Vishnu Purana · Chapter 1.21

iti śrīviṣṇupurāṇe prathameṃśodhyāyaḥ (20)
prahlādaputra āyuṣmāñchibirbāṣkala eva ca /
virocanastu prāhladirbalirjajñe virocanāt

baleḥ putraśataṃ tvasīdbāṇajyeṣṭhaṃ mahāmune /
hiraṇyākṣasutāścāsansarva eva mahā balā

jharjharaḥ śakuniścaiva bhūtasantāpanas tathā /
mahānābho mahābāhuḥ kālanābhastathāparaḥ

abhavandanupūtrāś ca dvimūrdha śaṃbaras tathā /
ayomukhaḥ śaṅkuśirāḥ kapilaḥ śaṅkaras tathā

ekacakro mahābāhustārakaś ca mahābalaḥ /
svarbhānurvṛṣaparvā ca puloma ca mahābalaḥ

ete danoḥ sutāḥ khyātā vipracittiś ca viryavān

svarbhānostu prabhā kanyā śarmiṣṭhā vārṣaparvaṇī /
upadānī hayaśiraḥ prakhyātā varakanyakāḥ

vaiśvānarasute cobhe pulomā kālakā tathā /
ubhe sute mahābhāge mārīcestu parigrahaḥ

tābhyā putrasahasrāṇi ṣaṣṭirdānavasattamāḥ /
paulomāḥ kālake yāś ca mārīcatanayāḥ smṛtāḥ

tato 'pare mahāvīryā dāruṇā stvatinirghṛṇā /
siṃhikāyāmathotpannā vipracitte sutās tathā

tryaṃśaḥ śalyaś ca balavān nabhaścaiva mahābalaḥ /
vātāpī namuciścaiva ilvalaḥ khasṛmas tathā

āndhako narakaścaiva kālanābhastathaiva ca /
svarbhānuś ca mahāvīryo vaktrayodhī mahāsuraḥ

ete vai dānavāḥ śreṣṭhā danuvaṃśavivardhanāḥ /
eteṣāṃ putrapautraś ca śataśo 'tha sahasraśaḥ

prahlādasya tu daityasya nivāta kavacāḥ kule /
samutpannāḥ sumahatā tapasā bhāvitātmanaḥ

ṣaṭ sutāḥ sumahāsattvāstāmrāyāḥ parikīrtitāḥ /
śukī śyenī ca bhāsī ca sugrīvī śucigṛddhrakā

śukī śukānajanayadulūkapratyulūkikān /
śyenī śyenāṃs tathā bhāsī bhāsāngṛrdhyāṃś ca gṛddhryapi

śucyau dakānpakṣigaṇānsugrīvī tu vyajāyata /
aśvānuṣṭrāngardabhāṃ ś ca tāmrāvaṃśaḥ prakīrtitaḥ

vinatāyāstu dvau putrau viratau garuḍāruṇau /
suparṇaḥ patatāṃ śreṣṭho dāruṇaḥ pannagāśanaḥ

surasāyāṃ sahasraṃ tu sarpāṇāmamitaujasām /
anekaśirasāṃ brahman khecarāmāṃ mahātmanām

kāndraveyāstu balinaḥ sahasramamitaujasaḥ /
suparṇavaśāgā brahman jajñire naikamastakāḥ

teṣāṃ pradhānabhūtāstu śeṣavāsukitakṣakāḥ /
śaṅkhaśveto mahāpadmaḥ kambalāśvatarau tathā

elāputras tathā nāgaḥ karkoṭakadhanañjayau /
ete cānye ca bahavo dandaśukā viṣolbaṇā

gaṇaṃ krodhavaśaṃ viddhi tasyāḥ sarve ca daṃṣṭriṇaḥ /
sthalajāḥ pakṣiṇobjāś ca dāruṇāḥ piśitāśanāḥ

krodhāttu piśācāṃś ca janayāmāsa mahābalān /
gāstu vai janayāmāsa surābhīrmahiṣīs tathā /
irāvṛkṣalatāvallīstṛmajatīś ca sarvaśaḥ

svasā tu yakṣarakṣāṃsi munirapsarasas tathā /
ārīṣṭā tu mahāsattvān gandharvānsamajījanat

ete kaśyapadāyādāḥ kīrtitāḥ sthāṇujaṅgamāḥ /
teṣāṃ putrāś ca pautrāś ca śataśo 'tha sahasraśaḥ

eṣa manvantare sargo brahmansvārociṣesmṛtaḥ

vaivasvate ca mahati vāruṇe vitate kṛtau /
juhvānasya brahmaṇo vai prajāsarga ihocyate

pūrvaṃ yatra tu saptarṣinutpannānsaptamānasān /
putratve kalpayāmāsa svayameva pitāmahaḥ /
gandharvabhogidevānāṃ dānavānāṃ ca sattama

ditirvinaṣṭaputrā vai toṣayāmāsa kāśyapam /
tayā cārādhitaḥ samyakkāśyapastapatāṃ paraḥ

vareṇa cchandayāmāsa sā ca vavre tato varam /
putramindravadhārthāya samarthama mitaujasam

sa ca tasmai varaṃ prādādbhāryāyai munisattamaḥ /
dattvā ca varamatyugraṃ kaśyapastāmuvāca ha

śakraṃ putro nihantā te yadi garbhaṃ śaracchatam /
samāhitātiprayatā śaucinī dhārayiṣyasi

ityevasuktvā tāṃ devīṃ saṃgataḥ kaśyapo muniḥ /
dadhāra sā ca taṃ garbhaṃ samyakchocasamanvitā

garbhamātmavadhārthāya jñātvā taṃ maghavānapi /
śuśrūṣustāmathāgacchadvinayādamarādhipaḥ

tasyā ścaivāntaraprepsuratiṣṭhatpākaśāsanaḥ /
ūne varṣaśate cāsyā dadarśāntaramātmanā

akṛtvā pādayoḥ śaucaṃ ditiḥ śayanamāviśat /
nidrāṃ cāhārayāmāsa tasyāḥ kukṣiṃ praviśya saḥ

vajrapāṇirmahāgarbhaṃ cicchedātha sa saptadhā /
sampīḍyamāno pajreṇa sa rurodādidāruṇam

mā rodīriti taṃ śakraḥ punaḥpunarabhāṣata /
so 'bhavatsaptadhā garbhastamidraḥ kupitaḥ punaḥ

ekaikaṃ saptadhā cakre vajreṇārividāriṇā /
maruto nāma devāste babhūvurativeginaḥ

yaduktaṃ vai bhagavatā tenaiva maruto 'bhavan /
devā ekonapachcāśatsahāyā vajrapāṇinaḥ