Vishnu Purana · Chapter 1.20

iti śrīviṣṇupurāṇe prathameṃśa ekonaviṃśatitamo 'dhyāyaḥ (19)
śrīparāśara uvāca
evaṃ saṃcintayanviṣṇumabhedenātmano dvija /
tanmayatvamavāpyagrya mene cātmānamacyutam

visasmāra tathātmānaṃ nānyatkiñcidajānata /
ahamevāvyayo 'nantaḥ paramātmetyacintayat

tasya tadbhāvanāyogātkṣīṇapāpasya vai kramāt /
śuddhentaḥkaraṇe viṣṇustasthau jñānamayocyutaḥ

yogaprabhāvātprahlāde jāte viṣṇumaye 'sure /
calatyuragabandhais tair maitreya truṭitaṃ kṣaṇāt

bhrantagrāhagamaḥ sormiryayau kṣobhaṃ mahārṇavaḥ /
cacāla ca mahī sarvā saśailavanakānanā

sa ca taṃ śailasaṃghātaṃ daityair nyastamathopari /
utkṣipya tasmātsalilānniścakrāma mahāmatiḥ

dṛṣṭvā ca sa jagadbhū6yo gaganādyupalakṣaṇam /
prahlādosmīti sasmāra punarātmānamātmani

tuṣṭāva ca punardhāmānanādiṃ puruṣottamam /
ekāgramatiravyagro yatavākvāyamānasaḥ

prahlāda uvāca
oṃnamaḥ paramārthāya sthūla sūkṣmakṣarākṣara /
vyaktāvyaktakalātīta sakaleśa nicañjana

guṇāñjana guṇādhāra nirguṇātman guṇasthita /
mūrtāmūrtamahāmūrte sūkṣmamūrte sphuṭāsphuṭa

karālasaumyarūpātmanvidyāvidyāmayācyuta /
sadasadrūpasadbhāva sadasadbhāvabhāvana

nityānityaprapañcātmanniṣprapañcāmalāśrita /
ekāneka namastubhyaṃ vāsudevādikāraṇa

yaḥ sthūlasūkṣmaḥ prakaṭaḥ prakāśo yaḥ sarvabhūto na ca sarvabhūtaḥ /
viśvaṃ yataścaitadaviśvaheto namostu tasmai puruṣottamāya

parāśara uvāca
tasya taccetaso devaḥ stutimitthaṃ prakṛrvataḥ /
āvirbabhūva bhagavān pītāmbaradharo hariḥ

sasambhramas tam ālokya samutthāyākulākṣaram /
namostu viṣṇavetyetavdyājahārāsa kṛddvija

prahlāda uvāca
deva prapannārtihara prasādaṃ kuru keśava /
avalokanadānena bhūyo māṃ pāvayācyuta

śrībhagavān uvāca
kurvataste prasannohaṃ bhaktimavyabhicāriṇīm /
yathābhilaṣito mattaḥ prahlāda vrīyatāṃ varaḥ

prahlāda uvāca
nātha yonisahasreṣu yeṣu yeṣu vrajāmy aham /
teṣu teṣvacyutābhaktiracyutāstu sadā tvayi

yā prītiravivekānāṃ viṣayeṣvanapāyinī /
tvāmanusmarataḥ sā me hṛdayānmāpasarpatu

śrībhagavānuvāca
mayi bhaktistavāstyeva bhūyo 'py evaṃ bhaviṣyati /
varastu mattaḥ prahlāda vrīyatāṃ yastavepsitaḥ

prahlāda uvāca
mayi dveṣānubandhobhūtsaṃstutāvudyate tava /
matpitustatkṛtaṃ pāpaṃ deva tasya pramaśyatu

śastrāṇi pātitānyaṅge kṣipto yaccāgnisaṃhatau /
daṃśitaścoragair dattaṃ yadviṣaṃ mama bhojane

baddhā samudre yatkṣipto yaccito 'smi śiloccayaiḥ /
anyāni cāpyasādhūni yāni pitrā kṛtāti me

tvayi bhaktimato dveṣādaghaṃ tatsaṃbhavaṃ ca yat /
tvatprasādātprabho sadyastena mucyatu me pitā

śrībhagavānuvāca
prahlāda sarvametatte matprasādādbhāviṣyati /
anyacca te varaṃ daghni vrīyatāmasurātmaja

prahalāda uvāca
kṛtakṛtyosmi bhagavanvare ṇānena yattvayi /
bhavitrī tvatprasādena bhaktiravyabhicāriṇī

dharmārthakāmaiḥ kiṃ tasya muktistasya kare stitā /
samastajagatāṃ mūle yasya bhaktiḥ sthirā tvayi

śrībhagavānuvāca
yathā te niścalaṃ ceto mayi bhaktisamanvitam /
tathā tvaṃ matprasādena nirvāṇamparamāpsyasi

śrīparāśara uvāca
ityuktvāntardadhe viṣṇus tasya maitreya paśyataḥ /
sa cāpi punarāgamya vavande caraṇau pituḥ

taṃ pitā mūrdhnyupāghrāya pariṣvajya ca pīḍitam /
jīvasītyāha vatseti bāṣpārdranayanodvija

prītimāṃścābhavattasminnanutāpī mahāsuraḥ /
gurupitroścakāraivaṃ śuśrūṣāṃ so 'pi dharmatam

pitaryuparatiṃ nīte narasiṃha svarūpiṇā /
viṣṇunā so 'pi daityānāṃ maitreyābhūtpatistataḥ

tato rājyadyutiṃ prāpya karmaśuddhikarīṃ dvīja /
putrapautrāṃś ca subahūn avāpyaiśvaryameva ca

kṣīṇādhikāraḥ sa yadā puṇyapāpavivirjitaḥ /
tadā sa bhagavaddhyānātparaṃ nīrvāṇamāppavān

evaṃ prabhāvo daityo 'sau maitreyāsīn mahāmatiḥ /
prahlādo bhagavadbhakto yaṃ tvaṃ mām anupṛcchasi

yastvetaccārītaṃ tasya prahlādasya mahātmanaḥ /
śṛṇoti tasya pāpāni sadyo gacchanti saṃkṣayam

ahorātrakṛtaṃ pāpaṃ prahlādacaritaṃ naraḥ /
śṛṇvan paṭhaṃś ca maitreya vyapohati na saṃśayaḥ

paurmamāsyāmamāvāsyāmaṣṭamyāmatha vā paṭhan /
dvādaśyāṃ tadāprantoti gopradānaphalaṃ dvija

prahlādaṃ sakalāpatsu yathā rakṣitavānhariḥ /
tathā rakṣati yastasya śṛṇoti caritaṃ sadā