena sumahātmanā

mayāpyetadyathānyāyaṃ samyagvatsa tavoditam /
yathā viṣṇumṛtenānyattrāṇāṃ saṃsārasāgare

kiṅkarāḥ pāśadaṇḍāś ca na yamo na ca yātanāḥ /
samarthāstasya yasyātmā keśavālaṃbanaḥsadā

śrīparāśara uvāca
etanmune samākhyātaṃ gītaṃ vaivasvatena yat /
tvatpraśnānugataṃ samyakkimanyacchrotumicchasi