Vishnu Purana · Chapter 3.17

iti śrīviṣṇumahāpurāṇe tṛtīyāṃśe poḍaśo 'dhyāyaḥ (16)
śrīparāśara uvāca
ityāha bhagavānaurvaḥsagarāya mahātmane /
sadācāraṃ purā samyaṅ maitreya paripṛcchate

mayāpyetadaśeṣeṇa tathitaṃ bhavato dvija /
samullaṅghya sadācāraṃ kaścinnāpnoti śobhanam

śrīmaitreya uvāca
ṣaṇḍāpaviddhapramukhā viditā bhagavanmayā /
udakyādyāś ca me samyaṅ nagnamicchāmi veditum

konagnaḥ kiṃ samācāro nagnasaṃjñāṃ naro labhet /
nagnasvarūpamicchāmi yathāvatkathitaṃ tvāya /
śrotuṃ dharmabhṛtāṃ śreṣṭha na hyastyaviditaṃ tava

śrīparāśara uvāca
ṛgyajuḥsāmasaṃjñeyaṃ trayī varṇāvṛttirdvija /
etāmujjhati yo mohātsa nagnaḥ pātakī dvajaḥ

trayī samastavarṇānāṃ dvijasaṃvāraṇaṃ yataḥ /
nagno bhavatyujjhitāyāṃ yatastasyāṃ na saṃśayaḥ

idaṃ ca śruyatāmanyadyadbhīṣmāya mahātmane /
kathayāmāsa dharmajño vasiṣṭho 'smatpitāmahaḥ

mayāpi tasya gadataḥ śrutametanmahātmanaḥ /
nagnasaṃbandhi maitreya yatpṛṣṭohamiha tvāyā

devāsuramabhūdyuddhaṃ dvivyamabdaśataṃ purā /
tasminparajitā devā daityair hrādapurogamaiḥ

kṣīrodasyottaraṃ kūlaṃ gatvā tapyanta vai tapaḥ /
viṣṇorārādhanārthāya jaguścemaṃ stavaṃ tadā

devā ūcuḥ
ārādhanāya lokānāṃ viṣṇorīśasya yāṃ giram /
vakṣyāmo bhagavānadya tayā viṣṇuḥ prasīdatu

yato bhūtānyaśeṣāṇi prasūtāni mahātmanaḥ /
yasmiś ca layameṣyanti kastaṃ stotumiheśvaraḥ

tathāpyarātividhvaṃsadhvastavīryā bhayārthinaḥ /
tvāṃ stoṣyāmastavoktīnāṃ yāthārthyaṃ naiva gocare

tvamurvī salilaṃ vahnirvāyurākāśameva ca /
samastamantaḥkaraṇaṃ pradhānaṃ tatparaḥ pumān

ekaṃ tavaitadbhūtātmanmūrtamūrtamayaṃ vapuḥ /
ābrahmastaṃbaparyantaṃ sthānakālavibhedavat

tatraiśaṃ tava yatpūrvaṃ tvannābhikamalodbhavam /
rūpaṃ viśvopakārāya tasmai brahmātmane namaḥ

śakrārkarudravasvaśvimarutsomādibhedavat /
vayamekaṃ svarūpaṃ te tasmai devātmane namaḥ

daṃbhaprāyamasaṃbodhi titiśrādamavarjitam /
yadrūpaṃ tava govinda tasmai daityātmane namaḥ

nātijñānavahā yasminnāḍyastimitatejasi /
śabdādilobhi yastasmai tubhyaṃ yatrātmane namaḥ

krauryaṃ māyāmayaṃ ghoraṃ yacca rūpaṃ tavāsitam /
niśācarātmane tasmai namaste puruṣottama

svargasthadharmisaddharmaphalopakaraṇaṃ tava /
dharmākhyaṃ ca tathā rūpaṃ namastasmai janārdana

harṣaprāyamasaṃsargi gatimadgamanādiṣu /
siddhākhyaṃ tava yadrūpaṃ tasmai siddhātmane namaḥ

