Vishnu Purana · Chapter 3.5

iti śrīviṣṇumahāpurāṇe tṛtīyāṃśecaturtho 'dhyāyaḥ (4)
śrīparāśara uvāca
yajurvetadarosśākhāḥsaptaviṃśanmahāmuniḥ /
vaiśaṃpāyananāmāso vyāsaśiṣyaścakāra vai

śiṣyebhyaḥ pradadau tāś ca jagṛhustepyanukramāt

yājñavalkyastu tatrābhūdbāhyarātasuto dvija /
śiṣyaḥ paramadharmajño guruvṛttiparaḥsadā

ṛṣiryodya mahāmeroḥ samāje nāgamiṣyati /
tasya vai saptarātrāttu brahmahattyā bhaviṣyati

pūrvamevaṃ munigaṇaiḥ samayo yaḥ kṛto dvija /
vaiśaṃpāyana ekastu taṃ vyatikrāntavāṃstadā

svastrīyaṃ bālakaṃ sotha padā spṛṣṭamatāḍayat

śiṣyānāha sa bhoḥ śiṣyā brahmahattyāpahaṃ vratam /
caradhvaṃ matkṛte sarve na vicāryamidaṃ tathā

athāha yājñavalkyastu kim ebhir bhagavan dvijaiḥ /
kleśitair alpatejobhiścāriṣyehamidaṃ vratam

tataḥ kruddho guruḥ prāha yājñavalkyaṃ mahāmunim /
mucyatāṃ yattvayādhītaṃ matto viprāvamānaka

nistejaso vadasyenānyattvaṃ brāhmaṇaṃpuṅgavān /
tena śiṣyeṇa nārthosti mamājñābhaṅgakāriṇā

yājñavalkyastataḥ prāha bhaktyaitat te mayoditam /
mamāpyalaṃ tvayādhītaṃ yanmayā tadidaṃ dvija

śrīparāśara uvāca
ityukto rudhirāktāni sarūpāṇi yajūṃṣisaḥ /
chardayitvā dadau tasmai yayau sa svecchayā muni

yajūṃṣyatha visṛṣṭāni yājñavalkyena vai dvija /
jagṛhustittirā bhūtvā taittirīyāstu te tataḥ

brahmahattyāvrataṃ cīrṇaṃ guruṇā coditais tu taiḥ /
cākrurādhvaryavaṃ te tu caraṇānmunisattama

yājñavalkyopi maitreya prāṇāyāmaparāyaṇaḥ /
tṛṣṭāva prayataḥsūryaṃ yajūṃṣyabhilaṣaṃstataḥ

yājñavalkya uvāca
namaḥ savitre dvārāya mukter amitatejase /
ṛgyajuḥsāmabhūtāya trayīdhāmne ca te namaḥ

namognīṣomabhūtāya jagataḥ kāraṇātmane /
bhāskarāya paraṃ tejaḥsauṣumṇarucibibhrate

kalākāṣṭhānimeṣādikālajñānātmarūpiṇe /
dhyeyāya viṣṇurūpāya paramākṣararūpiṇe

bibharti yaḥsuragaṇānāpyāyenduṃ svaraśmibhiḥ /
svadhāmṛtena ca pitṝṃs tasmai tṛptyātmane namaḥ

himāṃbugharmavṛṣṭīnāṃ kartā bhartā ca yaḥ prabhuḥ /
tasmai trikālarūpāya namaḥsūryāyavedhase

apahanti tabho yaś ca jagatosya jagatpatiḥ /
tasya dhāmadharo devo namastasmai vivasvate

satkarmayogyo na jano naivāpaḥ śuddhikāraṇam /
yasminnanudite tasmai namo devāya bhāsvate

spṛṣṭo yadaṃśubhir lokaḥ kriyāyogyo hi jāyate /
pavitrakāraṇātmāya tasmai śuddhātmane namaḥ

namaḥ savitre sūryāya bhāskarāya vivasvate /
ādityāyādibhūtāya devādīnāṃ namo namaḥ

hiraṇmayaṃ rathaṃ yasya ketavomṛtavājinaḥ /
vahanti bhuvanālokacakṣuṣaṃ taṃ namāmyaham

śrīparāśara uvāca
ityevamādibhis tena stūyamānaḥsa vai raviḥ /
vājirūpadharaḥ prāha vrīyatāmiti vāñchitam

yājñavalkyastadā prāha praṇipatya divākaram /
yajūṃṣi tāni me dehi yāni saṃti na me gurau

śrīparāśara uvāca
evamukto dadau tasmai yajūṃṣi bhagavānraviḥ /
ayātayāmasaṃjñāni yāni vetti na tadguruḥ

yajūṃṣi yair adhītāni tāni viprair dhijottama /
vājinaste samākhyātāḥ sūryopyaśvobhavadyataḥ

śākhābhedāstu teṣāṃ vai daśa pañca ca vājinām /
kāṇvādyāḥsumahābhāgā yājñavalkyāḥ prakīrtitāḥ