Vishnu Purana · Chapter 1.16

itiśrīviṣṇupurāṇe prathame 'ṃśe pañcadaśo 'dhyāyaḥ (15)
śrīmaitreya uvāca
kathito bhavatā vaṃśo mānavānāṃ mahātmanām /
kāraṇaṃ cāsya jagato viṣṇureva sanātanaḥ

yattvetadbhagavānāha prahlādaṃ daityasattamam /
dadāha nāgnirnāstraiś ca kṣuṇṇastatyāja jīvitam

jagāma vasudhā kṣobhaṃ yatrābdhisalile sthite /
pāśaurbaddhe vicalati vikṣiptāṅgaiḥ samāhatā

śailair ākrāntadehopi na mamāra ca yaḥ purā /
tvāya cātīva māhātmyaṃ kathitaṃ yasya dhīmataḥ

tasya prabhāvamatulaṃ viṣṇorbhaktimato mune /
śrotumicchāmi yasyaitaccaritaṃ dīptatejasaḥ

kiṃnimittamasau śastrair vikṣipto ditijemuna /
kimarthaṃ cābdhisalile vikṣipto dharmatatparaḥ

ākrāntaḥ parvataiḥ kasmāddaṣṭaścaiva mahoragaiḥ /
kṣiptaḥ kimadriśikharāktiṃ vā pāvakasañcaye

digdantināṃ dantabhūmiṃ sa ca kasmānnirūpitaḥ /
saśoṣakonilaścāsya prayuktaḥ kiṃ mahāsuraiḥ

kṛtyāṃ ca daityaguravo yuyujus tatra kiṃ mune /
śambaraścāpi māyānāṃ sahasraṃ kiṃ prayuktāvān

hālāhalaṃ viṣamaho daityasūdair mahātmanaḥ /
kasmāddattaṃ vināśāya yajjīrṇaṃ tena dhīmatā

etatsarvaṃ mahābhāga prahlādasya mahātmanaḥ /
caritaṃ śrotumicchāmi mahāmāhātmyasūcakam

na hi kautūhalaṃ tatra yaddaityaurnihato hi saḥ /
ananyamanaso viṣṇo kaḥ samartho nipātane

tasmindharmaparenityaṃ keśavārādhanodyate /
svavaṃśaprabhavair daityaiḥ kṛto dveṣotidupkaraḥ

dharmātmani mahābhāgo viṣṇubhakte vimatsare /
daitayaiḥ prahṛtaṃ kasmāttanmamākhyātumarhasi

praharanti mahātmāno vipakṣā api neddaśe /
guṇaiḥ samanvite sādhau kiṃ punaryaḥ svapakṣajaḥ

tadetatkathyatāṃ sarvaṃ vistarānmunipuṅgava /
daityeśvarasya cāritaṃ śrotumicchāmyaśeṣataḥ