atitikṣāyanaṃ krūramupabhogasahaṃ hare /
dvijīhvantava yadrūpaṃ tasmai nāgātmane namaḥ

avabodhi ca yacchāntamadoṣamapakalpaṣam /
ṛṣirūpātmane tasmai viśvarūpāya te namaḥ

bhakṣayatyatha kalpānte bhūtāni yadavāritam /
tvadrūpaṃ puṇḍharīkākṣa tasmai kālātmane namaḥ

saṃbhakṣya sarvabhūtāni devādīny aviśeṣataḥ /
nṛtyatyante ca yadrūpaṃ tasmai rudrātmane namaḥ

pravṛttyā rajaso yacca karmaṇāṃ karaṇātmakam /
janardana namastasmai tvadrūpāya narātmane

aṣṭāviśadvadhopetaṃ yadrūpaṃ tāmasaṃ tava /
unmārgagāmi sarvātmaṃstasmai vaśyātmane namaḥ

yajñāṅgabhūtaṃ yadrūpaṃ jagataḥ sthitisādhanam /
vṛkṣādibhedaiḥ ṣaḍbhedi tasmai mukyātmane namaḥ

tiryaṅmanuṣyadevādivyomaśabdādikaṃ ca yat /
rūpaṃ tavādeḥ sarvasya tasmai sarvātmane namaḥ

pradhānabuddhyādimayādaśeṣādyadanyadasmātparamaṃ parātman /
rūpaṃ tavādyaṃ yadananyatulyaṃ tasmai namaḥ kāraṇakāraṇāya

śuklādidīrghādighanādihīnamagocaraṃ yacca viśeṣaṇānām /
suddhātiśuddhaṃ paramarṣidṛśyaṃ rūpāya tasmai bhagavannatāḥ smaḥ

yannaḥ śarīreṣu yadanyadeheṣvaśeṣavastuṣvajamakṣayaṃ yat /
tasmācca nānyavdyatiriktamasti brahmasvarūpāya natāḥ sma tasmai

sakalamidamajasya yasya rūpaṃ paramapadātmavataḥsanātanasya /
tamanidhanasaśeṣabījabhūtaṃ prabhumamalaṃ praṇatāḥsma vāsudevam

śrīparāśara uvāca
stotrasya cāvasāne te dadṛśuḥ parameśvaram /
śaṅkhacakragadāpāṇiṃ garuḍasthaṃ surā harim

tamucuḥsakalā devāḥ praṇipātapuraḥsuram /
prasīda nātha daityebhyastrāhi naḥ śaraṇārthinaḥ

trelokyayajñabhāgāś ca daityair hlādapurogamaiḥ /
hṛtā no brahmaṇopyayājñāmullaṅghya paramśvara

yadyapyaśeṣabhū tasya vayaṃ te ca tāvaṃśajāḥ /
tathāpyavidyābhedena bhinnaṃ paśyāmahe jagat

svavarṇadharmābhiratā vedamārgānusāriṇaḥ /
na śakyāsterayo hantumasmābhis tapasāvṛtāḥ

tamupāyamaśeṣātmannasmākaṃ dātumarhasi /
yena tānasurānhantuṃ bhavema bhagavankṣamāḥ

śrīparāśara uvāca
ityukto bhagavāṃstebhyo māyāmohaṃ śarīrataḥ /
samutpādya dadau viṣṇuḥ prāha cedaṃ surottamān

māyāmohoyamakhilāndaityāṃ stānmohayiṣyati /
tato vadhyā bhaviṣyanti vedamārgabahiṣkṛtāḥ

sthitau sthitasya me vadhyā yāvantraḥ paripanthinaḥ /
brahmaṇo hyadhikārasya devā daityādikāḥ surāḥ

tadgacchata nabhīḥ kāryā māyāmohoyamagrataḥ /
gacchannadyopakārāya bhavatāṃ bhavitā surāḥ

śrīparāśara uvāca
ityuktāḥ praṇipatyainaṃ yayurdevā yathāgatam /
māyāmoho 'pi taiḥ sārdha yayau yatra mahāsurāḥ