Vishnu Purana · Chapter 1.8

iti śrīviṣṇupurāṇe prathame 'ṃśe saptamo 'dhyāyaḥ (7)
śrīpāraśara uvāca
kathitastāmasaḥ sargo brahmaṇaste mahāmune /
rudrasargaṃ pravakṣyāmi tanme nigadataḥ śṛṇu

kalpādāvātmanastulyaṃ sutaṃ pradhyāyatastataḥ /
prādurāsītprabhoraṅke kumāro nīlalohitaḥ

ruroda susvaraṃ sotha prādravaddi jasattama /
kiṃ tvaṃ rodiṣi taṃ brahma rudantaṃ pratyuvāca ha

nāma dehīti taṃ so 'tha pratyuvāca prajāpatiḥ /
rudrastvaṃ devanāmnāsi māro dīrdhairyamāvaha /
evamuktaḥ punaḥ so 'tha saptakṛtvo ruroda vai

tatonyāni dadau tasmai sapta nāmāni vai prabhuḥ /
sthānāni caiṣāmaṣṭānāṃ patnīḥ putrāṃś ca sa prabhuḥ

bhavaṃ śarvamatheśānaṃ tathā paśupatiṃ dvija /
bhīmamugraṃ mahādevamuvāca sa pitāmahaḥ

cakre nāmānyathaitāni sthānānyeṣāṃ cakāra saḥ /
sūryo jalaṃ mahī vāyurvahnirākāśameva ca /
dīkṣito brahmaṇaḥ soma ityetāstanavaḥ kramāt

suvarcalā tathaivoṣā vikeśī cāparā śivā /
svāhā diśas tathā dīkṣā rohiṇī ca yathākramam

sūryādīnāṃ dvijaśreṣṭha rudrādyair nāmabhiḥ saha /
patnyaḥ smṛtā mahābhāga tadapatyāni me śṛṇu

eṣāṃ sūtiprasūtibhyāmidamāpūritaṃ jagat

śanaiścaras tathā śukro lohitāṅgo manojavaḥ /
skandaḥ sargo 'tha santāno budhaścānukramātsutāḥ

evaṃprakāro rudro 'sau satīṃ bhāryāmaninditām /
upayeme duhitaraṃ rakṣasyaiva prajāpateḥ

dakṣakopācca tatyāja sa satī svakalevaram /
himavadduhita sābhūnmenāyāṃ dvijasattama

upayeme punaścomāmananyāṃ bhagavānharaḥ

devau dhātṛvidhātārau bhṛgoḥ khyātirasūyata /
śriyaṃ ca devadevasya patnī nārāyaṇasya yā

śrīmaitreya uvāca
kṣīrābdhau śrīḥ samutpannā śrūyate 'mṛtamanthane /
bhṛgoḥ khyātyāṃ samutpannetyetadāha kathaṃ bhavāt

śrīparāśara uvāca
nityaivaiṣā jaganmātā viṣṇoḥ śrīranapāyini /
yathā sarvagato viṣṇustathaiveyaṃ dvijottama

artho viṣṇuriyaṃ vāṇī nītireṣā nayo hariḥ /
bodho viṣṇuriyaṃ buddhirdharmo 'sau satkriyā tviyam

straṣṭā viṣṇuriyaṃ sṛṣṭiḥ śrīrbhūmirbhūdharo hariḥ /
santoṣo bhagavāllaṅkṣmīstuṣṭirmaitreya śāśvatī

icchā śrīrbhagavānkāmo yajño 'sau dakṣiṇā tviyam /
ājyāhutirasau devī puroḍāśo janārdanaḥ

patnīśālā mune lakṣmīḥ prāgvaṃśau madhusūdanaḥ /
citirlakṣmīrhariryūpa idhmā śrīrbhagavānkuśaḥ

sāmāsvarūpī bhagavānudgītiḥ kamalālayā /
svāhā lakṣmīrjagannātho vāsudevo hutā śanaḥ

śaṅkaro bhagavāñchaurirgaurīlakṣmīrdvijottama /
maitreya keśavaḥ sūryastatprabhā kamalālayā

viṣṇuḥ pitṛgaṇaḥ padmā svadhā śāśvatapuṣṭidā /
dyauḥ śrīḥ sarvātmako viṣṇuravakāśotivistaraḥ

śaśāṅkaḥ śrīdharaḥ kāntiḥ śrīstathaivānapāyinī /
dhṛtirlakṣmīrjagacceṣṭā vāyuḥ sarvatrago hariḥ

jaladhirdvijagovindastadvelā śrīrmahāmune /
lakṣmīsvarūpamindrāṇī devendro madhusūdanaḥ

yamaścakradharaḥ sākṣāddhūmorṇā kamalālayā /
ṛddhiḥ śrīḥ śrīdharo devaḥ svayameva dhaneśvaraḥ

gaurī lakṣmīmaṃhābāgā keśavo varuṇaḥ svayam /
śrīrdevasenā viprendra devasenāpatirhariḥ

avaṣṭaṃbho gadāpāṇiḥ śaktirlakṣmīr dvijottama /
kāṣṭhā lakṣmīrnimeṣo 'sau muhūrto 'sau kalā tviyam

jyotsnā lakṣmīḥ pradīpo 'sau sarvaḥ sarveśvaro hariḥ /
latābhūtā jaganmātā śrīrviṣṇurdrumasaṃjñitaḥ

vibhāvarī śrīrdivaso devacakragadādharaḥ /
varaprado varo viṣṇurvadhūḥ padmavanāla yā

nadasvarūpī bhagavāñchrīrnadīrūpasaṃsthitā /
dhvajaś ca puṇḍarīkākṣaḥ patākā kamalālayā

tṛṣṇā lakṣmīrjagannātho lobho nārāyaṇaḥ paraḥ /
ratī rāgaś ca maitreya lakṣmīrgovinda eva ca

kiṃ cātibahunoktena saṃkṣepeṇedamucyate

devatiryaṅmanuṣyādau punnāmā bhagavānhariḥ /
strīnāmnī śrīś ca vijñeyā nānayorvidyate param